1 Yokhana 1:6 - Mewar Alqawarang

⁶ Ku̱me nang mbu̱ chem wa zu̱ za chem a khar su̱yen ndu̱ Magham, yang chem zu̱m guma ndu̱ khar mbu̱ zhumi, chem a shikya wollo, nyem mbu zhire ɓa.

1 Yokhana 1:6 Iomraidhean Croise

Matta 7:22

Ye fu̱ɗar naandang nduki khang ka zu̱ ya ku za, ‘Zhinerem gwaanji, Zhinerem Gwaanji! Chem wopaki ɓalar ɓu̱ Magham mbu̱ dlu̱mor ɓa goma? Nyem komba khu̱kheeti ku mbu̱ dlu̱mor de? Nyem shi ɗye lazhamku khang mbu̱ dlu̱mo ɓa?’

Yokhana 11:10

Yang njif nu̱ke a yir nu̱ virkiri wa ka ji saaran ku̱me yarang nje she nda ɓa!”

Yokhana 12:35

Tu̱ Yesu ze wor za, “Yarangang a nje su̱yen ndu̱ tunu me sarchi koɗomma. Shi ma yir sarchi nu̱ke yarangang a nje su̱yen ndu̱ tunu, ma ku̱ zhum maari gwa nu ɓa. Nu̱ yir mbu̱ zhum maari nu̱ zu̱n ye maa nu̱ke chin a yir su̱ ɓa.

Yokhana 12:46

Nga ɓa wa yarang mbu̱ larji ku̱me ku̱ aaki nu̱ke a maita nga shi yir mbu̱ zhum ɓa.”

Yokhana 8:12

Tu̱ Yesu zu̱m guma ndu̱ ɓalar ye nduki a zu̱ran za, “Nga ke yarang ɓu̱ larji. Kap njif nu̱ke a mburi nga ɓu̱ shi yir mbu̱ zhum ɓa, yang ka gwa yarang nyifiri.”

Yokhana 8:55

Nun zu̱n nda ɓa, yang nga zu̱ndi nda. Mbu̱ tu̱ga nga ze nu za nang zu̱n nda ɓa tu̱ga nga kha ma nu̱ kotama wa tunu. Yang nga zu̱n nda, nga khutlo ɗyi nu̱ke a zu̱ran.

1 Timoti 4:2

Pooni shogarku nang kaɗa vi she nu̱ lambarku nu̱ mu̱nar bamndi nu̱ke konyi mbarkandi ɓaanda mu̱tan, wa no za va nu̱ gha ndu̱ vi nu̱ke ɓai a si.

Yaqub 2:14

Nyeezaku, a fu̱n boote ku̱ nduk zu̱ za chin wa maita yang tlu̱nar ɓaran nu̱ wut wanang ɓa? Pooni maito ɓaran nang ka ɗana nda shoɗa?

Yaqub 2:16

Tu̱ yang da chele ɓaanu ze wor za, “Kha ma laya, ku̱ Magham vu̱r ɗye zu̱mndi ndu̱ ɗye sar ye nu,” yang nu̱ vu̱r aa nu̱m ye wor nu̱ke man var wor a gangndanang ɓa. Ɓalar nu̱ zu̱ki nang ka boota wor ve nu̱ma, nu̱ke nu̱ vu̱r ɗyi nu̱ke a gangndan kwang ye wor ɓa?

Yaqub 2:18

Ai, njif nggur ka ɗu̱ma zu̱ran za, “To nu̱ maito, yang ɓang tlu̱na kya khara.” Nu̱ke wanangang, wut maito ɓaa ya nu̱ke tlu̱na su̱ ɓa ndang, ɓang ngga wut maito ɓang yoro nu̱ ku̱nshe tlu̱nar ɓanga.

1 Yokhana 1:10

Mbu̱ chem wa zu̱ nyem za nyem shi sola ɓa, chem wa gaɓ ndu̱ chin ma nu̱ wollo, yang ɓalar ɓaran a nje mbu̱ memu̱narem ɓa.

1 Yokhana 1:3

Chem a zu̱kya ɗyi nyem tu̱kki, chem na ye nu, ku̱me chem a shim ku̱ kha mi su̱yen. Yang khar ɓaaremang su̱yen ndu̱ Magham Zhinki, ndu̱ Yi ɓaran Yesu Masiya.

1 Yokhana 1:8

Mbu̱ chem wa zu̱ nyem za sola ve rem ɓa, chem a lambakya ɗyinerem, yang zhire mbe rem ɓa.

1 Yokhana 2:4

Kap njif nu̱ zu̱ki za, “Nga zu̱n Magham,” yang nu̱ka mbu zu̱r ɓu̱ Magham ɓa, njif nang ɗya nu̱ wollo, yang zhire nje mbe nda ɓa.

1 Yokhana 4:20

Yang mbu̱ njif nggur wa zu̱ za, “Nga ndola Magham,” yang a zhang mu̱dlen, njif nang a shikya wollo. Ku̱me kap njif nu̱ke nu̱ka ndola mu̱dlen nu̱ke a naran ɓa, ɓu̱ ɗu̱ma ndola Magham nu̱ke sar da nyin na nda ɓa nda ɓa.