1 Yokhana 2:18 - Mewar Alqawarang

¹⁸ Tun qusonggi ɓanga, nang ke lauɗar su̱ qaandi virkirku. Ba wa nun tu̱kki za, nu̱ zhangndi Masiya a nje a ɓari, yang aa leendang nu̱ zhangndi Masiya ku khang a ɓa. Nang ke ɗyi nu̱ saki chem zu̱n za chem a mbu̱ lauɗar su̱ qaandiku.

1 Yokhana 2:18 Iomraidhean Croise

Matta 24:11

Annabi kotameku khang ka ɗa ɓa ku tu̱ lamba nduki khang.

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Matta 24:5

Ku̱me nduki khang kaɗa ɓa mbu̱ dlu̱ma, ka zu̱ ku za, ‘Nga ke Masiya,’ yang ka lamba nduki khang.

Markus 13:6

Ku̱me nduki khang kaɗa ɓa ku mbu̱ dlu̱ma, a zu̱ran ku za, “Nga ke Masiya yang ka lamba nduki ku khang.”

Yokhana 21:5

Tu̱ Yesu wopa ye wor za, “Nyeeza, tun wa ku̱s yurvu mu?” Tu̱ tlogha yenda ku za, “Auwo!”

Romeku 13:11

Tun ki shi nang ku̱me tun wa zu̱n sarchi nu̱ke chem a mban. Sarchi wa shi nu̱ke tun ka nakhaki mbe ɗyenir ɓaanu, ku̱me sarchi ɗanar ɓaanu a shi bing leendang tu̱ duk sarchi nun maitaki gumapaalyang.

Romeku 13:12

Virkirang wa shi bing woɗari, wa njig koɗom ku̱ maarang ɗatli. Ku̱me nang bu ku̱ wos mi tlu̱nar nu̱ zhum maari gha, chem sa lukti nu̱ vi nu̱ dakhlar ɓaarem nu̱ yarangi.

Yibraniyeku 1:2

Yang ye lauɗarsi qaandi virkirku nang shi ɓalarang nu̱ ku̱nshe Yi ɓaran. Magham du̱ng aa nu̱m ndu̱ aa nu̱m nu̱ ku̱nshe Yi ɓaranang. Datkya chin tu̱k ma ku̱ aa nu̱m kha ma ɓaran.

1 Biturus 1:20

Magham datkya chin me ku̱ du̱ng larji, yang wuti nda ye dalangi ye lauɗar su̱ qaandi virkirku nang ku̱me tunu.

1 Biturus 1:5

Tun nu̱ke nu̱ ku̱nshe maito ɓaanu zalale ɓu̱ Magham a khutloro nu. A shim ku̱ khu̱l nu ma gwa nu ɗanar nu̱ daasaki, ma ku̱ wuti nda ye dalangi ye lauɗar su̱ qaandi virkirku.

1 Biturus 4:7

Lauɗarsi aa nu̱m wa shi bing. Ku̱me nang shi ma nggu̱ti mbari, tun ku̱r vaanu. Ku̱me ku̱ ɗu̱ma nu tun shi barari.

2 Bitu̱rus 2:1

Annabi kotameku a vi ku nu̱ mbu̱ nduki ɓu̱ Magham. Yang tu̱k, maalu̱mku nu̱ wollo ka ɗa vi chele ɓaanu. Ka ɗa ɓa ndu̱ shogar ku nggur mbu̱ tuka, tu̱ shi shogar wollo ye nduki ma su̱bu̱r wora. Ka zhang Zhinerem gwaanji nu̱ dliiki nyifi ɓaanda gha. Shir wanangang ka ɗa ɓa ndu̱ mu̱ti ɓaanda ɓu̱ shoɓ ɓa.

2 Bitu̱rus 3:3

Gumapaali, zu̱n ma nu̱ ɗyine, ye lauɗar su̱ qaandi virkirku nduki nu̱ ɓalar ndu̱mndi ku ka ɗa vi a ɓalar ndu̱mndi ku. A mbu ɗyiku malkandi nu̱ wor shimki.

1 Yokhana 2:22

Ki ke nu̱ wollo? Ɗya njif nu̱ kelaki za Yesu ke Masiya. Njif nu̱ kelaki Zhinkirang ndu̱ Woyang, nang ke nu̱ zhangndi Masiya.

1 Yokhana 4:1

Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.

1 Yokhana 4:3

Yang kap jiimbi nu̱ke nu̱ saida nang ɗyine Yesu ɓa, jiimbi nang a vi she Magham ɓa. Nang ɗya jiimbi ɓu̱ nu̱ zhangndi Masiya nun tu̱kki za a nje a ɓarang, aa leendang a woɗa ɓar mbu̱ larji.

2 Yokhana 1:7

Nu̱ lambar nduki khang a vi ku, tu̱ lakhtan aa fu̱n mbu̱ larji. Nu̱ maita ku za Yesu Masiya a ɓa mbu̱ larji mbu̱ manva ɓa. Kap nu̱ pooni shogar nang wor ke nu̱ lamba ndu̱ nu̱ zhangndi Masiya.

Yakhuda 1:18

Wa zu̱ ye nu ku za, “Ye lauɗar su̱ qaandi virkirku ndukiku nggur ka ɗa ɓa nu̱ ɓalar ndu̱mndi ku, ka mbu shimndi ɓu̱ ɗyin vaanda.