1 Biturus 3:8 - Mewar Alqawarang

⁸ Ye lauɗar san, gonta ma ɗyinonu ye maa da tu̱ kwaari ɓaanu kha da. Tun a na zhiyaye ɓu̱ yen, tun a ndola yen wa khachinkirku, tun a shaata yen gwaari ɗyin su̱ ɓa.

1 Biturus 3:8 Iomraidhean Croise

Matta 18:33

Yang alapa nu̱ shipa tu̱ga ta na zhiyaye ɓu̱ mu̱dlwang wa nang naki zhiyaye ɓara ɓa?’

Luka 10:33

Gaandan kom tu̱ khuzi Samariye nggur a khu̱dli, nu̱ naki nda, tu̱ zhiyaye ɓaran ku̱si nda,

Tlu̱nar ɓu̱ Pudeku 2:1

Nu̱ fu̱ɗar Pentikos a ɓa ki, nu̱ mbu Yesu ku kap tabaran ye maa da.

Tlu̱nar ɓu̱ Pudeku 27:3

Ɗaatlu̱maaran chem khu̱l nu̱ Sidon. Tu̱ Juliyos shi mu̱nkir ye Bulus tu̱ njigti nda ku̱ ɗa na raptan ku nu̱ shimki na nda ku.

Tlu̱nar ɓu̱ Pudeku 28:7

Dle gume ɓu̱ maarang dlu̱man za Pubu̱liyus, yang dalang ku a nje kha nda bing ndu̱ ye maa nu̱ke chem a sang. Chin zhurki rem tu̱ vu̱r maa qaandi yerem mbarkandi me qaandi kunung.

Tlu̱nar ɓu̱ Pudeku 4:32

Kwaari ɓu̱ nu̱ mbu Yesu ku kap, ndu̱ memu̱na wor wa kha da, nduk a nje nu̱ daki ɗyin khaa nda ma ɓaran chin ɗyenda ɓa. A shakh ɗyin me khar wor ndu̱ yen.

Romeku 12:10

Tun tu̱k khaati ɓu̱ yen ndu̱ pooni ndolar ɓu̱ nu̱ mbu Yesu ku. Tun vu̱r zhaaji ye njif nggur tu̱ duk nu̱ke tun ka vu̱rki ye vaanu.

Romeku 15:5

Bu ku̱ Magham nu̱ka vu̱rki sar memu̱na mbe kaɗanyi ndu̱ par du̱mbu̱r sa tun dlu̱ yen sarchi nu̱ke tun a da ɗyin saari Masiya Yesu.

1 Korintiyeku 1:10

Nga khutonu, nyeezaku, ku̱me Zhinerem gwaanji Yesu Masiya, tu̱ ɓalar ɓaanu kha da. Ku̱ ɗyinonu kha shakhtan ɓa, tun gonta ɗyinonu ye maa da, tu̱ ɗyi nun ku̱rki ndu̱ kwaari ɓaanu kha da.

1 Korintiyeku 12:26

Nang ke ɗyi nu̱ saki mbu̱ me bar da wa ruɓa, tu̱ me barkwang kap tu̱k khaatan, yang mbu̱ wa makhta da, tu̱ kasha ku su̱yen.

Afiseku 4:2

Tun kha ndu̱ katar ɗyin tu̱ memu̱na nu kha ɓu̱tokh ndu̱ kanaɗyi, ndu̱ dlu̱r yen mbe ndolari.

Afiseku 4:31

Shakh ma ɗyinonu ndu̱ ɗyooti mbu, ndu̱ chiti memu̱na, ndu̱ shokhna, ndu̱ gangndi dakhlari, ndu̱ pu̱ziku bam bam, ndu̱ aa nyi pooni mu̱na.

Afiseku 4:32

Tun shi mbarkir ye yen, tun na zhiyaye ɓu̱ yen, tun ndu̱m nu̱ ve yen ba wa nu̱ Magham ndu̱mki nu̱ ve nu nu̱ ku̱nshe Masiya.

Filipiyeku 2:3

Ku̱ shi nu aa nu̱m ndu̱ ndolar ɗyin ndu̱ gwaari ɗyin ɓa, tun kata ɗyinonu nu̱gha. Bu ku̱ aaki gaɓ ndu̱ mu̱dlen wa dukti nda.

Filipiyeku 3:16

Ɗyi gwaanji chin ke, ye maa nyem khu̱lki kap, ku̱ zu̱m mi guma si.

Kolosiyeku 3:12

Tun ke nduki ɓu̱ Magham a ndolanu tu̱ daato nu ma ku̱ kha nu ma ɓaran. Ku̱me nang tun ki na zhiyaye ɓu̱ yen, tun a mbarkir ye yen, ndu̱ katar ɗyin ndu̱ ɓu̱tokh memu̱nar ndu̱ gu̱ndi memu̱na.

Yibraniyeku 13:1

Zu̱m ma guma ndu̱ wuti ndolar khachinkir ye yen.

Yaqub 2:13

Jiwa ye sarchi kumari, Magham ɓu̱ wut ɗaana ye nduki nu̱ke nu̱ ka shi ɗaanar ku ɓa. Yang ba, ɗaana ka ɓa raki kuma.

Yaqub 3:17

Yang pooni kaɗari nu̱ke Magham ka vu̱rkyang, ɗya kaɗari nu̱ke shakhshakh gumapaali. Ka ɗa ɓa ndu̱ qaandi memu̱na, ndu̱ khar tu̱tu̱k, ndu̱ ɓu̱tokh ɗyini, ndu̱ khang nar zhiyaye, ndu̱ khang mu̱nkir tu̱k. Wa da aaki wayen, wa ka tlu̱na ɗyi mbarkandi.

Yaqub 5:11

Jiwa chem wa da nduki nu̱ gu̱ndi memu̱na ma nu̱ barkeku. Tun wa tu̱k pooni kanaɗyi ɓu̱ Ayuba, tun wa zu̱n barke nu̱ Zhinkir gwaanji shiki yenda ve lauɗar san tu̱k. Ku̱me Zhinkir gwaanji ɗya nu̱ khang mu̱nki nu̱ nar zhiyaye tu̱k.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 2:17

Vu̱r ma zhaaji ye aaki: Tun ndola nyeezonu nu̱ mbu Yesu, sawa ma Magham, tun vu̱r zhaaji ye kuji gwaanji.

1 Biturus 5:5

Wanang tu̱k tun nyakhtlirku, mbu ma zu̱r ɓu̱ nduki nu̱ke a guma ye nu kap ɓaanu. Wut ma katar ɗyin ye yen, jiwa a nje bu̱laran za, “Magham wa zhang nu̱ gwaari ɗyin, yang wa ka shi mu̱nkir ye nu katar ɗyin.”

2 Bitu̱rus 1:7

Nu̱ ɗyine sawar Magham tun shaata mbarkir ye yen. Ɗyine mbarkirang tun shaata ndola.

1 Yokhana 3:14

Chem wa zu̱n nu̱ ɗyine chem wa peeta mu̱ti ma yir she nyifiri ku̱me chem a ndola nyeezerem. Njif nu̱ke nu̱ka ndola nyeezan ɓa, a mbu̱ bu̱n mu̱ti ma ɓar ye meeni.