1 Yokhana 2:27 - Mewar Alqawarang

²⁷ Yang ɓaanu Masiya wa vu̱r Jiimbi shakhshakhndi nu̱ mbe nu, ku̱me nang tun a gang maalu̱m nggur zumndi ma ku̱ shoga ye nu ɓa. Jiimbi nu̱ vu̱rkyang ka shoga aa nu̱m ndu̱ aa nu̱m ye nu, yang shogar ɓaranang ɗya zhire, nu̱ka shi wollo ɓa. Ku̱me nang zu̱m ma guma ndu̱ khar mbe Yesu ba wa nu̱ Jiimbyang shogaki ye nu.

1 Yokhana 2:27 Iomraidhean Croise

Matta 13:11

Tu̱ Yesu tlogha ye wor za, “Wa vu̱r ye nu ku̱ zu̱n nu ɗyi tukakandi nu̱ke a mbu̱ kwaaɗar ɓu̱ Magham, yang ɓaanda nu̱ vu̱r na ye wor ɓa.

Yokhana 14:16

Ngga khuɗ Zhinkirang, chin yang ka vu̱r Nu̱ shaatar nggur ye nu tu̱ kha gha ve yen ndu̱ tun koɗokhsi ɓa.

Yokhana 14:17

Chin ke Jiimbi nu̱ zhire, nu̱ke larji ɓu̱ ɗu̱ma dlu̱ran ɓa ku̱me ɓu̱ ɗu̱ma na nda ɓa yang nu̱ zu̱n nda ɓa. Ɓaanu yang tun wa zu̱n nda, ku̱me a nje kharan ndu̱ tunu, yang ka ɓaa khan mbu̱ memu̱na nu.

Yokhana 14:26

Yang Nu̱ shaatarang, chin Jiimbi shakhshakhndi nu̱ke Zhinkirang ka ɓa ru̱kki mbu̱ dlu̱ma, chin ka shogaki aa nu̱m ye nu, tu̱ kor ɗyi nang zu̱ki ye nu kap.”

Yokhana 16:13

Yang sarchi nu̱ Jiimbi nu̱ zhire a ɓa ki, ka mbu ndu̱ tun mbe aa nyi zhire, ku̱me ɓu̱ shi ɓala ku̱me ɗyinan ɓa, yang ka zu̱kya ɗyi nyin tu̱kki ɗyenda, ka zu̱ ɗyi nu̱ke a ma ɗatli ye nu.

Yokhana 4:14

yang aaki zaki ɗyim nu̱ke ngga vu̱rki yendang ɓu̱ tu̱k khuzhum gana tu̱k ɓa. Ɗyim nang vu̱rki yendang ka kha ma ɗyim nu̱ke a ɓaghar ma yir mbu̱ nyifi nu̱ke nu̱ka shi woɗa ɓa.”

Yokhana 6:45

A nje bu̱laran mbu̱ lagarkati ɓu̱ annabikwang za, “Magham ka shogaki ye wora. Yang kap njif nu̱ tu̱kki, tu̱ yang shoga she Zhinkirang, wa ka ɓa sha.

1 Korintiyeku 2:12

Yang chem dlu̱kyang jiimbi nu̱ larji ɓa, chem dlu̱kyang Jiimbi na viki she Magham ma zu̱n mi vu̱rti ku nu̱ Magham shiki yerem koɗokhsi ɓa.

1 Korintiyeku 2:13

Ɗyiku nu̱ke chem a zu̱ran ye nu nang, nyem shi boote ndu̱ ɓalar nu̱ kaɗari nu̱ nduk shogaki yerem ɓa. Chem a shikya boote ndu̱ ɓalar nu̱ Jiimba shogaki yerem, chem a zu̱ zhire ɗyi nu̱ mbu Jiimba ye nduki nu̱ke a mbu̱ Jiimba.

2 Korintiyeku 1:21

Shwat Magham wutki yerem su̱yen ndu̱ tun guma da, za chem chingndan shanggu̱ɗang mbe Masiya. Chin datki rem.

Afiseku 4:21

Nga maita nu̱ ɗyine tun wa tu̱k labar ɓaran. Nu̱ke tun nduki ɓaran, wa shoga zhire nu̱ke a mbe Yesu ye nu.

Kolosiyeku 2:6

Nu̱ke tun wa dlu̱ Masiya Yesu tu̱ kha ma Zhinonu gwaanji, shi ma khar viti ɓaanu mbe nda.

1 Tasalonikeku 2:13

Chem a kuna Magham aakochi ku̱men, nu̱ke sarchi nun tu̱kki ɓalar ɓu̱ Magham she rem tun dli, nun dlu̱ wa ɗya ɓalar ɓu̱ nduk ɓa. Tun dlu̱ ba wa nu̱ke a si, ɗya ɓalar ɓu̱ Magham nu̱ke a tlu̱nar mbu̱ memu̱na nu, tun nun maitaki.

1 Tasalonikeku 4:9

Ɗyine ɓalar ndolar yen wa khachinkirku, nu̱ ku̱s ku̱ bu̱lami ɗyen ye nu ɓa, ku̱me tun ndu̱ ɗyinonu Magham wa shoga ye nu za ku̱ ndola nu yen.

1 Timoti 2:7

Nang ke ɗyi nu̱ saki tu̱ daati nga tang kha ma pude ndu̱ nu̱ wopar ɓalarang. Nga ke maalu̱m nu̱ shogar ye kap nduki nu̱ke ɗya Yakhudeku ɓa mbu̱ maito zhirekandi. Ɗyi nu̱ke nga zu̱ran nang ke zhire ni, kotama nje mban ɓa.

1 Biturus 1:23

Jiwa tun wa gwa mewar khari. Yang mewar nyifi ɓaanu nang tun gwa she pooni nu̱ke wa ka mu̱t ɓa, tun gwa she pooni nu̱ke nu̱ka shi mu̱t ɓa. Kha nu nu̱ ku̱nshe ɓalar ɓu̱ Magham nu̱ke nyifiri a si yang nu̱ka shi mu̱ti ɓa.

1 Yokhana 2:28

Leendang, tun qusonggi ɓang nu̱ke nga ndolaran zu̱m ma guma ndu̱ khar mbe Masiya, ku̱me fu̱ɗa ɓar ɓaran chem ɓu̱ tu̱k kawa ɓa chem ka kha ndu̱ shokhku̱rokh memu̱na gume nda.

1 Yokhana 3:24

Kap nu̱ mbu zu̱r ɓaranku kharan mbe nda, chin kharan mbe wor tu̱k. Wonji ɗyi nu̱ saki chem zu̱n za shwat a nje kharan mbe rem, chem zu̱n nu̱ ku̱nshe Jiimbi nu̱ vu̱rki yerem.

2 Yokhana 1:2

Chem a ndola nu ku̱me zhire nu̱ke a mbe rem, yang ka kha gha su̱yen ndu̱ chem koɗokhsi ɓa.