1 Biturus 4:4 - Mewar Alqawarang

⁴ Leendang yang raptonu ku nu̱ zhu a lazham gontar ɗyin nun zhangki shiran gha ndu̱ wor ma shi ɗyi malkandi ku nun ka shiki zhu ndu̱ wora, a shipiti pu̱zi ye nu ku.

1 Biturus 4:4 Iomraidhean Croise

Matta 23:25

“Tun ɗye zhiyaye, Maalu̱m Taurete ku ndu̱ Pariseku, nu̱ mu̱narku! Tun wa ka shiɓ qu̱rsi ɗyekhtiku ndu̱ du̱ɓaku ɓaanu, yang mbanang nyeedlan ndu̱ tlu̱nar malkandiku nu̱ batal ndu̱ ndolar ɗyin.

Luka 15:13

“Nu̱ qan khang gaanje shakhta ɓa, tu̱ woi koɗomndang taba gu̱nar ɓaranang ye yen kap, tu̱ ghwaɗ varan nu̱ dam, mbu̱ ghai nggur ɓakhndi, ta su̱bu̱r mu̱zhindi ɓaranang ɓar kap nu̱ ye maa ɗye shir bam bamndi.

Tlu̱nar ɓu̱ Pudeku 13:45

Yang nu̱ Yakhudekwang naki nduki wa taba khan tu̱ shi zhiri ni ku maɗyi, tu̱ ki keela ɗyi nu̱ Bulus zu̱kyang a pu̱zi nda ku.

Tlu̱nar ɓu̱ Pudeku 18:6

Tu̱ yang keela ku tu̱ ku̱s pu̱zi nda. Ku̱me nang tu̱ mba lukti ɓaran nu̱gha tu̱ ze wor za, “Ku̱ tom ɓaanu khan ɗyine nu! Zop ɗyina ku̱men ɓa, ji meeni ngga ɗu̱ kya she nduki nu̱ke ɗya Yakhudeku ɓa.”

Romeku 13:13

Bu ku̱ khar viti ɓaarem kha mbari wa nu̱ shipaki nduki nu̱ke a khar mbu̱ yarangi. Waare nggar zu̱mndi ku bam bam ndu̱ kuyari, ndu̱ zawar ku ndu̱ tlu̱nar ɗye zhaane ku nu̱ song kawa, ndu̱ dakhlari ndu̱ ɓar nu̱ shakhti ɗyin ndu̱ zhiri.

Afiseku 5:18

Ku̱ kuya nu ndu̱ ɗyema ɓa, ku̱me nang ɗya njiv su̱bu̱rti nduki. Me ɓu̱ nang tun kha nyeedlan ndu̱ Jiimbi shakhshakhndi,

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Biturus 3:16

Wanang tu̱k, shi ma aa nu̱m aakochi ndu̱ memu̱nar zhirekandi ku̱me mbu̱ wa zu̱ ɗyi malkandi nu̱ ɗyine nu, nduki nu̱ zu̱kyang ka tu̱k kawa ku̱me ɗye shir mbarkandi ɓaanu mbe Masiya.

2 Bitu̱rus 2:12

Yang nduki nang, a ɓalar ndu̱mndi ku ve Magham ɗyine ɗyiku nu̱ke nu̱ zu̱n ku ɓa. A nje ku wa dlu gaariku nu̱ke khangkal ve wor ɓa, a mbukya ɗyi nu̱ke man var wor a shimndan ɗyenda. Kha wor ma ku̱ ku̱s wor tu̱ tlagha nu̱ gha. Ai, ka mu̱t ku ba wa no za ɗya dlu̱ gaari ku.

2 Bitu̱rus 2:22

Ai, ɗyi nu̱ shiki ku nang wa shi torop ndu̱ nggar mbu̱ ɓalar nu̱ zu̱ki za, “Yiɗi wa shi vu̱nakhti tu̱ yang gaɓ tu̱ ghu̱ɓ vu̱nakhtang ɓara.” Kom ndu̱ nggar mbu̱ ɓalar nu̱ zu̱ki za, “Alede nu̱ shiki wurti yenda wa gaɓ tu̱ bu̱mbu̱lan mbu̱ gu̱gu̱pang.”

Yakhuda 1:10

Yang nduki nang wa ka shi maatli ɓalar ɗyine kap ɗyi nu̱ke nu̱ da mban ku ɓa. A shikya ba ɗyi nu̱ tu̱kki mbu̱ man vaanda. Ba wa dlu gaariku nu̱ ɗye nggarku nu̱ke nu̱ka shi konyi ɓa. Nang ke ba ɗyiku nu̱ su̱yaki wora.