Михә 2:7 - Изге Язма

⁷ Ягъкуб халкы каргалганмыни?! Раббы түземлеген җуйганмыни?! Шулай эшли аламыни Ул?! Дөрес гамәл кылучыларга игелекле түгелмени Ул?!»

Михә 2:7 Iomraidhean Croise

Зәбур 15:2

Раббыга мин әйтермен: «Минем Хуҗам Синдер, минем өчен Синнән башка бәхет юк!» – диярмен.

Зәбур 84:11

Мәрхәмәт белән тугрылык очрашыр, хаклык белән иминлек үбешер;

Гыйбрәтле сүзләр 10:29

Раббының юлы – намуслы кеше өчен сыену урыны, ә явызлык кылучылар өчен – һәлакәт.

Гыйбрәтле сүзләр 10:9

Туры юлдагы кеше хәвефсез йөрер, ә кыек юлдагы тозакка эләгер.

Гыйбрәтле сүзләр 14:2

Туры юлдан йөрүче кеше Раббысына хөрмәт күрсәтә, ә юлы бозык кеше Аны санга да сукмый.

Гыйбрәтле сүзләр 2:7

Раббы – күңеле саф адәмнәр өчен котылу, туры юлда булганнар өчен калкан.

Гыйбрәтле сүзләр 28:18

Гаепсез кеше хәвефсез яшәр, ә кыек юлда йөрүче абынып егылыр.

Ишагыйя 50:2

Мин килгәндә, ни өчен беркем юк иде, Мин чакырганда, нигә беркем җавап бирмәде? Сезне йолып алыр өчен, Минем кулым кыскардымы, коткарыр өчен, көчем-куәтем җитмиме әллә?! Мин җикерүгә диңгез кибә, елгалар чүлгә әйләнә, балыклар сусыз чери, су җитмәгәнгә үлә.

Ишагыйя 58:1

Раббы болай дип әйтә: «Каты итеп кычкыр, тавышыңны тыйма, быргыныкы сыман көчле ит! Халкым кылган җинаятьләрне, Ягъкуб нәселе кылган гөнаһларны аларның үзләренә белдер!

Иремия 15:16

Килеп ирешкән сүзләрең минем өчен җан азыгы булды, алар миңа шатлык, күңелемә куаныч китерде, чөнки Син мине Үзеңнеке дип атадың, и Күкләр Хуҗасы Раббы!

Иремия 2:4

Әй Ягъкуб йорты, Исраил халкының барлык кабиләләре, Раббы сүзен ишетегез!

Һошея 14:9

Әй Эфраим, потларың белән Минем багланышым юк! Эфраимнең ялваруларына Мин җавап бирермен, аңа йөзем белән борылырмын. Аның өчен Мин ямь-яшел кипаристыр, аның җимеше-байлыгы да Миннәндер».

Михә 3:9

Гадел хөкемне санламаган, барлык хак нәрсәне бозып күрсәткән Ягъкуб йорты башлыклары һәм Исраил хакимнәре, тыңлагыз!

Зәкәрия 4:6

Шуннан ул миңа әйтте: «Күкләр Хуҗасы Раббының Зеруббабелга әйткән сүзе мондыйдыр: „Гаскәр белән дә, көч белән дә түгел, бәлки Минем Рухка таянып уңышка ирешерсең.

Саннар 11:23

Раббы Мусага әйтте: – Әллә Раббының кулы кыска дип уйлыйсыңмы?! Сиңа әйткән сүзем тормышка ашырмы, юкмы икәнен хәзер күрерсең.

Маттай 3:8

Тәүбәгә килүегезнең ихлас күңелдән икәнен эшегез белән раслагыз.

Яхъя 8:39

– Безнең атабыз – Ибраһим, – дип җавап бирделәр алар. Гайсә исә: – Сез Ибраһим балалары булсагыз, Ибраһим эшләрен кылыр идегез.

Римлыларга хат 7:13

Димәк, яхшы нәрсә миңа үлем китердемени? Һич тә алай түгел! Әмма гөнаһ, гөнаһ булып танылсын өчен, яхшы нәрсә аркылы миңа үлем китерде. Шулай итеп, әмер аша гөнаһның никадәр куркыныч икәнлеге ачыграк күренде.

II Көринтлеләргә хат 6:12

Сезне чын күңелдән яратабыз, әмма сез безгә карата мәхәббәтегезне кызганасыз.

II Тимутәйгә хат 3:5

Тышкы яктан ихлас күңелдән Аллага табынучы булып күренерләр, ә иманның көчен инкяр итәрләр. Андыйлардан ерак тор.