1 Biturus 1:12 - Mewar Alqawarang

¹² Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

1 Biturus 1:12 Iomraidhean Croise

Matta 11:25

Ye sarchi nang tu̱ Yesu zu̱ za, “Ngaa kunaro, Aba, Zhinkir gwaanji ɓu̱ maa viɗi ndu̱ maa vu̱ghai, ku̱me ta tuka ɗyiku nang gha ye nu̱ kaɗari ku ndu̱ nu̱ zu̱ndi ku, to wuɗ ye qusonggi pichichindi.

Matta 11:27

“Zhinkir ɓang wa vu̱r aa nu̱m ya kap nduk nje nu̱ zu̱nki woyang ɓa kope Zhinkirang, yang tu̱k nduk nje zu̱nki Zhinkirang zum ɓa kope woyang, kom ndu̱ njif nu̱ woyang shimki ku̱ wutnji nda yenda.

Matta 16:17

Tu̱ Yesu tlogha yenda za, “To nu̱ barka Siman, yi ɓu̱ Yunana! Ku̱me nduk wuɗki na yor ɓa, kope Zhinkir ɓang nu̱ke a mbu̱ viɗi.

Markus 16:15

Tu̱ ze wor tu̱k za, ɗu̱ ma aa fu̱n mbu̱ larji, tun zu̱ labar mbarkandi nang ye nduki kap.

Luka 15:10

Nga maataran ye nu, wanang tu̱k nu̱ ru̱ktiku ɓu̱ Magham a kashari ɗyine aa nyi nu̱ solar da nu̱ tubaki.”

Luka 2:26

Jiimbi shakhshakhndi wa wuɗ yenda za ɓu̱ mu̱ɗ ɓa kope wa na Masiya nyedli alqawar ɓu̱ Magham.

Luka 9:6

Tu̱ ɗu̱ ku a baara ghaiku, a wopa labar mbarkandang ndu̱ shaanar nu̱ khaatiku aa fu̱n.

Yokhana 15:26

“Ngga sa Nu̱ shaatarang nu̱ ɗa viki she Zhinkirang tu̱ ɗa ɓa she nu. Jiimbi shakhshakhndi nu̱ zhire na viki she Maghamang chin ka saidaki nga.

Tlu̱nar ɓu̱ Pudeku 10:44

Biturus a mbu̱ ɓalari, tu̱ Jiimbi shakhshakhndi a shur nu̱ ɗyine nduki nu̱ke a tu̱k ɓalarang kap.

Tlu̱nar ɓu̱ Pudeku 16:10

Ba nu̱ yiti Bulus naki ɗyinang, chem ji fan ndu̱ fan chem zhang vaarem ma peetar nu̱ Makidoniya, ku̱me chem wa maita Magham kya qa rem ma zu̱ Labar Mbarkandang.

Tlu̱nar ɓu̱ Pudeku 2:33

Wa vu̱r zhaaji yenda a bu̱n zu̱ma ɓu̱ Magham, tu̱ ɗa dlu̱ Jiimbi shakhshakhndi nu̱ Zhin shiki alqawaranang ta zu̱n ɗyinerem, nang ke ɗyi nu̱ke tun a naran ndu̱ tu̱ktan.

Tlu̱nar ɓu̱ Pudeku 4:31

Nu̱ shiki barar kwang tu̱ maa nu̱ tabaki nu̱ njang yakhta. Tu̱ nyel wor ndu̱ Jiimbi shakhshakhndi, tu̱ ki zu̱ ɓalar ɓu̱ Magham ku waare sawa.

Tlu̱nar ɓu̱ Pudeku 4:8

Tu̱ Biturus nu̱ke nyeedlan ndu̱ Jiimbi shakhshakhndi ze wor za, “Dlegumeku ɓu̱ nduki ndu̱ ndukkudaandi.

Tlu̱nar ɓu̱ Pudeku 8:25

Qu̱rse Biturus ndu̱ Yokhana wa saida tu̱ zu̱ Labar Mbarkandang mbu̱ ghai nandang. A gaɓti ku nu̱ Urshalimang tu̱ ki wopa Labar Mbarkandang mbu̱ ghai ku nu̱ke a Samariya.

Romeku 1:15

Nang ke ɗyi nu̱ saki tang wopa Labar Mbarkandang ye nu, tun nduki nu̱ Roma.

Romeku 1:17

Jiwa chin wutki dambi na viki she Magham, yang nduk ka gwa dambi nang nu̱ ku̱nshe maitaran vu̱ nggarsan ma yir she lauɗarsan. Ba wa nu̱ke a nje bu̱laran za, “Nu̱ dambi, ka ɗana mbe maito ɓaran.”

Romeku 10:15

Nu̱ waazu kwang ka shi waazwang kikimndana, mbu̱ nu̱ ru̱k wor ɓa? Ba wa nu̱ke a nje bu̱laran za, “Khu̱dli ɓu̱ nduki nu̱ ɗa ɓaki ndu̱ Labar Mbarkandang ɗya ɗyi mbarkandi maɗyi!”

Romeku 15:19

Nga shi tlu̱nar ɗye saiduku ndu̱ ɗye lazhamku mbe zalale ɓu̱ Jiimbi shakhshakhndi. Nga ji Urshalima tang baara maari kap ma yir Ilirikum nga wopa Labar Mbarkandi ɓu̱ Masiya.

1 Korintiyeku 2:10

Yang Magham wa wut ɗyiku nang yerem nu̱ ku̱nshe Jiimba. Ku̱me chin Jiimbyang ke nu̱ laɓ mbu̱ aa nu̱m, kap ndu̱ ɗyiku ɓu̱ Magham tukakandi nu̱ke dar mban shar.

2 Korintiyeku 1:22

Wa sa ɗyi nu̱ saidaki za chem ɓaran nu̱ ɗyinerem, tu̱ sa Jiimbi ɓaran nu̱ mbu̱ memu̱narem mu̱nki. Ma ku̱ wut chem ku̱si ɓaran dong ma ku̱ wut ɗyi nu̱ke a ɓar gana fan.

2 Korintiyeku 6:6

Mbe khar wakakandi, mbe dar mbu̱ tunu, mbe kanaɗyi ndu̱ mbarki, nu̱ ku̱nshe Jiimbi ɓu̱ Magham ndu̱ ndolar zhirekandi.

Galatiyeku 1:12

Nga dlu̱ kha Yesu Masiya mbu̱ zhine yelndi.

Galatiyeku 1:16

ku̱ qu̱n nji yita ma zu̱n nga Yi ɓaran Yesu, ma ku̱ shi nga waazu Labar Mbarkandang ye nduki nu̱ke ɗya Yakhudeku ɓa. Yang nu̱ shiki ɗyiku nang ya, nang laɓ sawari she aaki ɓa,

Afiseku 3:10

Ɗya shimndi ɓaran leendang, ku̱ tabar ɓu̱ nu̱ mbu Yesu wut kaɗari ɓu̱ Magham zum zum ye nu̱ kwaaɗarku ndu̱ nu̱ zalaleku nu̱ke a mu̱na viɗi.

1 Tasalonikeku 2:9

Nyeezaku, tun wa kor tlu̱nar ndu̱ bonye nyem zaki! Chem wa shi tlu̱nar virkir ndu̱ fu̱ɗari ma ku̱ taɗar ɓaarem khan ɗyine aaki sarchi nyem wopaki Labar mbarkandi na viki she Magham ye nu ɓa.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Yibraniyeku 11:13

Nduki nang kap mu̱t mbe maito ɓaanda. Yang nu̱ dlu̱ ɗyi nu̱ Magham shiki alqawaranang ɓa dong, tu̱ na ɗyi nu̱ke a ɓakh, wa tu̱k mu̱ndi naran ku, tu̱ saida ku nu̱ ɗyine wora khar runggu, wor qusa larji nang ɓa.

Yibraniyeku 2:4

Kom Magham wa shaata wut saidu ɓaran nu̱ ɗyine ɓaanda nu̱ shikyang, nu̱ ku̱nshe ɗye saiduku, ndu̱ ɗyiku nu̱ke nduk nu̱ su̱n nu̱ naran ɓa. Kom ndu̱ ɗye lazhamku zum zum, ndu̱ vu̱rtiku nu̱ shakki nu̱ ku̱nshe Jiimbi shakhshakhndi wa nu̱ shimki.

Yibraniyeku 4:2

Jiwa chem wa woɗa tu̱k Labar Mbarkandang ba wa nu̱ tu̱kki ku. Yang Labar mbarkandi nu̱ tu̱kki kwang nu̱ boota wor sar da ɓa, ku̱me nu̱ dlu̱ ku su̱yen ndu̱ maito ɓa.

1 Biturus 1:25

yang ɓalar ɓu̱ Magham a nje aakochi koɗokh si ɓa.” Ɓalar nang chin ke Labar mbarkandi nu̱ shiki waazu ni ye nu.

1 Biturus 4:6

Nang ke ɗyi nu̱ saki tu̱ wopa Labar Mbarkandang kap nu̱ nduki nu̱ke leendang mu̱tanku, ku̱me ka kuma wora ba wa nduki mbu̱ man va, yang she Magham a nje nu̱ nyifiriku mbe jiimba.

Ɗyin mbu̱ tukari 5:11

Nang nggu̱tki, tang tu̱k su̱qur nu̱ ru̱ktiku ɓu̱ Magham khang nu̱ dukki aru ndu̱ aru ndu̱ aru ku̱na shiga. Chingndan ku wa kara zhakhɗyang, su̱yen ndu̱ nu̱ nyifi kwang, ndu̱ ndukkudaandikwang,