1 Yokhana 1:1 - Mewar Alqawarang

¹ Chem a shikya ɓalar ye nu ɗyine njif nu̱ke a nje gumapaali, nyem tu̱kki, chem na ndu̱ yiterem, chem nggu̱ti nda chem su̱ɓa ndu̱ khaarem. Chem a shikya bu̱lar ye nu ɗyine Ɓalar nu̱ vu̱rti Nyifiri.

1 Yokhana 1:1 Iomraidhean Croise

Luka 1:2

ba wa ni nu̱ mbu Yesu ku nu̱ gumapaali nu̱ke a tlu̱nar wopar ɓalar ɓu̱ Magham nu̱ shiki ɗyiku nang mbu̱ yiti wora zu̱ki yerem.

Luka 24:39

Nggu̱t ma khara ndu̱ ɗyin pili saara, ɗya nga ndu̱ vara, su̱ɓa ma tun tu̱kki, ku̱me dlu ndu̱ qu̱tl ve khu̱kheet wa ɓang nang ɓa.”

Yokhana 19:35

Njif nu̱ naki ɗyikunang ndu̱ yitan zu̱ki, yang ɗyi nu̱ zu̱kyang ɗya zhire. Wa zu̱n tu̱k za chin a zu̱kya zhire ɓu̱ ɗyi nu̱ ɗatlki, yang a zu̱ranang ku̱me maita nu wa nyin maitakyang.

Yokhana 20:27

Kom tu̱ ze Toma za, “A so ye kha nu̱ fan, no kharaku. A zoɓo khaaro to san ve ku̱bda, ku̱ memu̱na kha rap rap ɓa, to maita.”

Yokhana 5:26

Jiwa ba wa nu̱ke Zhinkirang nu̱ ɗyinan ke dlu̱dlarsi nyifi, wanang tu̱k wa sa Woi ɓaranang ku̱ kha ma dlu̱dlarsi nyifi.

Yokhana 8:58

Tu̱ Yesu ze wor za, “Zhire nga zu̱ran ye nu, me ku̱ kha Yibram nga nje.”

Tlu̱nar ɓu̱ Pudeku 1:3

Gaanje mu̱ti ɓaran tu̱k, wa wut varan ye wor ndu̱ nyifiri, tu̱ shi ɗyiku zum zum nu̱ wutki za chin wa ji mbe mu̱ti shwat. Wa wut varan ye wor me qaandi ɗyin vat tu̱ shi ɓalar ɗyine kwaaɗar ɓu̱ Magham.

Tlu̱nar ɓu̱ Pudeku 4:20

Ɓaarem chem ɓu̱ ɗu̱ma khar yit ɗyine ɗyi nyem tu̱kki chem na ɓa.”

Yibraniyeku 2:3

Chem ka lawa kikimndana mbu̱ chem wa zhang ɗanar gwaanji nang gha? Ɗanar gwaanji nang Zhinkir gwaanji ndu̱ ɗyinan nggaki su̱ zu̱ran. Nduki nu̱ tu̱kki ɓalar ɓaranang wa wut yerem za shwat ɗya zhire.

1 Yokhana 4:14

Chem wa nggu̱ɗi, chem saida tu̱k nu̱ ɗyine Zhinkirang wa ru̱k Yi ɓaran tu̱ kha ma Nu̱ Ɗanar larji.

1 Yokhana 5:7

Ɗyiku kunung a nje nu̱ke a saidaran za Yesu ɗya Yi ɓu̱ Magham.

Ɗyin mbu̱ tukari 1:11

Tu̱ su̱qurang zu̱ za, “Bu̱lo ɗyi no naki nu̱ mbu̱ lagarkati ɗyikhlakandang, to ru̱k ye tabarku ɓu̱ nu̱ mbu Yesu ku nu̱ mbu̱ ghai mutndang. Wor ke, tabar nu̱ Afisa, ndu̱ nu̱ Su̱mirna, ndu̱ Pagamum, ndu̱ Tiyatira, ndu̱ Sardis, ndu̱ Filadelfiya, kom ndu̱ nu̱ Laudikiya.”

Ɗyin mbu̱ tukari 1:8

“Nga ke Alfa, Nga ke Omega,” Zhinkir gwaanji Magham zu̱ki nang, “Chin nu̱ke a leendang, nu̱ke a zhu, nu̱ke a ɓari, nga ke nu̱ zalale aa nu̱m kap.”

Ɗyin mbu̱ tukari 19:13

Yang lukti nu̱ sakyang yoɓtan mbu̱ tom. Yang dlu̱man za “Ɓalar ɓu̱ Magham.”

Ɗyin mbu̱ tukari 2:8

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Su̱mirna no za, Wonji ɓalarku nu̱ ɗa viki she njif nu̱ke chin ke nu̱ gumapaali ndu̱ chin kya gana, chin mu̱tki tu̱ gaɓ tu̱ kha ndu̱ nyifiri.