1 Yokhana 2:5 - Mewar Alqawarang

⁵ Yang njif nu̱ mbuki ɓalar ɓu̱ Magham, zhire ndolar ɓu̱ Magham wa kha nyeedlan mbe nda. Shir wanang ka sa chem zu̱n chem kharan mbe nda.

1 Yokhana 2:5 Iomraidhean Croise

Luka 11:28

Tu̱ Yesu tlogha yenda za, “Nduki nu̱ ka tu̱kki ɓalar ɓu̱ Magham tu̱ tlu̱na wa duk ndu̱ barke.”

Yokhana 14:21

Kap njif nu̱ zu̱nki Wopar ɓanga, tu̱ yang ki khutloran, chin kya ndola nga. Njif nu̱ke a ndola nga yang, Zhinkir ɓang ka ndola nda, ngga ndola nda tu̱k tang wut vara yenda.”

Yokhana 14:23

Tu̱ Yesu tlogha yenda, “Kap njif nu̱ke a ndola nga, ka khutlo ɓalar ɓanga, Zhinkir ɓang ka ndola nda tu̱k, chem ka ɗa ɓa she nda chem kha gha su̱yen ndu̱ chin.

Yokhana 15:5

“Nga ke qu̱far anapang tun ke me bu̱n qu̱farang. Njif nu̱ khaki nu̱ mbya nga mbe nda, chin ka khaki qusonggi khang. Jiwa mbu̱ tun a su̱yen ndu̱ nga ɓa, tun ɓu̱ ɗu̱ma shi aa nu̱m ɓa.

Yokhana 6:56

Kap njif nu̱ke a nji dlu vara, tu̱ ki za tom ɓanga kharan mbya, nga kharan mbe nda tu̱k.

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Yaqub 2:22

Na ma maito nu̱ke a su̱yen ndu̱ tlu̱nar ɓaranang ɗo, maito ɓaranang kha nyeedlan nu̱ ku̱nshe tlu̱nar ɓaran.

1 Yokhana 3:24

Kap nu̱ mbu zu̱r ɓaranku kharan mbe nda, chin kharan mbe wor tu̱k. Wonji ɗyi nu̱ saki chem zu̱n za shwat a nje kharan mbe rem, chem zu̱n nu̱ ku̱nshe Jiimbi nu̱ vu̱rki yerem.

1 Yokhana 4:17

Nu̱ ku̱nshe nang ndola wa kha nyeedlan mbe rem ma ku̱ kha mi ndu̱ shokhku̱rokh memu̱na fu̱ɗar nu̱ke Magham a ma kuma rem. Jiwa ba wa nu̱ke Masiya si, chem wanang tu̱k mbu̱ larji nang.

1 Yokhana 4:18

Sawa nje mbu̱ ndola ɓa, ku̱me ndolar nyelkandi wa ka komba sawa, yang vu̱rti bonye ye nduk mbu̱ wa shi zop wa ka sa nduk tu̱ tu̱k sawa. Nang wa wut nu̱ ɗyine njif nu̱ tu̱kki sawa ndolar ɓaran nyeedlan ɓa.

1 Yokhana 5:2

Ɗyi nu̱ke ka saki chem zu̱n nu̱ ɗyine chem a ndola qusonggi ɓu̱ Magham chin ke mbu̱ chem a ndola Magham, chem a shi ɗyi nu̱ zu̱ki yerem za shi mi.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

2 Yokhana 1:6

Yang nang ke ndola, ku̱ shi mi ɗyi nu̱ke Magham zu̱ki za shem. Ba wa nun tu̱kki gumapaalyang, zu̱r ɓaranang chin ke shem yir mbe ndola.

Ɗyin mbu̱ tukari 12:17

Tu̱ Su̱tang shi shokhna ndu̱ nokhzang maɗyi, tu̱ ji ma shi nji dakhlar ndu̱ ɓeeni pooni ɓu̱ nokhzang, wor ke, kap nduki nu̱ke a mbu bibiti ɓu̱ Magham, a maita zhire nu̱ Yesu wutki nang.

Ɗyin mbu̱ tukari 14:12

Nang a shimkya kanaɗyi mbe gu̱ndi memu̱nar du̱mbu̱rkandi ɓu̱ nduki ɓu̱ Magham, nu̱ke a mbu bibiti ɓaran, a khar zhire mbe maitar Yesu nu̱ shiki ku.