1 Biturus 5:9 - Mewar Alqawarang

⁹ Ngga nu dalang yenda ɓa. Ching ma gha shaanggu̱ɗang mbe maito ɓaanu, nu̱ke tun wa zu̱n nu̱ ɗyine nyeezonu nu̱ mbu Yesu nu̱ke a aa fu̱n mbu̱ larji nang, a za bonye nang wa nu̱ke tun a zaran.

1 Biturus 5:9 Iomraidhean Croise

Luka 22:32

Yang nga shi barar yoro ma ku̱ maito ɓa kata ɓa. Mbu̱ ta nggoɗ ta gaɓ nu̱ sha yang, to ɓa vu̱r shokhku̱rokh me bu̱n ye nyeezoro.”

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

1 Korintiyeku 10:13

Buuri nggur a nje nu̱ gwaki nu, nu̱ke za nu̱ shi ye njif nggur ɓa ɓa. Magham ɗya nu̱ zhire, ɓu̱ njig ku̱ buuro nu ndu̱ ɗyi nu̱ dukki du̱mbu̱r ɓaanu ɓa, ka qu̱n njiv ye nu, nu̱ke tun ka ɗu̱maki gu̱n memu̱na nu mban.

Afiseku 4:27

Yang ku̱ vu̱r nu zalale nggur ye Sheɗan ɓa.

Afiseku 6:16

Qu̱rse nang tu̱k, ku̱ maito kha ma partu̱to ɓaanu nu̱ke tun ka daki tun yeta ghabtiku nu̱ ɓai nu̱ka viki she nu̱ Mu̱narang.

Kolosiyeku 2:5

Aa nu̱ke nga nje su̱yen ndu̱ tun mbu̱ manva ɓa, nga su̱yen ndu̱ tun mbu̱ jiimba. Nga kashar maɗyi ku̱me labar nang tu̱kki za tun a nje su̱yen chingndan shaanggu̱ɗang mbu̱ maito nun shiki mbe Masiya.

1 Tasalonikeku 3:3

ma ku̱ bonye nang sa njif nggur tu̱ kha damtaran ɓa. Ai, tun ndu̱ ɗyinonu tun wa zu̱n za nang ke ɗyi nu̱ saki tu̱ daasa remi ye wora.

1 Timoti 6:12

Shi dakhlar maito mbarkandi. To dlu̱ ɗye ɓi nu̱ nyifiri nu̱ke nu̱ka shi woɗa ɓa, ku̱me qa ma nang, sarchi nu̱ke to shiki saidu mbarkandi gume saiduku khangndang.

2 Timoti 3:12

Shwat aaki nu̱ shimki ku̱ shi khar viti ɓaran ndu̱ ɗye shir mbarkandi ɓu̱ Magham mbe Masiya Yesu ka za bonye.

2 Timoti 4:7

Nga shi wute mbarkandi, nga woɗa ra wute, nga khuɓ du̱ngdi maito nu̱ vu̱rki du̱ngdan ya nu̱gha mbari.

Yibraniyeku 11:33

Maito saki tu̱ nduki nang ra kwaaɗarku, tu̱ shi tlu̱nar dambi ku, tu̱ dlu̱ ɗyiku nu̱ shiki alqawaran. Tu̱ nduki nang za me mu̱zamndiku nu̱ gha,

Yibraniyeku 12:8

Mbu̱ke to wuran ɓa (aa nu̱ke aaki wa ka gwa wu) nang wa wut nu̱ ɗyine tun qusonggi nu̱ke zhinki su̱ ɓa ɗo, tun a khar qusonggi mbarkandi ɓa.

Yaqub 4:7

Ku̱me nang tun vu̱r ɗyinonu guma da ye Magham. Zhang ma Sheɗan, ka ɗa varan.

1 Biturus 1:6

Mbu̱ ɗyi nang shi ma ɓong memu̱nar maɗyikandi, aa nu̱ke leendang memu̱na nu chit ku̱me buuriku zum zum nu̱ke tun a mban.

1 Biturus 2:21

Jiwa Zhinkir gwaanji qa nu ku̱me pooni bonye nang. Masiya wa za bonye ku̱me tun tu̱k. Shir wanang wa njig dulbu yerem ma ku̱ mbu mi ɗyin saaran.

1 Biturus 3:14

Mbu̱ yang tun ka za bonye ku̱me shir ɗyi nu̱ke torop, barkya ve nu. Ku̱me nang “Tu̱k nu sawar ɓu̱ ɗyiku nu̱ke a sawaran ku ɓa, yang ku̱ damta nu ndu̱ wor zum ɓa.”

1 Biturus 4:13

Me ɓu̱ nang, shi ma kasha ma nu̱ke tun a zakya bonye nu̱ Masiya zaki, ma ku̱ ɓa shi nu ɓong memu̱na ndu̱ kashar nu̱ke koɗokhsi ɓa ye sarchi nu̱ke a ma wut zhaaji ɓaran.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 6:11

Wa vu̱r lukti ɓongndi ye aa nyi da chele ɓaanda. Tu̱ ze wor za ku̱ ku̱rsa ku koɗom, kope wa nyel khang ghofi ɓu̱ nyeezi wor nu̱ tlu̱narku ndu̱ khachin wora nu̱ke ka ɓa shiki pooni tlaghar ɓaandang ye wora wa nyedli.

Ɗyin mbu̱ tukari 7:14

Tang tlogha nga za, “Ta zu̱ni, ku̱man.” Tu̱ yang zu̱ ya za, “Ndukiku nang wora viki mbe bonye maɗyikandi. Wa shiɓ luktiku ɓaanda nu̱ gha ndu̱ tom ɓu̱ Ye gamndang, tu̱ kha ɓong ku.