1 Biturus 4:12 - Mewar Alqawarang

¹² Nyeeza nu̱ke nga ndolaran, shi nu lazham ku̱me bonyeku gu̱rgu̱rndi nu̱ke a gwa nu ma buuro nu ɓa. Ku̱ da nu za ɗya ɗyi mewakandi kya gwa nu ɓa.

1 Biturus 4:12 Iomraidhean Croise

1 Korintiyeku 10:13

Buuri nggur a nje nu̱ gwaki nu, nu̱ke za nu̱ shi ye njif nggur ɓa ɓa. Magham ɗya nu̱ zhire, ɓu̱ njig ku̱ buuro nu ndu̱ ɗyi nu̱ dukki du̱mbu̱r ɓaanu ɓa, ka qu̱n njiv ye nu, nu̱ke tun ka ɗu̱maki gu̱n memu̱na nu mban.

1 Korintiyeku 3:13

Mbari tlu̱nar nu̱ aaki shiki ka ɓa vi ye dalangi, du̱ndang kaɗa vi nu̱ dam ye Fu̱ɗar ɓu̱ Masiya. Ku̱me ɓai ka wutki tlu̱nar ɓu̱ aaki ɗo, ɓaiyang ka buu tlu̱nar nu̱ aaki shiki.

2 Timoti 3:12

Shwat aaki nu̱ shimki ku̱ shi khar viti ɓaran ndu̱ ɗye shir mbarkandi ɓu̱ Magham mbe Masiya Yesu ka za bonye.

1 Biturus 2:11

Raptaku nu̱ke nga ndolaran, nu̱ke tun a shikya khar runggu mbu̱ larji nang, maa kha nu fan ɓa, nga khutonu, shakh ma ɗyinonu ndu̱ ɗye shir malkandi nu̱ melakh ɓu̱ nduku, ɗye shir nang a wute ndu̱ jiimbonu.

1 Biturus 4:4

Leendang yang raptonu ku nu̱ zhu a lazham gontar ɗyin nun zhangki shiran gha ndu̱ wor ma shi ɗyi malkandi ku nun ka shiki zhu ndu̱ wora, a shipiti pu̱zi ye nu ku.

1 Biturus 5:9

Ngga nu dalang yenda ɓa. Ching ma gha shaanggu̱ɗang mbe maito ɓaanu, nu̱ke tun wa zu̱n nu̱ ɗyine nyeezonu nu̱ mbu Yesu nu̱ke a aa fu̱n mbu̱ larji nang, a za bonye nang wa nu̱ke tun a zaran.