1 Biturus 1:4 - Mewar Alqawarang

⁴ Yang chem a sa memu̱narem ye gwar ɗye mbu̱ ge nu̱ Zhinkir gwaanji du̱ngki gha viɗi ku̱me qusonggi ɓaran. Yang du̱ngdi nang nu̱ka mu̱tl ɓa, nu̱ka shi su̱bu̱r ɓa, yang ɗyiman ɓu̱ vi ɓar ɓa.

1 Biturus 1:4 Iomraidhean Croise

Matta 25:34

“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Markus 10:17

Nu̱ Yesu ku̱ski njiv maa yir varan, tu̱ njif nggur a ɓa ɗyin ɗa tu̱ kurum gha gume nda, tu̱ zham nda za, “Maalu̱m mbarkandi, shwat ngga shikya nu̱m ma gwa nga nyifi nu̱ke ɓu̱ shi woɗa ɓa?”

Tlu̱nar ɓu̱ Pudeku 20:32

“Yang leendang, nga sa nun mbu̱ khar Magham. Bu ku̱ ɓalar mu̱nkir ɓaran khutlo nu, chin ka du̱nki nu, tu̱ vu̱r me shakhti ɗye mbu̱ ge ɓaanu ye nu su̱yen ndu̱ nduki nu̱ wakaki var wora.

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

Romeku 8:17

Yang nu̱ke chem qusonggi ɓaran, chem wa kha ma nu̱ gwar shakhti ɗye mbu̱ ge. Nang wa wut nu̱ ɗyine, chem ka gwa ɗye mbu̱ ge barkeku ɓu̱ Magham, chem a khar mu̱dlenki ndu̱ Masiya mbe shakhti ɗye mbu̱ gerang. Yang mbu̱ chem ka gwa zhaaji su̱yen ndu̱ Masiya wa ku̱s ku̱ zami bonye su̱yen ndu̱ chin.

1 Korintiyeku 9:25

Nu̱ palam ku wa ka daasa vaanda nu̱ gha, a shi ɗyiku nang ma gwa ɗye ɓiiri nu̱ka su̱bu̱rki, yang ɗye ɓiiri ɓaaremang nu̱ka shi su̱bu̱r ɓa.

Galatiyeku 3:18

Mbu̱ tu̱ga nduk ka gwa barke ɓu̱ Magham nang mbe mburi Bibitang, tu̱ga nduk ɓu̱ gwa nu̱ ku̱nshe alqawarang ɓa. Yang Magham mbe mu̱nkir ɓaran wa vu̱r barkyang ye Yibram nu̱ ku̱nshe alqawarang.

Afiseku 1:11

Magham wa daaterem ku̱ kha mi ma nduki ɓaran, nu̱ ku̱nshe Masiya. Wa woɗa daasa ɗyen vu̱ nggarsan, Ai, chin ke nu̱ tlu̱na ɗyiku ɓaran wa nyin shimki.

Afiseku 1:14

Tun wa kha ma ku̱si ɓaran nu̱ ɗyine tun ka zu̱m ɗye mbu̱ ge ɓaran. Kope wa ɗana nduki nu̱ke ɓaran, kham mi zhaaji ɓaran!

Afiseku 1:18

Nga barar tu̱k ku̱ Magham vu̱r dar mbu̱ tun ye nu ma ku̱ zu̱n nu nu̱m ke sar memu̱nar nu̱ qaki nu̱ kandi, tun zu̱n zhaaji ɓu̱ gu̱nar shakhti ɗye mbu̱ ge ɓu̱ nduki ɓu̱ Magham.

Kolosiyeku 1:12

Tun ki kuna Magham Zhinkirang ye aa nyi sarchi, ku̱me chin saki chem khan chele nduki nu̱ke a ma gwa ɗye mbu̱ ge mbu̱ ɗyiku nu̱ daasaki ye nduki ɓaran, mbu̱ kwaaɗar ɓu̱ yarangi.

Kolosiyeku 1:5

Maito ndu̱ ndolar nun wutki nang tun shi ku̱me tun a sa memu̱na nu nu̱ ɗyine ɗyi mbarkandi ku nu̱ke a nje du̱ngdan gha mbu̱ viɗi ku̱me tunu. Nang ke Labar mbarkandi nu̱ zu̱ki ye nu gumapaali, chin ɓalar zhire nun tu̱kkyang.

Kolosiyeku 3:24

Kor ma nu̱ ɗyine Zhinkir gwaanji ka vu̱r ɗye ɓi ye nu nu̱ du̱ngki gha ku̱me nduki ɓaran. Jiwa Masiya ke Zhinkir gwaanji nu̱ rafa nu̱ke tun a ghar ghai yenda!

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Yibraniyeku 10:34

Jiwa tun wa na zhiyaye ɓu̱ nduki nu̱ke a nje khiiran zhaaru̱m, tun wa kasha sarchi nu̱ lawaki ɗyin kha nu ɓara, ku̱me tun wa zu̱n nu̱ ɗyine gu̱nar nu̱ dukki mbaari a nje kha nu nu̱ke ɓu̱ shi woɗa ɓa.

Yibraniyeku 9:15

Ku̱me nang Masiya khaki ma nu̱ chingndi nu̱ chele ɓu̱ mewar alqawar ɓu̱ Magham ndu̱ nduki, ma ku̱ nduki nu̱ qaki wor dlu̱ ɗye mbu̱ ge nu̱ke woɗa su̱ ɓa nu̱ Magham shiki alqawaran. Ɗyi nang kha wanang ku̱me mu̱ti wa shi nu̱ka lawaki nduki ɓar mbe solarku nu̱ shiki sarchi alqawar nu̱ gumapaalyang.

Yaqub 1:11

Jiwa mbu̱ fu̱ɗar a vi ɓwa tu̱ maarang shi gu̱rgu̱r maɗyi, wuzu̱ndiku wa ka su ɓara, tu̱ viiri ɓaanda nggu̱ɗi, tu̱ mbu̱ɗ mbaari ɓaanda. Wanang tu̱k nu̱ gu̱na ka mu̱t mbu̱ gomar nu̱ke a shiran.

1 Biturus 3:9

Ku̱ dli nu mu̱na ndu̱ mu̱na ɓa, yang ku̱ dli nu pu̱zi ndu̱ pu̱zi zum ɓa, dli ma gaɗe pu̱zang ndu̱ sar barke. Ai, Magham qa nu ma pooni ɗyiku nang, ma ku̱ gwa nu ɗye mbu̱ ge barke.

1 Biturus 5:4

Mbu̱ tun wa shi wanang, ye fu̱ɗar nu̱ke Masiya chin Gorkir Nu̱ khutlorang ka ɗa ɓa ki, ka vu̱r ɗye zhar nu̱ zhaaji ye nu nu̱ke ɗyiman nu̱ka shi vi ɓar ɓa.

Ɗyin mbu̱ tukari 21:27

Ɗyi nu̱ke zopan ɓu̱ vi nu̱ mbu̱ ghai nang sar da ɓa, yang nu̱ shir ɗye kawa, ndu̱ nu̱ wollo ɓu̱ vi nu̱ mban zum ɓa. Kope nduki nu̱ke dlu̱m wor a nje bu̱laran mbu̱ Lagarkati Nyifiri ɓu̱ Ye gamndang.