1 Yokhana 2:3 - Mewar Alqawarang

³ Mbu̱ chem wa mbu zu̱r ɓu̱ Magham, nang ka wut nu̱ ɗyine chem wa zu̱n nda.

1 Yokhana 2:3 Iomraidhean Croise

Luka 6:46

“Tun a qa nga Zhinerem gwaanji, Zhinerem gwaanja ma nu̱ma, nu̱ke nun khutlo ɓalar ɓang ɓa?

Yokhana 14:15

“Mbu̱ tun a ndola nga, tun ka mbu zu̱r ɓanga.

Yokhana 15:10

Nga mbu zu̱r ɓu̱ Zhinkir ɓang tang khan mbu̱ ndolar ɓaran tu̱k. Wanang tu̱k mbu̱ tun wa mbu Woparku ɓang tun ka khan mbu̱ ndolar ɓanga.

Yokhana 15:14

Tun rapta mbu̱ tun wa shi ɗyi nang zu̱ki ye nu.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

1 Yokhana 2:13

Tun zhinkirku, nga bu̱laran ye nu ku̱me tun wa zu̱n chin nu̱ke a nje ji vu̱ nggarsan. Tun nyakhtlirku, nga bu̱laran ye nu ku̱me tun wa zu̱m loobo ɗyine Nu̱ mu̱nar nang. Tun qusongga, nga bu̱laran ye nu ku̱me tun wa zu̱n Zhinkirang.

1 Yokhana 3:14

Chem wa zu̱n nu̱ ɗyine chem wa peeta mu̱ti ma yir she nyifiri ku̱me chem a ndola nyeezerem. Njif nu̱ke nu̱ka ndola nyeezan ɓa, a mbu̱ bu̱n mu̱ti ma ɓar ye meeni.

1 Yokhana 3:19

Nang ke njiv nyem zu̱nki nu̱ ɗyine chem nu̱ zhire, yang aa gume Magham memu̱narem da vaarem zu̱ran,

1 Yokhana 3:6

Ku̱me nang kap njif nu̱ke a khar mbe Masiya ɓu̱ zu̱m guma ndu̱ sola ɓa. Kap njif nu̱ zu̱mki guma ndu̱ sola, nu̱ na Yesu sar da ɓa, yang nu̱ zu̱n nda tu̱k sar da ɓa.

1 Yokhana 4:13

Chem wa zu̱n za chem kharan mbe nda, chin a mbe rem tu̱k, ku̱me Jiimban nu̱ vu̱rki yerem.

1 Yokhana 4:7

Raptaku nu̱ke nga ndolaran, ndola mi yen ku̱me ndola ka vi she Magham. Kap njif nu̱ka wutki ndola ɗya yi ɓu̱ Magham, wa zu̱n Magham tu̱k.

1 Yokhana 5:19

Chem wa zu̱n nu̱ ɗyine chem qusonggi ɓu̱ Magham, yang larji kap a mbu̱ khar Sheɗan.

1 Yokhana 5:2

Ɗyi nu̱ke ka saki chem zu̱n nu̱ ɗyine chem a ndola qusonggi ɓu̱ Magham chin ke mbu̱ chem a ndola Magham, chem a shi ɗyi nu̱ zu̱ki yerem za shi mi.

1 Yokhana 5:3

Jiwa ndolar Magham chin ke, shir ɗyi nu̱ Magham zu̱ki za shem, yang ɗyi nu̱ka zu̱ki za shi myang shar ɓa,

Ɗyin mbu̱ tukari 12:17

Tu̱ Su̱tang shi shokhna ndu̱ nokhzang maɗyi, tu̱ ji ma shi nji dakhlar ndu̱ ɓeeni pooni ɓu̱ nokhzang, wor ke, kap nduki nu̱ke a mbu bibiti ɓu̱ Magham, a maita zhire nu̱ Yesu wutki nang.

Ɗyin mbu̱ tukari 14:12

Nang a shimkya kanaɗyi mbe gu̱ndi memu̱nar du̱mbu̱rkandi ɓu̱ nduki ɓu̱ Magham, nu̱ke a mbu bibiti ɓaran, a khar zhire mbe maitar Yesu nu̱ shiki ku.

Ɗyin mbu̱ tukari 22:14

“Nduki nu̱ shiɓki luktiku ɓaanda nu̱ gha, ma ku̱ gwa zalale nji qu̱far nyifiri, tu̱ vi ku nu̱ mbu̱ ghayang ve me viri, ɗya nu̱ barka ku.