1 Biturus 2:9 - Mewar Alqawarang

⁹ Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

1 Biturus 2:9 Iomraidhean Croise

Matta 4:16

Nduki nu̱ke kharan ku mbu̱ zhum wa na yarang gwaanji, yarang a vi ye nduki nu̱ke kharan mbu̱ jiimbi mu̱ti.”

Matta 5:16

Wanang tu̱k, bu ku̱ kha nu ndu̱ yarang gume nduki, ku̱me mbu̱ wa na ɗye shir mbarkandi nu̱ke tun a shiran, ka gor dlu̱m Zhinonu nu̱ke a mbu̱ viɗi.

Luka 1:79

ma vu̱r yarang ye nduki nu̱ke kharan mbu̱ zhumi, ndu̱ jiimbi mu̱ti. Ka khutlo saarerem ku̱ mbu njiv nu̱ke qaandi memu̱nar a si.”

Yokhana 17:19

Nga kha wakaran ku̱me wora, nga shim ku̱ gwa wakar zhirekandi ku.”

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

Tlu̱nar ɓu̱ Pudeku 26:28

Tu̱ Agu̱ripa tlogha ye Bulus za, “Na ta ma gaɓ ndu̱ nga ma Ku̱rista mbu̱ sarchi koɗommandi nang mu?”

Romeku 9:24

Chem ke nduki nang, yang chem nu̱ Magham qaki, mbu̱ Yakhudeku ɗyenda ɓa, nduki nu̱ke ɗya Yakhudeku ɓa a mban tu̱k.

1 Korintiyeku 3:17

Aaki su̱bu̱rki rafti ɓu̱ Magham nu̱gha, Magham ka su̱bu̱rti nda nu̱ gha, ku̱me rafti ɓu̱ Magham shakhshakh, yang tun ke rafti ɓaranang.

Afiseku 1:14

Tun wa kha ma ku̱si ɓaran nu̱ ɗyine tun ka zu̱m ɗye mbu̱ ge ɓaran. Kope wa ɗana nduki nu̱ke ɓaran, kham mi zhaaji ɓaran!

Afiseku 1:6

Shi wanang ma ku̱ kuna mi zhaaji ɓu̱ mu̱nkir ɓaran nu̱ vu̱rki yerem mu̱nki ndu̱ yele tu̱k nu̱ ku̱nshe Yi ɓaran nu̱ke a ndolaran.

Afiseku 3:21

Ku̱ zhaaji kha nda shwat mbe tabar ɓu̱ nu̱ mbu Yesu ndu̱ mbe Masiya Yesu, mbu̱ sarchiku kap, koɗokhsi ɓa. Amin!

Filipiyeku 3:14

Nga zhang vara ku̱ gwa nga tang basan ma gwa ɗye ɓi qari ma yir mbu̱ viɗi nu̱ Magham qaki nga maaran nu̱ ku̱nshe Masiya Yesu.

Kolosiyeku 1:13

Jiwa chin lawaki rem ɓar mbe kwaaɗar ɓu̱ zhumi, ta gaɓ ndu̱ chem mbu̱ kwaaɗar ɓu̱ Yi ɓaran nu̱ke a ndolaran,

2 Timoti 1:9

Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.

1 Biturus 2:5

Tun yang, gaɓ wa ndogdiku nu̱ nyifiri nu̱ka shiki boote ndu̱ wor ma du̱n rafti nu̱ jiimba. Ma ku̱ kha ma tabar ɓu̱ kuruku shakhshakhndi ɓu̱ rafti nang, tun a zoɓa sadke nu̱ jiimba nu̱ ku̱nshe Yesu Masiya, nang ke pooni sadke nu̱ke Magham a shimndan.

1 Biturus 4:11

Njif nu̱ke vu̱rti ɓaran ɗya nu̱ waazu, ku̱ shi waazwang wa Magham ndu̱ ɗyinan kya ɓalarang nu̱ ku̱nshe nda. Mbu̱ yang vu̱rti ɓaran ɗya nu̱ tlu̱nar ye nduku, ku̱ ki tlu̱nar nang ndu̱ du̱mbu̱r nu̱ Magham vu̱rki yenda kap. Shi ma wanang ma ku̱ vu̱r nu gorkir ye Magham nu̱ ku̱nshe Yesu Masiya. Zhaaji ndu̱ kwaaɗar ɗya ɓaran koɗokhsi ɓa. Amin.

Ɗyin mbu̱ tukari 1:6

Chin gaɓki ndu̱ chem, chem kha ma kwaaɗari ndu̱ kuruku ma tlu̱nar ye Magham ndu̱ ɓaran nu̱ Zhin. Ku̱me nang bu ku̱ Yesu Masiya dlu̱ zhaaji ndu̱ kwaaɗar koɗokhsi sar da ɓa! Amin.

Ɗyin mbu̱ tukari 20:6

Nduki nu̱ gwaki jiiri mbe mu̱ti nu̱ gumapaali nang, ɗya nu̱ barka ku yang shakhshakh ku tu̱k. Zalale kha mu̱ti nu̱ rap ɗyine wor ɓa, ka kha ma kuruku ɓu̱ Magham ndu̱ ɓu̱ Masiya, ka shi kwaaɗar ku ndu̱ chin tu̱k me sonyi du̱pu.

Ɗyin mbu̱ tukari 5:10

Ta gaɓ ndu̱ wor ma kwaaɗari ndu̱ kuruku ma ku̱ shi tlu̱nar ɓu̱ Maghamndi ɓaarem, ka shi kwaaɗar ku ɗyine larji.”