1 Biturus 4:8 - Mewar Alqawarang

⁸ Guma ndu̱ aa nu̱m, ndola ma yen ndu̱ memu̱na nu da. Ku̱me ndola wa ka lu̱pa ɗyin zop khangndi.

1 Biturus 4:8 Iomraidhean Croise

1 Korintiyeku 13:1

Aa ngga ɗu̱ma ɓalar ndu̱ me ghaiku ɓu̱ nduki ndu̱ ɓu̱ nu̱ ru̱ktiku ɓu̱ Magham, yang nga nu̱ ndola ɓa, nga shipakya gonggulong nu̱ke a quri, ndu̱ dlu̱rti nu̱ qur maɗyi.

1 Korintiyeku 13:4

Ndola ɗya kaɗanyi, ndola ɗya mbarki. Ndola nu̱ka shi zhiri ɓa, nu̱ka wut za chin ɗyi nggur ɓa, nu̱ka shi gwaari ɗyin ɓa.

Kolosiyeku 3:14

Dukti ɗyiku nang, tun ndola yen, ku̱me ndola ka gu̱nki aa nu̱m kap nu̱ ve yen ma ku̱ kha wa nu̱ Magham shimki.

1 Tasalonikeku 3:12

Bu ku̱ Zhinkir gwaanji sa tun shaata tun boosa mbe ndolar yen ndu̱ ndolar nduki kap, ba wa nyem ndolaki nu.

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

1 Timoti 1:5

Nga ɓalar nang ma ku̱ kha nu ndu̱ ndolar na viki mbe memu̱nar shakhshakhndi, ndu̱ konyi mbarkandi, ndu̱ maito piikandi.

Yibraniyeku 13:1

Zu̱m ma guma ndu̱ wuti ndolar khachinkir ye yen.

Yaqub 5:12

Guma ndu̱ aa nu̱m kap, nyeezaku, mbu̱ tun a ma da alqawar shir tunu, sar da ku̱mnda nu ɓa. Ku̱mnda nu ndu̱ maa viɗi ɓa yang ndu̱ maa vu̱ghai ɓa, yang tu̱k ku̱mnda nu ndu̱ aa nu̱m zum ɓa. Tun ka zu̱ nun za, “I” ndu̱ “Auwo” ɗyenda, ku̱me ku̱ vi nun mbu̱ kumar ɓu̱ Magham ɓa.

Yaqub 5:20

Ku̱ zu̱n nu̱ gha, njif nu̱ ɗa gaɓki ndu̱ nu̱ sola ve njiva wa ɗana nyifi ɓu̱ nu̱ solarang ɓar mbe mu̱ti, ka kha ma njiv yaapar solarku khang maɗyi.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

3 Yokhana 1:2

To rapta nu̱ke nga ndolaran, nga barar ku̱ gwa na khar mbu̱ qaandi memu̱na ve aa nyi njiva ndu̱ mu̱ndi var tu̱k, ba wa nu̱ke jiimbor kharan mu̱ni.