1 Yokhana 1:3 - Mewar Alqawarang

³ Chem a zu̱kya ɗyi nyem tu̱kki, chem na ye nu, ku̱me chem a shim ku̱ kha mi su̱yen. Yang khar ɓaaremang su̱yen ndu̱ Magham Zhinki, ndu̱ Yi ɓaran Yesu Masiya.

1 Yokhana 1:3 Iomraidhean Croise

Yokhana 17:11

Nga gaɓti nu̱ sho ro. Ngam ɓu̱ khan larji tu̱k ɓa, yang ɓaanda a nje ku mbu̱ larji dong. Zhinkir Shakhshakhndi bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya, ma ku̱ kha da ku, ba wa nu̱ke chem a su̱yen ndu̱ to.

Yokhana 17:21

Ai Da, nga khuti nang ma ku̱ kha da ku. Ba wa nu̱ke ta mbya, nga mbe ro, nga khutan ku̱ khan mbeerem ku tu̱k. Kom nduki nu̱ larji ka maita ku za ta ru̱kki nga.

Yokhana 17:25

“Zhinkir nu̱ dambi aa nu̱ke nduki nu̱ larji nu̱ zu̱ndor ku ɓa, nga zu̱ndoro, yang nduki nang wa zu̱n za ta ru̱kki nga.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 19:35

Njif nu̱ naki ɗyikunang ndu̱ yitan zu̱ki, yang ɗyi nu̱ zu̱kyang ɗya zhire. Wa zu̱n tu̱k za chin a zu̱kya zhire ɓu̱ ɗyi nu̱ ɗatlki, yang a zu̱ranang ku̱me maita nu wa nyin maitakyang.

Tlu̱nar ɓu̱ Pudeku 13:32

“Chem a ɓa ndu̱ Labar Mbarkandi ye nu tu̱k, nu̱ ɗyine alqawar nu̱ Magham shiki ye zhikaneremang,

Tlu̱nar ɓu̱ Pudeku 13:41

‘Nggu̱t ma, tun nu̱ ɓalar ndu̱mndi! Shi ma lazham, tun mu̱ɗi! Ku̱me nga ma tlu̱nar nggur mbu̱ qaandi virkirku ɓaanu, tlu̱nar nu̱ke aa nduk wa ze nu, tun ɓu̱ maita ɓa.’ ”

Tlu̱nar ɓu̱ Pudeku 2:42

Tu̱ vu̱r vaanda ye shogar ɓu̱ Pudekwang ndu̱ khar ndu̱ yen, ndu̱ zu̱mndi ɗye zu̱mndi su̱yen kom ndu̱ barari.

Tlu̱nar ɓu̱ Pudeku 20:27

ku̱me nang zhang zu̱ kap shimndi ɓu̱ Magham gha ye nu ɓa ɗo.

Tlu̱nar ɓu̱ Pudeku 4:20

Ɓaarem chem ɓu̱ ɗu̱ma khar yit ɗyine ɗyi nyem tu̱kki chem na ɓa.”

Romeku 15:27

Wa kasha shir wanang ku, aa nu̱ke taɗaranang a ɗyine wora. Mbu̱ke nduki nu̱ke ɗya Yakhudeku ɓa wa gwa me ɓaanda mbu̱ jiimbi nu̱ barke ɓu̱ Yakhudeku, wa ku̱s tu̱k nu̱ke ma ku̱ shakh ɗyin me khar wora ndu̱ Yakhudekwang.

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

1 Korintiyeku 1:9

Magham ɗya nu̱ nyedli alqawar, yang chin qaki nu ma ku̱ shi nu khar mu̱nkandi su̱yen ndu̱ Yi ɓaran Yesu Masiya Zhinerem gwaanji.

1 Korintiyeku 15:1

Yang leendang, nyeezaku, nga shim ku̱ kor nga Labar mbarkandi nang zu̱ki ye nwang ye nu, chin labar nun dlu̱ki, tun ching nu̱ ɗyinanang.

2 Korintiyeku 13:14

Bu ku̱ mu̱nkir ɓu̱ Zhinerem gwaanji Yesu Masiya, ndu̱ ndolar ɓu̱ Magham, ndu̱ khar mu̱nkandi ɓu̱ Jiimbi shakhshakhndi, kha gha su̱yen ndu̱ tun kap.

Afiseku 3:6

Ɗyi tukakandi nang, chin ke nduki nu̱ke ɗya Yakhudeku ɓa wa kha ma nu̱ gwar shakhti ɗye mbu̱ ge su̱yen ndu̱ chem Israileku nu̱ ku̱nshe Labar mbarkandi ɓu̱ Masiya Yesu. Yakhudeku ndu̱ nduki nu̱ke ɗya Yakhude ku ɓa wa kha wa me bar ɓu̱ man var da. Kom tu̱k ka gwa me ɓaanda mbu̱ alqawar nu̱ Magham shiki nu̱ ku̱nshe Masiya Yesu.

Filipiyeku 1:7

Wa shi torop ku̱ kor nga nu aakochi, tun kap ɓaanu, nu̱ke nga sa nun ve memu̱nara. Ku̱me a nga khiiran zhaaru̱m, aa nga kanggakya Labar mbarkandang chem wa shakh mu̱nkir ɓu̱ Magham su̱yen.

Filipiyeku 2:1

Mbu̱ke khar viti ɓaanu mbe Masiya a pa du̱mbu̱r ye nu, mbu ndolar ɓaran a du̱ng memu̱na nu, mbu tun a khar ndu̱ yen mbe Jiimba, mbu tun a ndola yen tun a tu̱k zhiyaye ɓu̱ yen.

Filipiyeku 3:10

Nga shim ku̱ zu̱n nga Masiya ndu̱ zalale ji ɓaran ɓar mbe mu̱ti. Nga shim ku̱ za nga me ɓanga mbu̱ bonye nu̱ zaki, tang kha wa chin mbe mu̱ti ɓaran.

Kolosiyeku 1:13

Jiwa chin lawaki rem ɓar mbe kwaaɗar ɓu̱ zhumi, ta gaɓ ndu̱ chem mbu̱ kwaaɗar ɓu̱ Yi ɓaran nu̱ke a ndolaran,

1 Tasalonikeku 1:10

tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

1 Timoti 6:2

Ku̱ maaviku nu̱ke nu̱ rafti ɓaanda ɗya nu̱ mbu Yesu ku ndu̱m nu̱ rafti ɓaanda ku̱me wora mbu̱ shapir da mbe Yesu ɓa. Me ɓu̱ nang, shipa tu̱ga wor ka shiki tlu̱nar ye nu̱ rafti ɓaandang maɗyi, ku̱me nu̱ rafti ku ɓaanda nu̱ke a zu̱m boote tlu̱nar ɓaanda nang ɗya nu̱ mbu Yesu nu̱ke wor maavikwang a ndolaranang. Wa ku̱s ku̱ shoga na ɓar to pa du̱mbu̱r ye wor ɗyine ɗyiku nang.

Yibraniyeku 2:12

Wa zu̱ ye Magham za, “Ngga wopa Dlu̱mor ye nyeeza, ngga khamdo ro mbu̱ tabar nduki.”

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

1 Biturus 5:1

Ma yir she ku̱mandiku nu̱ chele ɓaanu, nga khutonu ma nu̱ke nga ku̱maandi nduk wa tunu nga nang naki bonye nu̱ Masiya zaki ndu̱ yita, yang tu̱k nga gwa zhaaji nu̱ke ka ɓa ɗatlki ye dalangi.

2 Bitu̱rus 1:16

Ai, sarchi nyem zu̱ki labar wuti zalale ndu̱ ɓar ɓu̱ Zhinerem gwaanji Yesu Masiya ye nu chem a zu̱kya shinjiku ye nu nu̱ nduki dlaki mbu̱ ghu̱rti ɓaanda ɓa. Chem wa na zhaaji ɓaran ndu̱ yiterem.

1 Yokhana 1:1

Chem a shikya ɓalar ye nu ɗyine njif nu̱ke a nje gumapaali, nyem tu̱kki, chem na ndu̱ yiterem, chem nggu̱ti nda chem su̱ɓa ndu̱ khaarem. Chem a shikya bu̱lar ye nu ɗyine Ɓalar nu̱ vu̱rti Nyifiri.

1 Yokhana 1:5

Nang ke ɓalar nyem tu̱kki she nda chem zu̱ ye nu, Magham ɗya yarang, zhum maa nje mbe nda sar da ɓa.

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.