1 Biturus 2:1 - Mewar Alqawarang

¹ Ku̱me nang shakh ma ɗyinonu ndu̱ aa nyi maatli khali, ndu̱ wollo, ndu̱ mu̱na ndu̱ zhiri, ndu̱ aa nyi pu̱ziku bam bam.

1 Biturus 2:1 Iomraidhean Croise

Matta 15:7

Tun nu̱ mu̱narku! Ɓalar nu̱ annabi Yishaya zu̱ki ɗyinonwang wa shi torop, ku̱me wa zu̱ za,

Matta 23:28

Tun ba wanang, dam, ndukya na nu̱ wa tun nu̱ dambi, yang mbu fara, tun nyeedlan ndu̱ mu̱narku ndu̱ ɗye shir malkandi.

Matta 24:51

Nu̱ rafti na ka shi dlabti malkandi yenda tu̱ shi kumar yenda su̱yen ndu̱ nu̱ mu̱narku. Nang ke ye maa nu̱ke ka shiki ghoori su̱yen ndu̱ ku̱ti dliindi.

Matta 7:5

To nu̱ mu̱na, fed kodong qu̱far nu̱ke a mbu̱ yitorang ɓar dong, kom to ka na njiv fet ye wuzu̱ndi nu̱ke a mbu̱ yiti mu̱dlwang ɓar mbari.

Markus 12:15

Vu̱rmi yenda mu, yang vu̱rmi yenda ɓa mu?” Yang ku̱me Yesu wa zu̱n mu̱nar ɓaanda, tu̱ ze wor za, “Nu̱m saki tun a shim lamba nga? A ɓa ma ndu̱ mu̱zhindi ye vi ya na nga.”

Luka 11:44

“Tun ɗye zhiyaye, ku̱me tun wa shipa ku̱jipku nu̱ke ndukyang khaatlan ku waare zu̱ndi ɓaanda.”

Luka 12:1

Sarchi nu̱ke nduki tabaki du̱mmbu̱su̱m, tu̱ ku̱s khatl yen ku, tu̱ Yesu nggaasi ɓalar ye nduki nu̱ mburi nda kwa za, “Ku̱r ma vaanu ndu̱ yis ɓu̱ Parisekwang, nga ve pitli gwaari ɗyin ɓaandang.

Luka 6:42

To kaa ze mu̱dlo no za, ‘Bu fed nga ye wuzu̱ndi nu̱ke a mbu̱ yitora ɓar kikimnda nu̱ke kodong qu̱farang nje mbu̱ yitorang? To nu̱ shir tun ku̱me ku̱ nduki na, nggo san ndu̱ feti kodong qu̱far nu̱ke a mbu̱ yitora ɓara dong, kom to kaa na yarang feti ye wuzu̱ndi nu̱ke a mbu̱ yiti mu̱dlwang ɓar mbari.’ ”

Yokhana 1:47

Nu̱ Yesu naki Nataniyel a ɓar she nda tu̱ zu̱ za, “Na ma khuzi Israile zhirekandi nu̱ke song zhire nje mbe nda ɓa.”

Romeku 1:29

A nje ku nyeedlan ndu̱ ɗyi galkandi, ndu̱ mu̱nari, ndu̱ melakh, ndu̱ ɗye shir malkandi ku. Nyeedlan ku ndu̱ zhiri malkandi, ndu̱ tlaghar mu̱ti, ndu̱ dakhlari, ndu̱ nyiglar maa, ndu̱ ɗyooti mbu. Ɗya nu̱ ndaana ku,

1 Korintiyeku 14:20

Nyeezaku, ku̱ kwaari ɓaanu kha wa qusongga ɓa, ye maa ɗye mu̱na, tun kha wa ɓeelar woi, yang ku̱ kwaari ɓaanu kha wa nduk gori.

1 Korintiyeku 5:8

Ku̱me nang shem tabar ɓaarem, waare ɓurti tolir nu̱ shiki ndu̱ yis gu̱makandi, nang ke solar ndu̱ mu̱nari, chem shi ɓurti tolir nu̱ke yis su̱ ɓa, chin ke ɓurti tolir nu̱ khar shakhshakh ndu̱ shir zhire.

2 Korintiyeku 12:20

Nga sawa bai mbu̱ nga ɓa tang gwa tun wa mbu̱m tun kha zum ndu̱ ɗyi nang shimki nu si, tun yang gwa nga zum ndu̱ ɗyi nun shimki nga si tu̱k. Nga sawa gwa nu mbu̱ keele ndu̱ zhiri, ndu̱ memu̱nar malkandi ndu̱ ndolar ɗyin, ndu̱ pu̱zi nduki bam bam ndu̱ ndaane, ndu̱ dar ɗyin, ndu̱ rokhdlar maari.

Afiseku 4:31

Shakh ma ɗyinonu ndu̱ ɗyooti mbu, ndu̱ chiti memu̱na, ndu̱ shokhna, ndu̱ gangndi dakhlari, ndu̱ pu̱ziku bam bam, ndu̱ aa nyi pooni mu̱na.

1 Tasalonikeku 2:3

Jiwa khuti nyem shiki ye nu nang wollo nje mban ɓa, nyem ku̱r ɗyi malkandi ye nu ɓa yang nyem lamba nu zum ɓa.

1 Timoti 3:11

Ku̱ nusuki ɓaanda tu̱k kha ndu̱ zhaaji, ku̱ kha ma nu̱ gu̱ndi virki ku ɓa, ku̱ ku̱s vaanda tu̱ shi zhire mbe ɗyi nu̱ke a shiran ku kap.

Titus 2:3

Wanang tu̱k tun shoga ye geema nusuki ku̱ shi khar viti ku nu̱ shipaki ɓu̱ nusuki nu̱ mbu Yesu. Ku̱ kha ma nu̱ kotama ku ɓa, ku̱ zar ɗyema kha ma ɗye shir ɓaanda ɓa. Ku̱ shogakya ɗyi nu̱ke mbarkandi ɓara,

Yibraniyeku 12:1

Ku̱me nang, nu̱ke tabar ɓu̱ nu̱ saiduku khang maɗyi a nje kararan ndu̱ chem, bu ku̱ mbuk mi kap ɗyi nu̱ke ka nggu̱tlki rem ɗar gha, ndu̱ aa nyi solar nu̱ takhshaki rem nu̱ gha. Chem shi ɗar nu̱ke a gume rem nang ndu̱ shokhku̱rokh me bu̱n.

Yaqub 1:21

Ku̱me nang, wos ma kap ɗye shir malkandi nu̱ solari ndu̱ pooni mu̱narku gha, tun dlu̱ ɓalar nu̱ kaɓki nu̱ mbu̱ memu̱na nu nu̱ka vu̱rki ɗanar ye nu ndu̱ ɓu̱tokh memu̱na.

Yaqub 3:14

Mbu̱ yang zhiri malkandi ndu̱ ndolar ɗyin a nje mbu̱ memu̱na nu, njig ma wuti ɗyinonu, yang lu̱panu zhire ni nu̱gha ɓa.

Yaqub 4:11

Nyeezaku, njig ma pu̱zi yen. Ku̱me aaki pu̱zki mu̱dlen nu̱ mbu Yesu, bai tu̱ du̱ng zop nggur nu̱ ɗyine nda gom, a pu̱zkya Bibiti ɓu̱ Magham, a du̱ngkya zop ye Bibiti ɓu̱ Magham tu̱k. Mbu̱ yang ta pu̱z Bibiti ɓu̱ Magham ta kha ma nu̱ zhangndi mburan gha. Kom ta gaɓ ndu̱ ɗyino ma nu̱ du̱ngndi zop ye bibitang tu̱k.

Yaqub 4:5

Tamandi ɓaanu bu̱lar Ɓalar ɓu̱ Magham shi ɓalarang bam mu nu̱ zu̱ki za, “Magham nyeedlan ndu̱ zhiri maɗyikandi ku̱me a ndola rem ku̱me jiimbi nu̱ saki nu̱ mbe remang” ɓa goma?

Yaqub 5:9

Nyeezaku, njig ma ruru chele ɓaanu, ma ku̱ kuma nu ɓa. Wonji nu̱ kumarang a shi bing ɓari, a nje me viri.

1 Biturus 2:16

Shi ma khar ɓaanu wa nduki nu̱ke ɗya maava ɓa, yang ku̱ gaɓ nu ndu̱ nang tu̱ kha ma njiv shir ɗyi nu̱ke galkandi ɓa. Shi ma khar nu̱ke ka wutki za tun maaviku ɓu̱ Magham.

1 Biturus 2:22

“Sar da nu̱ shi zop ɓa, nu̱ shi wollo sar da ɓa.”

1 Biturus 3:10

A nje bu̱laran za, “Njif nu̱ke a shim ku̱ tu̱k nji mu̱ndi khar viti ɓaran ndu̱ na nji qaandi virkirku mbarkandi, ku̱ ku̱s ghiindan nu̱gha ma ku̱ shi mu̱na ɓa, tu̱ ku̱s men ndu̱ zu̱r wollo.

1 Biturus 4:2

Ku̱me nang khar ɓaran mbu̱ man va, ɗyi nu̱ke ka shiki zalale ndu̱ chin, ɗya shimndi ɓu̱ Magham, ɓu̱ mbu shimndi ɓu̱ manva ɓa.

1 Biturus 4:4

Leendang yang raptonu ku nu̱ zhu a lazham gontar ɗyin nun zhangki shiran gha ndu̱ wor ma shi ɗyi malkandi ku nun ka shiki zhu ndu̱ wora, a shipiti pu̱zi ye nu ku.

Ɗyin mbu̱ tukari 14:5

Sar da nu̱ nduk tu̱k wollo mbu̱ me wor ɓa, ku̱me ɗya nu̱ song zop ku.