1 Biturus 5:4 - Mewar Alqawarang

⁴ Mbu̱ tun wa shi wanang, ye fu̱ɗar nu̱ke Masiya chin Gorkir Nu̱ khutlorang ka ɗa ɓa ki, ka vu̱r ɗye zhar nu̱ zhaaji ye nu nu̱ke ɗyiman nu̱ka shi vi ɓar ɓa.

1 Biturus 5:4 Iomraidhean Croise

Yokhana 10:11

Nga ke nu̱ khutlori mbarkandi, nu̱ khutlo mbarkandi wa ka vu̱r nyifi ɓaran ku̱me ndu̱ɓangkwang.

1 Korintiyeku 9:25

Nu̱ palam ku wa ka daasa vaanda nu̱ gha, a shi ɗyiku nang ma gwa ɗye ɓiiri nu̱ka su̱bu̱rki, yang ɗye ɓiiri ɓaaremang nu̱ka shi su̱bu̱r ɓa.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Yibraniyeku 13:20

Ku̱ Magham nu̱ qaandi memu̱na, nu̱ke nu̱ ku̱nshe tom alqawar nu̱ke koɗokh si ɓa jiiki ndu̱ Zhinerem gwaanji Yesu ɓar mbe mu̱ti. Chin ke nu̱ khutlo gwaanji ɓu̱ shapir ɓu̱ ndu̱ɓangkwang,

Yaqub 1:12

Njif nu̱ gu̱nki memu̱naran mbu̱ bonye ɓaran ɗya nu̱ barka, ku̱me ka gwa ɗye ɓi nu̱ nyifi nu̱ke ɓu̱ shi woɗa ɓa nu̱ Magham shiki alqawaran ye kap nduki nu̱ke a ndola nda.

1 Biturus 1:4

Yang chem a sa memu̱narem ye gwar ɗye mbu̱ ge nu̱ Zhinkir gwaanji du̱ngki gha viɗi ku̱me qusonggi ɓaran. Yang du̱ngdi nang nu̱ka mu̱tl ɓa, nu̱ka shi su̱bu̱r ɓa, yang ɗyiman ɓu̱ vi ɓar ɓa.

1 Biturus 2:25

Jiwa tun wa ndu̱ɓangku nu̱ke a ma saghari, yang leendang tun a gaɓ nu̱ she Nu̱ khutloronu, chin nu̱ka Khutloki nyifi ɓaanu.

1 Biturus 5:2

Khutlo ma shapir ɓu̱ Magham nu̱ vu̱rki nggu̱tan ye nu tun a tlu̱nar wa dlegumeku. Na nu wa a shikya ranna nu ɓa, ku̱ memu̱na nu da ye nu tun shi ba wa nu̱ke Magham a shimndan. Shi nu tlu̱nar nang ku̱me mu̱zhin ɓa, shi ma ku̱me memu̱na nu wa da ye nu ku̱ shi nu tlu̱narang.

1 Yokhana 3:2

Raptaku nu̱ke nga ndolaran, leendang chem qusonggi ɓu̱ Magham. Nu̱ wut ɗyi nu̱ke chem ka khaki gana fan dong ɓa. Yang chem wa zu̱n nu̱ ɗyine mbu̱ Masiya a gaɓi chem ka kha wa chin, ku̱me chem ka na nda wa nu̱ke a si.

Ɗyin mbu̱ tukari 1:7

Nggu̱ɗu, a nja ɓar mbu̱ ku̱zapti, yang aa nyi yiti ka na nda, kap nu̱ nduki nu̱ zhokhki ndang. Nduki nu̱ larji kap yang ka shi yaaɓarku ku̱me chin. Ku̱ kha wanang shwat! Amin.

Ɗyin mbu̱ tukari 2:10

Tu̱k na sawar bonye nu̱ke to ka ɓa zaki ɓa. Jiwa, nga zu̱ran yoro Nu̱ Mu̱nar nang ka mbuk ɓeeni nduki chele ɓaanu nu̱ mbu̱ zhaaru̱m ma buuro nu, yang to ka za bonye nang me qaandi gwang. Yang ku̱ fet na memu̱na ɓar mbe maito ɓaa ɓa aa to ka khu̱l ye mu̱ti, ku̱me ngga vu̱r ɗye zhar nu̱ nyifiri yoro.

Ɗyin mbu̱ tukari 3:11

Nga ɓar fan ndu̱ fan. Tun khuɓ maito ɓaanu ɓang ɓang, ma ku̱ njif nggur lawa ɗye zhar nu̱ke tun ka gwaki ɓar ɓa.