1 Biturus 2:6 - Mewar Alqawarang

⁶ Jiwa a nje bu̱laran mbu̱ bu̱lar Ɓalar ɓu̱ Magham za, “Wonji, nga du̱ng ndogdi gha Sikhiyona ndogdi ngginggeetli datkandi nu̱ zhaaji. Yang njif nu̱ dlaki varan nu̱ ve nda, ɗye kawa ɓu̱ gwa nda sar da ɓa.”

1 Biturus 2:6 Iomraidhean Croise

Matta 12:18

“Wonji maavi ɓang nang datki, chin ke ndolar ɓanga, ngaa tu̱k mu̱ndi ɓaran maɗyi. Ngga nyel nda ndu̱ Jiimbi ɓanga, ka shi kumar zhirekandi ye dlar maaku zum zum.

Markus 12:10

Alapa, nun nggu̱t ye chiti ɓalar ɓu̱ Maghamang ɓa goma? A nje bu̱laran za, “Ndogdi ni nu̱ du̱ndikwang zhangki gha, chin gaɓki ma ndogdi nu̱ dukki aa nyi ndooga boote mbu̱ du̱ndang.”

Luka 20:17

Tu̱ Yesu nja yitan nu̱ mbu̱ ɓaanda, kom tu̱ shi zhamndi za, “Yang ɓa, nu̱m kya mbu̱ ɓalar ɓu̱ Magham bu̱lakandang na? Nu̱ zu̱ki za, ‘Ndogdi ni nu̱ du̱ndikwang zhangki gha, chin khaki ma ndogdi nu̱ dukki ndu̱ boota mbu̱ du̱ndang.’

Luka 23:35

Nu̱ ndukiku chingki gha a nggu̱ti, tu̱ yang dlegumeku nu̱ke a nje chingndan su̱yen ndu̱ ndukyang tu̱k shi maatli ɓalar yenda a zu̱ran ku za, “Woo! Wa ɗana ndukiku, yang ku̱ ɗana varan ɓa, mbu̱ chin ke Masiya daati ɓu̱ Magham.”

Yokhana 7:38

Kap njif nu̱ maitaki nga, ‘Njiv ɗyimku nu̱ke a ɓagha ɗyim nyifiri kaɗa kuɗa mbu̱ memu̱na aa nyi nduk nu̱ maitaki nga ba wa nu̱ bu̱lar ɓalar ɓu̱ Maghamang zu̱ki.’ ”

Tlu̱nar ɓu̱ Pudeku 1:16

Tu̱ zu̱ za, “Nyeezaku, wa ku̱s ku̱ ɓalar nu̱ Magham nu̱ Jiimbi ɓu̱ Magham zu̱ki nu̱ ku̱nshe Dauda ɗyine Yakhuda njif nu̱ shiki dle gume ye nduki nu̱ ku̱ski Yesu nyedli.

Romeku 10:11

Ba wa nu̱ Bu̱lar Ɓalar ɓu̱ Magham zu̱ki za, “Kap njif nu̱ maitaki nda ɓu̱ tu̱k kawa ɓa.”

Afiseku 1:4

Wa daaterem nu̱ ku̱nshe khar ɓaarem da ndu̱ Masiya me ku̱ du̱ng larji, ma ku̱ kha mi shakhshakh, waare sola gume nda ku̱me ndolar ɓaran.

Afiseku 2:20

Wa du̱ngndonu nu̱ ɗyine su̱ du̱ndi nu̱ pudeku ndu̱ annabikwang du̱nki, yang Masiya Yesu ke ndogdi ngginggeetli nu̱ dukki ndu̱ boota mbu̱ du̱ndang.

2 Timoti 3:16

Kap bu̱lar Ɓalar ɓu̱ Magham piiran a vi she nda, boota su̱ tu̱k ma shogari, ndu̱ duti dlu̱mdi, ndu̱ kwaaɗar khar viti ɓu̱ nduku, ndu̱ ɗu̱rti nduk ve njiv toropndi.

1 Biturus 2:4

Wa nu na ɓa ki she nda ndogdi nu̱ nyifiri nu̱ nduki zhangki gha, yang Magham wa daato nu tu̱ vu̱r zhaaji ye nu.

1 Biturus 2:8

Yang a nje bu̱laran tu̱k za, “Ɗya ndogdi ji sar, ɗya ndogdi nu̱ka ɓa ki ndu̱ nggu̱di ɓu̱ nduk tu̱k!” Nduki ji saari worang ku̱me wa zhang mbu ɓalar ɓu̱ Magham gha. Yang daasa ye wor ma wanang.

2 Bitu̱rus 1:20

Yang guma ndu̱ aa nu̱m, wa shipa zu̱n nu nu̱ ɗyine, ɓalarku ɓu̱ annabiku nu̱ke a nje mbu̱ bu̱lar Ɓalar ɓu̱ Magham, a vi mbe shaandi ko ghu̱rti ɓaanda ɓa.

2 Bitu̱rus 3:16

Wa ka shi ɓalar ɗyine pooni ɗyiku nang aakochi mbu̱ lagarkatiku ɓaran. Mbu̱ lagarkatiku ɓaranang yang ɓeeni ɗyiku a nje nu̱ke shar ku̱ nduk da mban. Nang ke ɗyiku nu̱ke nduki nu̱ song zu̱ndi ku, nu̱ke maito ɓaanda khukhutan, a mbu̱m mbu̱ ɓalarang nu̱gha ku, ba wa nu̱ka shiki ku ye ɓeeni bu̱lar Ɓalar ɓu̱ Magham ku. Ai, nduki nang a dut mu̱ti ye ɗyin wora.