1 Biturus 1:8 - Mewar Alqawarang

⁸ Aa nu̱ke nun na Masiya Yesu sar da ɓa, yang kap ndu̱ nang tun a ndola nda. Aa nu̱ke tun a na nda leendang ɓa, kap ndu̱ nang tun a maita nda, tun a kashar wa nu̱m gom,

1 Biturus 1:8 Iomraidhean Croise

Matta 10:37

“Aaki ndolaki aa man aa zhin tu̱ dukti nga, nu̱ khu̱l ma ku̱ kha ma ɓang ɓa, yang tu̱k, aaki ndolaki aa woi ɓaran ye khusku aa woi ɓaran ye nusu tu̱ dukti nga, nu̱ khu̱l ma ku̱ kha ma ɓang ɓa.

Yokhana 14:15

“Mbu̱ tun a ndola nga, tun ka mbu zu̱r ɓanga.

Yokhana 14:21

Kap njif nu̱ zu̱nki Wopar ɓanga, tu̱ yang ki khutloran, chin kya ndola nga. Njif nu̱ke a ndola nga yang, Zhinkir ɓang ka ndola nda, ngga ndola nda tu̱k tang wut vara yenda.”

Yokhana 14:24

Njif nu̱ke a ndola nga ɓa, ɓu̱ khutlo ɓalar ɓang ɓa. Ɓalar nu̱ke tun a tu̱ktan nang ɗya ɓang ɓa ɗya ɓu̱ Zhinkir nu̱ ɗa ru̱kki nga.”

Yokhana 16:22

Tun wanang tu̱k. Tun a mbu̱ chiti mbi leendang, yang ngga ɓa na nu tu̱k, kom tun ka shi kashari, nduk a nje nu̱ke ka ɗu̱maki lawa ɓong memu̱nar ɓaanu ɓar kha nu ɓa.

Yokhana 20:29

Tu̱ Yesu ze nda za, “Ai, to maita ku̱me ta na, barkya ve nduki nu̱ke nu̱ na ku ɓa, yang wa maita ku.”

Yokhana 8:42

Tu̱ Yesu ze wor za, “Mbu̱ Magham ke zhinonu tu̱ga tun wa ndola nga, ku̱me nga vi she Magham, yang wonji nga fan. Na nga ɓa ndu̱ zalale ɓang ɓa, Magham a ru̱kki nga.

Tlu̱nar ɓu̱ Pudeku 16:34

Kom tu̱ vi ndu̱ wor mbu̱ rafti ɓaran tu̱ vu̱r ɗye zu̱mndi ye wora. Tu̱ nu̱ nggu̱ti zhaaru̱mang kasha maɗyi, chin ndu̱ rafti ɓaran ku̱me kap ɓaanda wa maita Magham ku.

Romeku 14:17

Jiwa kwaaɗar ɓu̱ Magham ɗya ɓalar zu̱mndi ndu̱ zar ɓa, ɗya ɓalar dambi, ndu̱ qaandi memu̱na, ndu̱ ɓong memu̱na mbe Jiimbi shakhshakhndi.

Romeku 15:13

Bu ku̱ Maghamndi nu̱ka vu̱rki sar memu̱nari, nyeedlonu ndu̱ kashari ndu̱ qaandi memu̱nari wa nu̱ke tun a maita nda, ma ku̱ kha nu ndu̱ sar memu̱nar nyelkandi, nu̱ ku̱nshe zalale ɓu̱ Jiimbi shakhshakhndi.

1 Korintiyeku 16:22

Kap njif nu̱ke a shim Zhinerem gwaanji ɓa ku̱ Magham mi barke ɓaran. A ɓo, Zhinerem gwaanji.

2 Korintiyeku 1:22

Wa sa ɗyi nu̱ saidaki za chem ɓaran nu̱ ɗyinerem, tu̱ sa Jiimbi ɓaran nu̱ mbu̱ memu̱narem mu̱nki. Ma ku̱ wut chem ku̱si ɓaran dong ma ku̱ wut ɗyi nu̱ke a ɓar gana fan.

2 Korintiyeku 12:4

Tu̱ ɗu̱ ndu̱ chin mbu̱ viɗi tu̱ ɗa tu̱k ɓalarku nu̱ nggu̱tlki nduk zu̱ran gha, pooni ɓalar nu̱ke nduk ɓu̱ ɗu̱ma ɓalar ɗyinan ɓa.

2 Korintiyeku 4:18

Ku̱me nyem sa yiterem nu̱ ɗyine ɗyi nu̱ke nduki a naran ndu̱ ye yiti wor ɓa, chem a sa kya yiterem nu̱ ɗyine ɗyi nu̱ke nu̱ka shi na ɓa. Ku̱me ɗyi nu̱ke nduki a naranang, ka woɗa ɗau, yang ɗyi nu̱ke nu̱ka shi na ɓa ndang nu̱ka shi woɗa ɓa.

2 Korintiyeku 5:7

Jiwa chem a shikya khar maito, chem a shikya khar ɗyi nu̱ yiterem naki ɓa.

2 Korintiyeku 9:15

Kuna mi Magham ku̱me mu̱nkir ɓaran nu̱ peetaki me zu̱r ɓu̱ nduku.

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Afiseku 3:19

Nga barar tu̱k ku̱ zu̱n nu ndolar ɓu̱ Masiya nu̱ dukki du̱mbu̱r ku̱ nduk zu̱ni, ma ku̱ nyedli nu ndu̱ kap pooni nyedli ɓu̱ Magham.

Afiseku 6:24

Ku̱ mu̱nkir ɓu̱ Magham kha nduki nu̱ke a ndola Zhinerem gwaanji Yesu Masiya koɗokh si ɓa.

Filipiyeku 1:25

Nu̱ke nga maita zhire ɓu̱ ɗyi nang, nga zu̱n nu̱ ɗyine ngga kha gha su̱yen ndu̱ tun kap ma zu̱m nu guma ndu̱ kashar mbe maito ɓaanu.

Filipiyeku 3:3

Ai, chem ke nu̱ dlarsi mbarkandi, chem nyem ka gharki ghai ye Magham nu̱ ku̱nshe Jiimbi shakhshakhndi, chem a wakhti ndu̱ Masiya Yesu, yang nyem maita tlu̱nar ɗyin mbu̱ manva ɓa.

Filipiyeku 4:4

Shi ma zhakhzhakh mbe Zhinkir gwaanji aakochi. Nga maataran ye nu tu̱k nga za, shi ma zhakhzhakh!

Yibraniyeku 11:1

Maito ke zu̱ndi zhire ɓu̱ ɗyi nyem saki memu̱na rem nu̱ ɗyinan, ɗya maitar ɗyi nu̱ke yiterem nu̱ na ɓa.

Yibraniyeku 11:27

Maito saki tu̱ njig ghai Masar, waare sawar shokhnar ɓu̱ kuji. Tu̱ ching gha shaanggu̱ɗang ku̱me wa na njif nu̱ke nduk nu̱ka na nda ndu̱ yiti ɓa ndang ɓa.

1 Biturus 1:6

Mbu̱ ɗyi nang shi ma ɓong memu̱nar maɗyikandi, aa nu̱ke leendang memu̱na nu chit ku̱me buuriku zum zum nu̱ke tun a mban.

1 Biturus 2:7

Ɗyen ɗya zhire she nu, tun nun dlaki vaanu nu̱ ve nda, ndogdi nang zhaaji si. Yang ɓu̱ nduki nu̱ zhangki maita nda gha, “Ndogdi ni nu̱ du̱ndikwang zhangki gha, wa kha ma ndogdi ngginggeetli nu̱ dukki ndu̱ boote.”

1 Biturus 5:4

Mbu̱ tun wa shi wanang, ye fu̱ɗar nu̱ke Masiya chin Gorkir Nu̱ khutlorang ka ɗa ɓa ki, ka vu̱r ɗye zhar nu̱ zhaaji ye nu nu̱ke ɗyiman nu̱ka shi vi ɓar ɓa.