1 Yokhana 1:2 - Mewar Alqawarang

² Yang wa wut nyifi nang yerem, chem wa na nda. Chem a saidakya nda chem a zu̱ran ye nu nu̱ ɗyine chin ke nu̱ nyifiri nu̱ke nu̱ka shi woɗa ɓa. A nje su̱yen ndu̱ Zhinkirang mbu̱r fara, yang tu̱ wut varan yerem.

1 Yokhana 1:2 Iomraidhean Croise

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 1:4

Chin ke nu̱ vu̱r nyifiri, yang nyifirang ke yarang ɓu̱ nduki.

Yokhana 10:28

Nga vu̱r nyifi ye wor nu̱ke ɓu̱ shi woɗa ɓa, ɓu̱ dar mu̱t ku ɓa, yang nduk a nje nu̱ke ka lawaki wor ɓar mbu̱ khara ɓa.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 15:27

Tun saidu ɓang tu̱k, ku̱me tun a su̱yen ndu̱ nga gumapaali.”

Yokhana 16:28

Nga vi she Zhinkirang, tang a vi nu̱ mbu̱ larji, yang leendang nga ma njig larji tang gaɓ nu̱ she Zhinkirang.”

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 17:5

Yang leendang Aba, vu̱r zhaaji ya ndu̱ pooni zhaaji nu̱ke nga nje si gume ro me ku̱ du̱ng larji.”

Yokhana 19:35

Njif nu̱ naki ɗyikunang ndu̱ yitan zu̱ki, yang ɗyi nu̱ zu̱kyang ɗya zhire. Wa zu̱n tu̱k za chin a zu̱kya zhire ɓu̱ ɗyi nu̱ ɗatlki, yang a zu̱ranang ku̱me maita nu wa nyin maitakyang.

Yokhana 21:14

Nang ke wuti varan nu̱ kunung nu̱ Yesu shiki ye nu̱ mburi nda kwang gaanje jiiri ɓaran mbe mu̱ti.

Yokhana 3:13

Sar da nduk a nje nu̱ dlaki nu̱ viɗ ɓa, kope Yi ɓu̱ Nduk na shurki viɗ ɗyenda.

Yokhana 7:29

Ɓang nga zu̱n nda, ku̱me nga vi she nda, chin a ru̱kki nga.”

Yokhana 8:38

Nga zu̱kya ɗyi nang naki she Aba ɓanga, yang tun a shi kya ɗyi nun tu̱kki she zhinonu.”

Tlu̱nar ɓu̱ Pudeku 1:22

Wa shipa ku̱ njifang kha da chele nduki nu̱ke a su̱yen ndu̱ chem ji ɗyin sarchi nu̱ke Yokhana a baptisme ma yir ye fu̱ɗar nu̱ daki Yesu ɓar she rem ma yir mbu̱ viɗi. Wa ku̱s ku̱ da chele nduki nu̱ke a saida jiiri ɓu̱ Yesu mbe mu̱ti su̱yen ndu̱ chem.”

Tlu̱nar ɓu̱ Pudeku 10:41

Nu̱ wut varan ye nduki kap ɓa, wut varan yerem, chem nu̱ Magham datki rem ma ku̱ kha mi ma saiduku ɓaran. Chem zu̱mki chem za ndu̱ chin gaanje wa ji mbe mu̱ti.

Tlu̱nar ɓu̱ Pudeku 2:32

Magham wa ji ndu̱ Yesu nang ɓar mbe mu̱ti, yang chem nang kap saidu zhire ɓu̱ ɗyiku nang.

Tlu̱nar ɓu̱ Pudeku 3:15

Tun tlagha njif nu̱ke ɗya dlu̱dlarsi nyifi. Yang Magham wa ji ndu̱ chin ɓar mbe mu̱ti, chem ke saidu ɓu̱ ɗyiku nang.

Tlu̱nar ɓu̱ Pudeku 5:32

Chem nang kap chem a khar saidu ɓu̱ ɗyiku nang, Jiimbi shakhshakhndi nu̱ Magham vu̱rki ye nu̱ mbu zu̱r ɓaran ɗya saidu tu̱k.”

Romeku 8:3

Jiwa Magham wa shi ɗyi nu̱ke Bibitang nu̱ ɗu̱ma shiran ɓa ku̱me tu̱ɓti ɓu̱ nduku mbe ɗye shir ɓaran. Magham a ru̱kkya Yi ɓaran mbu̱ shipar ɓu̱ man vaarem nu̱ka shiki solar nang, ma ku̱ kha ma sadke ku̱me solar ɓaarem, tu̱ gu̱ɗa zalale ɓu̱ sola nu̱ gha mbu̱ man va.

Galatiyeku 4:4

Yang nu̱ sarchi a khu̱lki tu̱m, tu̱ ɗa ru̱k Yi ɓaran. Yang kha nda nu̱ ku̱nshe nusu ɗyenda. Kha nda nu̱ mbu̱ bu̱n Bibitang,

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

2 Timoti 1:10

tu̱ yang wut mu̱nkirang yerem ye dalangi nu̱ ku̱nshe ɓar ɓu̱ Nu̱ Ɗanar ɓaarem Masiya Yesu. Chin su̱yaki mu̱ti nu̱ gha ta ɓa nu̱ nyifiri nu̱ke nu̱ka shi mu̱t ɓa yerem ye yarangi nu̱ ku̱nshe Labar Mbarkandang.

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

1 Biturus 5:1

Ma yir she ku̱mandiku nu̱ chele ɓaanu, nga khutonu ma nu̱ke nga ku̱maandi nduk wa tunu nga nang naki bonye nu̱ Masiya zaki ndu̱ yita, yang tu̱k nga gwa zhaaji nu̱ke ka ɓa ɗatlki ye dalangi.

1 Yokhana 1:1

Chem a shikya ɓalar ye nu ɗyine njif nu̱ke a nje gumapaali, nyem tu̱kki, chem na ndu̱ yiterem, chem nggu̱ti nda chem su̱ɓa ndu̱ khaarem. Chem a shikya bu̱lar ye nu ɗyine Ɓalar nu̱ vu̱rti Nyifiri.

1 Yokhana 2:25

Nang ke alqawar nu̱ Woyang shiki yerem, chin ke nyifi nu̱ke nu̱ka shi woɗa ɓa.

1 Yokhana 3:5

Tun wa zu̱n nu̱ ɗyine Yesu a ɓa ma ku̱ da nji solarku ɓaarem ɓara, yang sola nje mbe nda ɓa.

1 Yokhana 3:8

Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.

1 Yokhana 4:14

Chem wa nggu̱ɗi, chem saida tu̱k nu̱ ɗyine Zhinkirang wa ru̱k Yi ɓaran tu̱ kha ma Nu̱ Ɗanar larji.

1 Yokhana 4:2

Wonji ma ɗyi nu̱ke tun ka zu̱nki Jiimbi ɓu̱ Magham nu̱ si, aa nyi jiimba nu̱ saidaki za Yesu Masiya a ɓa mbu̱ man va, a vi she Magham.

1 Yokhana 5:11

Yang nang ke saidwang: Magham wa vu̱r nyifi yerem nu̱ke nu̱ka shi woɗa ɓa, yang nyifi nang a mbe Yi ɓaran.

1 Yokhana 5:13

Tun nun maitaki dlu̱m Yi ɓu̱ Magham, nga bu̱la ɗyiku nang ye nu kap ma ku̱ zu̱n nu nu̱ ɗyine tun wa gwa nyifi nu̱ke nu̱ka shi woɗa ɓa.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.