1 Biturus 5:1 - Mewar Alqawarang

¹ Ma yir she ku̱mandiku nu̱ chele ɓaanu, nga khutonu ma nu̱ke nga ku̱maandi nduk wa tunu nga nang naki bonye nu̱ Masiya zaki ndu̱ yita, yang tu̱k nga gwa zhaaji nu̱ke ka ɓa ɗatlki ye dalangi.

1 Biturus 5:1 Iomraidhean Croise

Luka 24:48

Tun ke saidu ku ɓu̱ ɗyiku nang.

Tlu̱nar ɓu̱ Pudeku 1:22

Wa shipa ku̱ njifang kha da chele nduki nu̱ke a su̱yen ndu̱ chem ji ɗyin sarchi nu̱ke Yokhana a baptisme ma yir ye fu̱ɗar nu̱ daki Yesu ɓar she rem ma yir mbu̱ viɗi. Wa ku̱s ku̱ da chele nduki nu̱ke a saida jiiri ɓu̱ Yesu mbe mu̱ti su̱yen ndu̱ chem.”

Tlu̱nar ɓu̱ Pudeku 1:8

Yang ba tun ka kha ndu̱ zalale sarchi nu̱ Jiimbi shakhshakhndi a shurki ye nu, tun ka kha ma saidu ku ɓanga mbu̱ Urshalima ndu̱ Yakhudiya ndu̱ Samariya ma yir me koɗokh larji kap.”

Tlu̱nar ɓu̱ Pudeku 11:30

Tu̱ yang shi wanang ku, tu̱ ru̱k ndu̱ shaatarang ye nduk kudaandi nu̱ Urshalima mbu̱ khar Barnaba ndu̱ Shawulu.

Tlu̱nar ɓu̱ Pudeku 14:23

Qu̱rse wa dat dlegumeku ye tabar ɓu̱ nu̱ mbu Yesu ku nu̱ mbu̱ aa nyi ghai, tu̱ sa wor nu̱ mbu̱ khar Maghamndi nu̱ maitaki nda kwang, su̱yen ndu̱ barar ndu̱ zhumti.

Tlu̱nar ɓu̱ Pudeku 15:4

Nu̱ khu̱lki ku Urshalima, tu̱ tabar ɓu̱ nu̱ mbu Yesu ku ndu̱ Pudeku ndu̱ dlegumeku ɓaanda gaɗa wora, tu̱ Bulus ndu̱ Barnaba zu̱ ɗyi nu̱ Magham shiki nu̱ ku̱nshe wor kap ye nu̱ mbu Yesu kwang.

Tlu̱nar ɓu̱ Pudeku 15:6

Tu̱ Pudekwang ndu̱ dle gume ɓu̱ nu̱ mbu Yesu ku taba ma ɓalar nang.

Tlu̱nar ɓu̱ Pudeku 2:32

Magham wa ji ndu̱ Yesu nang ɓar mbe mu̱ti, yang chem nang kap saidu zhire ɓu̱ ɗyiku nang.

Tlu̱nar ɓu̱ Pudeku 20:17

Bulus a Militus tu̱ ru̱k nu̱ Afisa ku̱ ɗa qa dlegumeku ɓu̱ tabar nu̱ mbu Yesu ku nu̱ nje yenda.

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Tlu̱nar ɓu̱ Pudeku 21:18

Vi dumaaran tu̱ Bulus ɗu̱ su̱yen ndu̱ chem she Yaqub, yang dlegumeku ɓu̱ tabar ɓu̱ nu̱ mbu Yesu ku a nje ye maaran kap.

Tlu̱nar ɓu̱ Pudeku 3:15

Tun tlagha njif nu̱ke ɗya dlu̱dlarsi nyifi. Yang Magham wa ji ndu̱ chin ɓar mbe mu̱ti, chem ke saidu ɓu̱ ɗyiku nang.

2 Korintiyeku 5:1

Jiwa chem wa zu̱n mbu̱ wa gu̱ɗa shekhɗekh nu̱ke chem kharan mban nang nu̱gha, nang ke man vaarem nu̱ke chem a boote si mbu̱ khar viti ɓaarem mbu̱ larji nang, Magham nu̱ ɗyinan ka shiki rafti yerem mbu̱ viɗi. Yang nu̱ke rafti nang ɗya nduk du̱nki ɓa, ka kha ba a nje aakochi ɓu̱ gu̱ɗa ɓa.

2 Korintiyeku 5:8

Chem wa maita shwat yang nga zu̱ran ye nu, chem wa shim ku̱ shakh mi ndu̱ man vaarem nang ma ku̱ kha mi gha su̱yen ndu̱ Zhinerem gwaanji mbu̱ viɗi.

Filipiyeku 1:19

ku̱me nga zu̱n bararku ɓaanu ndu̱ shaatar ɓu̱ Jiimbi ɓu̱ Yesu Masiya, ka ngga nga gha ku ye lauɗar san.

1 Timoti 5:1

Wu na geema nu̱ shokhna ɓa, to shi ɓalar yenda wa ɗya zhu nu̱ khaki ro. To shi ɓalar ye nyakhtlirku wa nyeezoro,

1 Timoti 5:19

Ku̱ tlogha na dar zhaano nu̱ ɗyine nduk gori nu̱ke a tlu̱nar mbu̱ Tabar ɓu̱ nu̱ mbu Yesu ɓa, kope ta gwa saiduku rap ma yir kunung.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Titus 1:5

Nga njig to nu̱ Ku̱rit ma ku̱ kwata na tlu̱nar nu̱ khaki, yang to dat dlegumeku mbu̱ aa nyi ghai, ba wa nang zu̱ki yoro.

Filimon 1:9

Yang ku̱me ndola, nga khutoro, nga Bulus, nu̱ke nga geema yang leendang nga khiiran zhaaru̱m ku̱me Masiya Yesu.

Yibraniyeku 12:1

Ku̱me nang, nu̱ke tabar ɓu̱ nu̱ saiduku khang maɗyi a nje kararan ndu̱ chem, bu ku̱ mbuk mi kap ɗyi nu̱ke ka nggu̱tlki rem ɗar gha, ndu̱ aa nyi solar nu̱ takhshaki rem nu̱ gha. Chem shi ɗar nu̱ke a gume rem nang ndu̱ shokhku̱rokh me bu̱n.

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

1 Biturus 1:7

Buuriku nang a ɓa ma buu maito ɓaanu mbu̱ ɗya maito zhirekandi. Nduki ka buu ginarwa ndu̱ ɓai, yang ɗya ɗyi nu̱ka woɗaki. Wanang tu̱k a buu maito ɓaanu nu̱ dukki ginarwa zhaaji. Shir wanangang ka sa tu̱ maito ɓaanu a ɓa ndu̱ makhtar ye nu ndu̱ zhaaji ndu̱ gorkiri ye fu̱ɗar nu̱ke Yesu Masiya ka ɗa gaɓki.

1 Biturus 4:13

Me ɓu̱ nang, shi ma kasha ma nu̱ke tun a zakya bonye nu̱ Masiya zaki, ma ku̱ ɓa shi nu ɓong memu̱na ndu̱ kashar nu̱ke koɗokhsi ɓa ye sarchi nu̱ke a ma wut zhaaji ɓaran.

1 Biturus 5:4

Mbu̱ tun wa shi wanang, ye fu̱ɗar nu̱ke Masiya chin Gorkir Nu̱ khutlorang ka ɗa ɓa ki, ka vu̱r ɗye zhar nu̱ zhaaji ye nu nu̱ke ɗyiman nu̱ka shi vi ɓar ɓa.

1 Yokhana 3:2

Raptaku nu̱ke nga ndolaran, leendang chem qusonggi ɓu̱ Magham. Nu̱ wut ɗyi nu̱ke chem ka khaki gana fan dong ɓa. Yang chem wa zu̱n nu̱ ɗyine mbu̱ Masiya a gaɓi chem ka kha wa chin, ku̱me chem ka na nda wa nu̱ke a si.

2 Yokhana 1:1

Lagarkati nang a vi she ku̱maandang ma yir she nokhzi nu̱ Magham datki ndu̱ qusonggi ɓaran, nu̱ke nga ndolaran mbe zhire. Yang nga kya ndola wor ɗyenda ɓa, kap nduki nu̱ zu̱nki zhire ɓu̱ Magham a ndola wora.

3 Yokhana 1:1

Lagarkati nang a vi she ku̱maandang ma yir she Gayus rapta nu̱ke nga ndolaran maɗyi mbe zhire.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.