1 Biturus 4:7 - Mewar Alqawarang

⁷ Lauɗarsi aa nu̱m wa shi bing. Ku̱me nang shi ma nggu̱ti mbari, tun ku̱r vaanu. Ku̱me ku̱ ɗu̱ma nu tun shi barari.

1 Biturus 4:7 Iomraidhean Croise

Matta 24:42

“Ku̱me nang, tun kha daasaran, ku̱me nun zu̱n fu̱ɗar nu̱ke Zhinonu gwaanji kaɗa ɓa ki ɓa.

Matta 25:13

“Ku̱me nang tun kha daasaran, ma nu̱ke nun zu̱n fu̱ɗaran ɓa yang sarchi ni ɓa.

Luka 21:34

“Tun ku̱s va nu ye yen, ku̱me ku̱ khang kwaari ndu̱ zu̱mndi ndu̱ zari ndu̱ me kuya ndu̱ damtarku nu̱ mbu̱ larji nang nyigla nu ɓa. Ma ku̱ fu̱ɗar nang ɓa ruuma nu ruuma wa shaanggir ɓa,

Luka 21:36

Tun kha daasaran ɗo, tun a barar aakochi ku̱me gwa nu du̱mbu̱r lawar mbe ɗyiku nu̱ke a ma shir nang, tun ɗu̱ma chingndi gha gume Yi ɓu̱ Nduk tu̱k.”

Luka 22:46

Tu̱ Yesu zham wor za, “Tun a ɗyenir nu̱ma, ji ma nu̱ viɗi tun shi barari ku̱me nggu̱ɗ nu nu̱ mbu̱ buuri ɓa.”

Romeku 12:12

Tun shi zhakhzhakh mbe sar memu̱nar nu̱ke tun a san, tun kha ndu̱ kanaɗyi mbe bonye, ki ma barar aakochi.

1 Korintiyeku 15:24

Kom lauɗar san ka ɗa ɓa, sarchi nu̱ke ka gaɓki ndu̱ kwaaɗar ye Magham qu̱rse wa su̱ya khu̱kheeti malkandiku nu̱ke a kwaaɗarku kap, ndu̱ nu̱ kwaaɗar ku, ndu̱ zalale ku.

1 Korintiyeku 7:29

Nyeezaku, ɗyi nu̱ke nga zu̱ranang chin ke sarchi nu̱ daasakyang wa shi bing woɗari. Ji ɗyin leendang ku̱ nduki nu̱ shiki ɓu̱rti kha wa nu̱ shi ɓu̱rti ku ɓa.

Afiseku 6:18

Tun ki barar mbe zalale ɓu̱ Jiimba aa nyi sarchi, ndu̱ aa nyi pooni bararku ndu̱ khutiku, kha ma daasaran aakochi tun zu̱m guma ndu̱ barari ye nduki ɓu̱ Magham.

Filipiyeku 4:5

Kha ma ndu̱ ɗu̱bar memu̱na ye aaki. Zhinerem gwaanji wa shi bing ɓari.

Kolosiyeku 4:2

Ching ma nu̱ ɗyine barari, tun kha vaanu buran, tun a wut kunar ɓaanu ye Magham.

2 Timoti 4:5

Yang to, ku̱s vaaro mbe aa nyi tunu, to gu̱n memu̱na ro mbe bonye, to shi tlu̱nar ɓu̱ nu̱ wopar Labar mbarkandi, to nyel tlu̱nar ɓaaro ye khar ɓa ma maavi ɓu̱ Magham.

Titus 2:12

Mu̱nkir nang a shogaran yerem za, ku̱ zhang mi ɗye shir ku nu̱ke ɗya ɓu̱ Magham ɓa, ndu̱ shimndi ɗyiku nu̱ larji gha, chem ku̱s ɗyinerem, chem kha ma nu̱ dambi, ndu̱ pooni ɗye shir ɓu̱ Magham mbu̱ larji nang.

Yibraniyeku 10:25

Ku̱ laada mi tabar ɓaarem ma ghaari ghai ye Magham, wa nu̱ ɓeenan ku su̱nki ndu̱ shiran ɓa. Me ɓu̱ nang ki mi pa du̱mbu̱r ye yen, chem shaata shir wanang nu̱ si ku̱me tun a naran nu̱ ɗyine Fu̱ɗar nang wa shi bing ɓari.

Yibraniyeku 9:26

Mbu̱ tu̱ga ka shi wanang, ai, tu̱ga Yesu ka ki za bonye aakochi, ma nu̱ du̱ngki larji. Yang wonji a ɓa ba sar kaada mbu̱ lauɗar su̱ qaandiku nang ma ku̱ da nji solarku ɓara nu̱ vu̱rki ɗyinan ku̱men.

1 Biturus 1:13

Ku̱me nang tun daasa memu̱na nu ma tlu̱nari, tun ku̱s vaanu yeyen, tun sa memu̱na nun ve mu̱nkir nu̱ke a ma vu̱rtan ye nu ye fu̱ɗar nu̱ke Yesu Masiya ka ɗa gaɓki.

1 Biturus 3:7

Wanang tu̱k tun khuzuku, tun shi khar ɓaanu ndu̱ nusuku ɓaanu ndu̱ kwaari. Vu̱r ma gorkir ye wora, nu̱ke du̱mbu̱ran ku wa tun ɓa. Jiwa tun ndu̱ nusuku ɓaanu kap, tun dlu̱ mu̱nkir gwaanji nu̱ nyifiri ɓu̱ Magham su̱yen. Shi ma wanang ma ku̱ ɗyi nggur nggu̱tl barar ɓaanu gwar dlu̱r ɓa.

1 Biturus 5:8

Ku̱s ma vaanu ye yen, tun kha daasaran. Wonji nu̱ zhangndi ɓaanu Sheɗan a paɗari, a quri wa mu̱zamndi, a laɓ njif nu̱ke chin ka njerki nu̱ gha ma njiiran.

Ɗyin mbu̱ tukari 16:15

“Wonji, nga ɓar wa nu̱ muuri! Barkya ve njif nu̱ khaaki daasaran nu̱ ɗye sarku ɓaran khanda, ma ku̱ shi nji yir san nggaran chin tu̱k kawa chele ndukiku ɓa!”