1 Yokhana 2:14 - Mewar Alqawarang

¹⁴ Tun zhinkirku, nga bu̱laran ye nu ku̱me tun wa zu̱n chin nu̱ke a nje gumapaali. Tun nyakhtlirku, nga bu̱laran ye nu ku̱me tun du̱mbu̱ran, yang ɓalar ɓu̱ Magham a nje kharan mbu̱ memu̱na nu, tun wa ra Nu̱ mu̱nar nang.

1 Yokhana 2:14 Iomraidhean Croise

Yokhana 15:7

Mbu̱ tun wa khan mbya, tu̱ ɓalar ɓang khan mbe nu, tun ka khuɗ ɗyi nu̱ke tun a shimndan kap, ka shi ye nu.

Yokhana 5:38

Nu̱ke ɓalar ɓaran a nje kharan mbu̱ memu̱na nu ɓa, ku̱me nun maita njif nu̱ Zhinkirang a ru̱kki ɓa.

Yokhana 8:31

Tu̱ Yesu ze Yakhudeku nu̱ maitaki nda za, “Mbu̱ tun wa zu̱m guma ndu̱ khubti shogar ɓanga, tun ke nu̱ mburi nga ku zhirekandi.

Yokhana 8:37

Nga zu̱n tun zhikan Yibram, yang tun a shim tlagha nga, ku̱me nun dlu̱ shogar ɓang ɓa.

Afiseku 6:10

Ye lauɗar san pa ma du̱mbu̱r ye vaanu mbe Zhinkir gwaanji ndu̱ zalale ɓaran du̱mbu̱rkandi.

Filipiyeku 4:13

Ngga ɗu̱ma shi aa nu̱m nu̱ ku̱nshe Masiya nu̱ ka vu̱rki du̱mbu̱r shiran ya.

Kolosiyeku 1:11

Ku̱ Magham pa du̱mbu̱r ye nu ndu̱ du̱mbu̱r ɓaran nu̱ zhaaji tun gwa tun ching gha mbari, ma ku̱ gu̱n nu memu̱na nu ndu̱ ɗyi nu̱ke a ɗaatli, tun a kanaɗyi mbe kasha.

Kolosiyeku 3:16

Wa ku̱s ku̱ yele ɓalar ɓu̱ Masiya khan mbu̱ memu̱na nu. Tun a shogaran ye yen, tun a wu yen mbe aa nyi pooni kaɗari. Tun a taazi Zabure ndu̱ nu̱ khamndi Magham, tun a taazi ku mbe jiimba ye Magham, tun a kuna nda mbu̱ memu̱na nu.

2 Timoti 2:1

Yang to yi ɓanga, kho ndu̱ du̱mbu̱r nu̱ ku̱nshe mu̱nkir nu̱ke a mbe Masiya Yesu.

Yibraniyeku 8:10

Wonji alqawar nu̱ke nga ma shiran ndu̱ nduki nu̱ Israila mbu̱ qaandiku nu̱ke a ɓari, nga Zhinkir gwaanji kya ɓalar nang. Ngga sa bibitiku ɓang nu̱ mbu̱ kwaari ɓaanda, ngga bu̱lan mbu̱ memu̱na wora. Ngga kha ma Maghamndi ɓaanda, tu̱ kha ma nduki ɓang ku.

1 Yokhana 1:1

Chem a shikya ɓalar ye nu ɗyine njif nu̱ke a nje gumapaali, nyem tu̱kki, chem na ndu̱ yiterem, chem nggu̱ti nda chem su̱ɓa ndu̱ khaarem. Chem a shikya bu̱lar ye nu ɗyine Ɓalar nu̱ vu̱rti Nyifiri.

1 Yokhana 1:10

Mbu̱ chem wa zu̱ nyem za nyem shi sola ɓa, chem wa gaɓ ndu̱ chin ma nu̱ wollo, yang ɓalar ɓaran a nje mbu̱ memu̱narem ɓa.

1 Yokhana 2:13

Tun zhinkirku, nga bu̱laran ye nu ku̱me tun wa zu̱n chin nu̱ke a nje ji vu̱ nggarsan. Tun nyakhtlirku, nga bu̱laran ye nu ku̱me tun wa zu̱m loobo ɗyine Nu̱ mu̱nar nang. Tun qusongga, nga bu̱laran ye nu ku̱me tun wa zu̱n Zhinkirang.

2 Yokhana 1:2

Chem a ndola nu ku̱me zhire nu̱ke a mbe rem, yang ka kha gha su̱yen ndu̱ chem koɗokhsi ɓa.

3 Yokhana 1:3

Nga kasha maɗyi sarchi nu̱ ɓeeni nyeezerem a ɓa ki tu̱ zu̱ zhire ɓu̱ khar viti ɓaaro mbe zhire, ndu̱ mburi zhire nu̱ke ta san.

Ɗyin mbu̱ tukari 2:3

Nga zu̱n ta kaɗanyi mbe gu̱ndi memu̱nar mbu̱ bonyeku ku̱me dlu̱ma, no nggum ɓa.

Ɗyin mbu̱ tukari 2:7

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu ku! Kap njif nu̱ raki wute nang, ngga vu̱r zalale nji ye qu̱far Nyifiri yenda nu̱ke a nje viɗ zhena ɓu̱ Magham mbu̱ viɗi.