1 Yokhana 2:1 - Mewar Alqawarang

¹ Qusonggi ɓang nu̱ke nga ndolaran, nga bu̱lar nang ye nu ma ku̱ shi nu sola ɓa. Mbu̱ yang njif nggur wa shi sola, nu̱ shaatar a nje khaarem nu̱ke ka chingki yerem gume Zhinkirang, chin ke, Yesu Masiya, Nu̱ Dambyang.

1 Yokhana 2:1 Iomraidhean Croise

Luka 10:22

“Aba ɓang wa vu̱r zalale ya ɗyine aa nu̱m kap. Nduka nje zu̱nki Woyang ɓa, kope Zhinang ɗyenda, yang tu̱k nduk a nje zu̱nki Zhinang zum ɓa kope Woyang, kom ndu̱ njif nu̱ Woyang shimki wuti nda yenda.”

Yokhana 10:15

ba wa nu̱ Zhinkirang zu̱nki nga, nga tu̱k nga zu̱n Zhinkirang. Nga ka vu̱r nyifi ɓang ku̱me ndu̱ɓangkwang.

Yokhana 13:33

Tun nyeezaku, wa njig sarchi koɗomma nu̱ke ngga khaki ndu̱ tunu.” Tun ka laɓti nga, yang ba wa nang zu̱ki ye dle gume ɓu̱ Yakhudekwang nga za, “Ye maa nu̱ke nga yiri, tun ɓu̱ ɗu̱ma yir ɓa.” Nga zu̱ran ye nu wanang tu̱k leendang.

Yokhana 14:16

Ngga khuɗ Zhinkirang, chin yang ka vu̱r Nu̱ shaatar nggur ye nu tu̱ kha gha ve yen ndu̱ tun koɗokhsi ɓa.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 21:5

Tu̱ Yesu wopa ye wor za, “Nyeeza, tun wa ku̱s yurvu mu?” Tu̱ tlogha yenda ku za, “Auwo!”

Yokhana 5:14

Qu̱rsan tu̱ Yesu a gwa nda mbu̱ Rafti ɓu̱ Maghamang tu̱ ze nda za, “Nggu̱tka, ta shaana! Shi na sola tu̱k ɓa, ma ku̱ ɗyi nu̱ dukki nang gwa ɓa.”

Yokhana 5:36

Yang saidu ɓanga nje khara nu̱ dukki saidu nu̱ Yokhana shiki ɗyina. Ɗyiku nu̱ke nga shiran Zhinkirang vu̱rki ya za shi nga, ɗyi nu̱ke nga shiranku nang, wor saidaki za Zhinkirang a ru̱kki nga.

Yokhana 6:27

Ki nu bonye ku̱me kaalar ɗye zu̱mndi nu̱ke ka su̱bu̱rki ɓa, laɓ ma ɗye zu̱mndi nu̱ke ɓu̱ shi su̱bu̱r ɓa, yang ka vu̱r nyifi ye nu nu̱ke ɓu̱ shi woɗa ɓa. Nang ke pooni ɗye zu̱mndi nu̱ke Yi ɓu̱ Nduk ka vu̱rki ye nu. Ku̱me Magham wa ghwaɗ saidu maito nu̱ ve Masiya Yesu.”

Yokhana 8:11

Tu̱ tlogha za, “Ku̱man, nduk a nje ɓa.” Tu̱ Yesu zu̱ za, “Aa nga nang kuma ɓa, ɗu̱ vaaro, yang gaɓ na to shi sola tu̱k ɓa.”

Tlu̱nar ɓu̱ Pudeku 7:52

Annabyang nje nu̱ke zhikannu nu̱ vu̱r bonye yenda ɓa mu? Wor tlaghaki nduki nu̱ wopaki ɓar ɓu̱ nu̱ Jeembu nang, yang leendang tun vu̱rki nu̱ Jeembwang ɓar tun tlagha nda nu̱ gha.

Romeku 5:10

Nang ɗo, mbu̱ ye sarchi nu̱ke chem a kare ndu̱ Magham, chem gwaki somtar ndu̱ chin nu̱ ku̱nshe mu̱ti ɓu̱ Yi ɓaran. Leendang nu̱ gaɓki ndu̱ chem ma raptan ɗa, ai ka ɗana rem nu̱ ku̱nshe khar viti ɓu̱ Yi ɓaranang.

Romeku 6:15

Yang nang mban za kim ɗo? Chem ka zu̱m guma ndu̱ solari ku̱me chem a mbu̱ bu̱n Bibitang ɓa, chem a mbu̱ bu̱n mu̱nkir ɓu̱ Magham mu? Auwo! Chem ɓu̱ shi wanang sar da ɓa!

Romeku 8:34

Ki khu̱lki ma ku̱ kuma mu̱ti ye wora? Masiya Yesu nu̱ mu̱tki, dukti nang, tu̱ ji mbe mu̱ti, yang a nje kharan ɗyin bu̱n zu̱ma ɓu̱ Magham, chin kya khuɗ Magham yerem.

1 Korintiyeku 15:34

A gaɓ man mbu kwaari ɓaanu mbarkandi, tun njig tlu̱nar solari. Ɓeena nduki chele ɓaanu nu̱ zu̱n Magham ku ɓa. Nga zu̱ wanang ma ku̱ tu̱k nu kawa.

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Galatiyeku 4:19

Tun qusonggi ɓanga, nang ke bonye nu̱ rapan nang zaki wa nokhzi nu̱ke a ɗyin purman ma kha nun dam. Yang ngga zu̱m guma ndu̱ bonye nang kope ɗye shir ɓu̱ Masiya wa kha gha mbu̱ memu̱na nu.

Afiseku 2:18

Ai, mbu̱r ɓaarem chem gwa zalale ɓar she Zhinkirang ve njiv da, nang ke Jiimbi shakhshakhndi.

Afiseku 4:26

Mbu̱ memu̱na nu wa su̱bu̱ri, ku̱ njig nu tu̱ sa nu ma sola ɓa. Ku̱ fu̱ɗar nggu̱ɗ tu̱ na shokhna ɓa.

1 Timoti 2:5

Jiwa Magham kaada, nduk kaada tu̱k ke nu̱ chingndi nu̱ chele ɓu̱ nduk ndu̱ Magham, nang ke khuski nang Masiya Yesu.

1 Timoti 3:14

Nga bu̱la ɓalarku nang yoro, aa nu̱ke nga sa memu̱nara nu̱ ɗyine ngga ɗa ɓa ɓu̱ shoɓ ɓa.

Yibraniyeku 9:24

Jiwa Masiya nu̱ vikya nu̱ mbu̱ Kib shakhshakhndi nu̱ nduk du̱nki ɓa, ɗya ba zhire shipar ɓu̱ nu̱ viɗang. Masiya vikya nu̱ mbu̱ viɗi, ma ku̱ ɗu̱ nji gume Magham ku̱me chem.

Yaqub 1:27

Ghaari ghai nu̱ke wakaran nu̱ zhire she Magham Zhinki, chin ke, ku̱ nduk nggu̱t ku̱du̱wku ndu̱ maryirku mbu̱ bonye nu̱ke a zaran ku, kom ku̱ nduk waka varan ɓar mbe pooni khar viti malkandi nu̱ larji nang.

Yaqub 3:9

Chem ka kham Zhinkir gwaanji Zhinerem si, yang chem ka pu̱z nduki nu̱ Magham shiki wor mbu̱ shipar ɓaran si tu̱k.

1 Biturus 2:22

“Sar da nu̱ shi zop ɓa, nu̱ shi wollo sar da ɓa.”

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

1 Yokhana 3:18

Tun qusonggi ɓang nu̱ke nga ndolaran wut nu ndolar ɓaanu ve me ɗyenda ɓa, wut ma mbu̱ tlu̱nar ɓaanu ndu̱ shir zhire.

1 Yokhana 3:5

Tun wa zu̱n nu̱ ɗyine Yesu a ɓa ma ku̱ da nji solarku ɓaarem ɓara, yang sola nje mbe nda ɓa.

1 Yokhana 3:7

Tun qusonggi ɓang nu̱ke nga ndolaran, ku̱ aaki lamba nu ɓa. Nu̱ shir zhire ɗya nu̱ dambi ba wa nu̱ke Masiya ɗya nu̱ dambi.

1 Yokhana 4:4

Tun qusonggi ɓang nu̱ke nga ndolaran, tun a vi she Magham, tun wa ra annabi nu̱ lambar ku nang, ku̱me Jiimbi ɓu̱ Magham nu̱ke a mbe nu wa duk jiimbi nu̱ke a mbe nduki nu̱ke a mbu̱ larji nang.

1 Yokhana 5:17

Kap shir tlu̱nar malkandi ɗya sola, yang pooni solarku a nje nu̱ke nu̱ka khu̱l ye mu̱ti ɓa.

1 Yokhana 5:21

Tun qusonggi ɓang nu̱ke nga ndolaran, nga zu̱ran ye nu tun shakh ɗyinonu ndu̱ mu̱lu̱mku.

3 Yokhana 1:4

Tun a nje nu̱ka saki memu̱nara tu̱ shi ɓong wa tu̱k nga za qusonggi ɓanga yir mbe zhire ɓa.