1 Biturus 2:5 - Mewar Alqawarang

⁵ Tun yang, gaɓ wa ndogdiku nu̱ nyifiri nu̱ka shiki boote ndu̱ wor ma du̱n rafti nu̱ jiimba. Ma ku̱ kha ma tabar ɓu̱ kuruku shakhshakhndi ɓu̱ rafti nang, tun a zoɓa sadke nu̱ jiimba nu̱ ku̱nshe Yesu Masiya, nang ke pooni sadke nu̱ke Magham a shimndan.

1 Biturus 2:5 Iomraidhean Croise

Romeku 12:1

Ku̱me nang, nyeezaku, nga khutonu, mbe khang nar zhiyaye ɓu̱ Magham tun vu̱r ɗyinonu wa sadke nu̱ nyifiri, shakhshakhndi, pooni sadke nu̱ke Magham a shimndan. Nang ke njiv tlu̱nar mbarkandi ye Magham.

Romeku 15:16

Ma ku̱ kha nga ma nu̱ tlu̱nar ɓu̱ Masiya Yesu ye nduki nu̱ke ɗya Yakhudeku ɓa, su̱yen nu̱ tlu̱nar kuru ɓu̱ Magham nu̱ wopar Labar Mbarkandi ɓu̱ Magham. Ma ku̱ nduki nu̱ke ɗya Yakhudeku ɓa kha ma sadke dlu̱kandi she Magham, nduki nu̱ wakaki wor gha nu̱ ku̱nshe Jiimbi shakhshakhndi.

1 Korintiyeku 3:16

Alapa nun zu̱n za tun rafti ɓu̱ Magham ɓa goma, Jiimbi shakhshakhndi a nje kharan mbe nu?

1 Korintiyeku 3:9

Jiwa chem a khar raptiki mbu̱ tlu̱nar ɓu̱ Magham, yang tun ke dam ɓu̱ Magham ndu̱ du̱ndi ɓaran tu̱k.

1 Korintiyeku 6:19

Nun zu̱n za man vaanu ɗya rafti ɓu̱ Jiimbi shakhshakhndi nu̱ke a mbe nu nun dlu̱ki she nda ɓa goma? Tun ɓu̱ shi zalale ndu̱ vaanu ɓa.

2 Korintiyeku 6:16

Rafti ɓu̱ Magham ka kha da ndu̱ maa konom mu? Chem ke rafti ɓu̱ Magham nu̱ nyifiri. Ba wa nu̱ Magham zu̱ki, “Ngga kha su̱yen ndu̱ wora, tang baara chele ɓaanda, Ngga kha ma Maghamndi ɓaanda, wor ka kha ma nduki ɓanga.”

Galatiyeku 6:10

Ku̱me nang, kap sarchi nyem gwaki zalale ni, chem shi mbarkir ye aaki, nu̱ shi wa ye mu̱dlerem ku nu̱ mbu Yesu ɓa.

Filipiyeku 1:11

Nga barari ku̱ khar viti ɓaanu kha nyeedlan ndu̱ tlu̱nar mbarkandi ku nu̱ ka wutki ɗye shir mbarkandi nu̱ke nduk ka gwa poonan she Yesu Masiya ɗyenda ma vu̱r zhaaji ndu̱ khamndi Magham.

Filipiyeku 2:17

Vu̱rti zhire ɓaanu ndu̱ tlu̱nar nun shiki mbe Zhinerem gwaanji a khar wa dlar sadka yenda, yang aa tom ɓang mbu̱ɗki ku̱me sadke nang, ngga tu̱k mu̱ndan, tang kasha ndu̱ tun kap tu̱k.

Filipiyeku 4:18

Tun wa shi aa nu̱m ya, ɗyi nun shiki wa duk ɗyi nu̱ke nga gangndan. Mba zhiran, nu̱ke nga gwa ɗyiku nun ru̱kki su̱ ya mbu̱ khar Apafaroditus. Nang ɗya sadke nu̱ke zhiran mu̱n maɗyi, ɗya vu̱rti mbarkandi nu̱ke Magham ka dlu̱ki san tu̱ tu̱k mu̱ndan.

Kolosiyeku 3:17

Mbu̱ ɗyi nu̱ke tun a shiran kap, aa mbe ɓala aa tlu̱na, tun shir nda mbu̱ dlu̱m Zhinerem gwaanji Yesu, tun a kuna Magham Zhinki nu̱ ku̱nshe nda.

1 Timoti 3:15

Mbu̱ yang wa khubti nga nu̱ gha ku, wa shipa ku̱ zu̱n na ɗyi nu̱ shipaki ku̱ nduki shi mbu̱ rafti ɓu̱ Magham. Nu̱ke nang ke tabar ɓu̱ nduki ɓu̱ Magham nu̱ nyifiri, yang chin ke zaure ndu̱ dlu̱dlarsi zhire tu̱k.

Yibraniyeku 3:6

Yang Masiya ɗya nu̱ zhire mbe khar ɓaran Yi ɓu̱ Magham ɗyine nduki ɓu̱ Magham. Chem ke nduki ɓaran mbu̱ chem wa zu̱m guma ndu̱ shokhku̱rokh memu̱na, chem a sa memu̱narem su̱yen ndu̱ wakhti ɗyine ɗyiku nu̱ke chem a bu ɓar ɓaanda.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

1 Biturus 4:11

Njif nu̱ke vu̱rti ɓaran ɗya nu̱ waazu, ku̱ shi waazwang wa Magham ndu̱ ɗyinan kya ɓalarang nu̱ ku̱nshe nda. Mbu̱ yang vu̱rti ɓaran ɗya nu̱ tlu̱nar ye nduku, ku̱ ki tlu̱nar nang ndu̱ du̱mbu̱r nu̱ Magham vu̱rki yenda kap. Shi ma wanang ma ku̱ vu̱r nu gorkir ye Magham nu̱ ku̱nshe Yesu Masiya. Zhaaji ndu̱ kwaaɗar ɗya ɓaran koɗokhsi ɓa. Amin.

1 Biturus 4:17

Jiwa sarchi kumar nduki a ɓa. Yang ka nggaasan ndu̱ nduki ɓu̱ Magham. Mbu̱ yang ka nggaasi kumarang ndu̱ chem, ɓu̱ nduki nu̱ zhangki tu̱k Labar mbarkandi na viki she Magham ɗa ka kha kikimndana?

Ɗyin mbu̱ tukari 1:6

Chin gaɓki ndu̱ chem, chem kha ma kwaaɗari ndu̱ kuruku ma tlu̱nar ye Magham ndu̱ ɓaran nu̱ Zhin. Ku̱me nang bu ku̱ Yesu Masiya dlu̱ zhaaji ndu̱ kwaaɗar koɗokhsi sar da ɓa! Amin.

Ɗyin mbu̱ tukari 20:6

Nduki nu̱ gwaki jiiri mbe mu̱ti nu̱ gumapaali nang, ɗya nu̱ barka ku yang shakhshakh ku tu̱k. Zalale kha mu̱ti nu̱ rap ɗyine wor ɓa, ka kha ma kuruku ɓu̱ Magham ndu̱ ɓu̱ Masiya, ka shi kwaaɗar ku ndu̱ chin tu̱k me sonyi du̱pu.

Ɗyin mbu̱ tukari 3:12

Aaki raki wute ngga gaɓ ndu̱ chin ma zaure mbu̱ rafti ɓu̱ Zhinkir ɓanga. Njif nang ɓu̱ njig ye maaran sar da ɓa. Nga bu̱la dlu̱m Maghamndi ɓanga kom ndu̱ dlu̱m ghai ɓu̱ Maghamndi ɓanga mewar Urshalima, nu̱ke ka ɗa shurki mbu̱ viɗi she Maghamndi ɓanga. Nga bu̱la mewar dlu̱ma nu̱ ɗyine nda tu̱k.

Ɗyin mbu̱ tukari 5:10

Ta gaɓ ndu̱ wor ma kwaaɗari ndu̱ kuruku ma ku̱ shi tlu̱nar ɓu̱ Maghamndi ɓaarem, ka shi kwaaɗar ku ɗyine larji.”