1 Biturus 3:4 - Mewar Alqawarang

⁴ Me ɓu̱ nang ku̱ viri ɓaanu kha ma viri nu̱ke a memu̱na nu, chin ke viri nu̱ ɓu̱tokh memu̱na ndu̱ ku̱si ɗyin, nu̱ke nu̱ka shi vi ɓar ɓa, yang ɗya ɗye zhaaji maɗyikandi she Magham.

1 Biturus 3:4 Iomraidhean Croise

Matta 11:29

Da ma zu̱r ɓanga tun shoga sha, ku̱me nga nu̱ katar ɗyin ndu̱ ɓu̱tokh memu̱na, tun ka gwa maasi ye nyifi ɓaanu.

Matta 21:5

“Zu̱ma ye nduki nu̱ Sikhiyona nun za, ‘Wonji kuji ɓaanu a ɓar she nu, ɗya nu̱ katar ɗyin, dlaran ɗyine kooro, a yir ɗyine ye kooro.’ ”

Matta 23:26

To pugum Parise! Nggo san dong ndu̱ shiɓti mbu̱ ɗyekhtang ndu̱ du̱bang ku̱me ku̱ qu̱rsanang kha shakhshakh tu̱k.

Matta 5:5

Barkya ve nu̱ katar ɗyin ku, ku̱me wor ka ɓa gwaki ɗye mbu̱ ge larji nu̱ ɗyin mban ku.

Luka 11:40

Nggu̱bu̱ngku, alapa Magham nu̱ shiki maa damang, chin shiki maa mbwang ɓa goma?

Luka 16:15

Tu̱ yang Yesu ze wor za, “Tun kya shim wutan ye nduki za tun nu̱ jeembu, yang Magham wa zu̱n memu̱na nu. Ɗyi nu̱ke nduki a shimndan maɗyi ɗya ɗye zhaana she Magham.

Romeku 1:23

Tu̱ zhang ghar ghai ye Magham nu̱ zhaaji nu̱ke nu̱ka mu̱t ɓa, tu̱ ki ghar ghai ye mu̱lu̱mku nu̱ shiki mbu̱ shipar ɓu̱ nduku nu̱ka mu̱tki. Kom ndu̱ shipar ku ɓu̱ ɗyikhtiku, ndu̱ ɗye nggarku, ndu̱ pooni su̱tiku ndu̱ kashangku.

Romeku 2:29

Yakhude zhirekandi ke njif nu̱ke ɗya Yakhuda mbu̱ memu̱naran, yang tu̱k dlarsi zhirekandi ke dlarsi nu̱ke a mbu̱ memu̱na nduku, nang ke ɗyi nu̱ Jiimba shiki, ɗya ɗyi nu̱ bu̱lar Bibitang shiki ɓa. Njif nu̱ khaki wanang Magham ke nu̱ kuna nda, ɗya nduk ɓa.

Romeku 6:6

Chem wa zu̱n nu̱ ɗyine wa woɗa katl ɗye shir malkandi ɓaarem gha su̱yen ndu̱ chin ɗyin qu̱far kaatlang, ma ku̱ da zalale ɓu̱ solar nu̱ke a mbu̱ vaarem nang ɓara. Shi wanang ma ku̱ kha mi ma maavi ɓu̱ sola tu̱k ɓa.

Romeku 7:22

Nga kasha bibiti ɓu̱ Magham mbu̱ memu̱nara;

2 Korintiyeku 10:1

Nga Bulus ndu̱ ɗyina, nga kya khutonu, nga nu̱ ka qaki nga “Nu̱ ɓu̱tokh ɗyin” mbu̱ nga su̱yen ndu̱ tunu, yang tang ka kha “Njif shanggu̱ɗangndi” ye nu mbu̱ nga nje su̱yen ndu̱ tun ɓa. Ku̱me katar ɗyin ndu̱ khar nduk tu̱tu̱kndi ɓu̱ Masiya,

2 Korintiyeku 4:16

Nang ke ɗyi nu̱ saki nyem fet memu̱narem ɓar ɓa. Aa nu̱ke man vaarem nang a su̱bu̱rti, jiimberem a khar mewa aa nyi sarchi.

Galatiyeku 5:23

ndu̱ katar ɗyin, ndu̱ ku̱si ɗyin. Ai, Bibitang nu̱ nggu̱tl ɗyiku nang ɓa.

Afiseku 4:2

Tun kha ndu̱ katar ɗyin tu̱ memu̱na nu kha ɓu̱tokh ndu̱ kanaɗyi, ndu̱ dlu̱r yen mbe ndolari.

Kolosiyeku 3:12

Tun ke nduki ɓu̱ Magham a ndolanu tu̱ daato nu ma ku̱ kha nu ma ɓaran. Ku̱me nang tun ki na zhiyaye ɓu̱ yen, tun a mbarkir ye yen, ndu̱ katar ɗyin ndu̱ ɓu̱tokh memu̱nar ndu̱ gu̱ndi memu̱na.

Kolosiyeku 3:3

Jiwa tun mu̱tan, yang nyifi ɓaanu a nje tukaran su̱yen ndu̱ Masiya mbe Magham.

1 Tasalonikeku 4:11

Sa ma ye memu̱nanu ma ku̱ shi nu khar sheɗakandi, tun vu̱r vaanu nu̱ ve tlu̱nar nu̱ke a gume nu ɗyenda, tun a tlu̱nar ndu̱ khanu ba wa nyem zu̱ki za shi nu.

2 Tasalonikeku 3:12

Yang chem a ɓalar ye pooni nduki nang, chem a wu wor tu̱k mbe Zhinerem gwaanji Yesu Masiya, nu̱ ɗyine ku̱ ki tlu̱nar ku tu̱ ku̱s ɗyin vaanda, tu̱ zu̱m ndu̱ vaanda.

1 Timoti 2:2

Tun shi wanang tu̱k ye kujiku ndu̱ nu̱ kwaaɗarku kap, ma ku̱ gwa mi khar mu̱ndi ndu̱ qaandi memu̱nar mbu̱ sawar Magham maɗyikandi ndu̱ khar viti shakhshakhndi ve aa nyi njiva.

2 Timoti 2:25

Kom ku̱ wu nduki nu̱ke a kare ndu̱ shogar ɓaran mbe ɓu̱tokh memu̱na, bai Magham ka vu̱r maa ye wor tu̱ nggoɗ ku tu̱ zu̱n zhire.

Titus 3:2

Ku̱ zu̱ ɓalar malkandi nu̱ ve aaki ɓa, ku̱ shi khar ɓaanda mbe qaandi memu̱na, ku̱ kha ku ndu̱ kadu̱ri ku̱ kha ma nu̱ ɗu̱bar memu̱nar nduki.

Yaqub 1:21

Ku̱me nang, wos ma kap ɗye shir malkandi nu̱ solari ndu̱ pooni mu̱narku gha, tun dlu̱ ɓalar nu̱ kaɓki nu̱ mbu̱ memu̱na nu nu̱ka vu̱rki ɗanar ye nu ndu̱ ɓu̱tokh memu̱na.

1 Biturus 1:23

Jiwa tun wa gwa mewar khari. Yang mewar nyifi ɓaanu nang tun gwa she pooni nu̱ke wa ka mu̱t ɓa, tun gwa she pooni nu̱ke nu̱ka shi mu̱t ɓa. Kha nu nu̱ ku̱nshe ɓalar ɓu̱ Magham nu̱ke nyifiri a si yang nu̱ka shi mu̱ti ɓa.

1 Biturus 3:15

Yang mbu̱ memu̱nanu da ma Masiya tu̱ kha ma Zhinonu gwaanji. Kha ma daasaran aakochi ma tlogha nu ye nu̱ zhamndonu ɗyi nu̱ saki tun sa memu̱na nu ye mbu Masiya. Yang shi ma nang ndu̱ ɓu̱tokh memu̱na ndu̱ vu̱rti gorkiri.