Luqa 2:14 - Ǝlinjil ǝn Ɣaysa Ǝlmǝsix

¹⁴ «Tǝmmal i Mǝššina daɣ jǝnnawan, alxer daɣ ǝddǝnet y aytedan win ǝhanen agna-net.»

ⵍⵍ ⵢⵙⴰ ⵍⵎⵙⵈ

¹⁴ «ⵜⵎⵍ ⵢ ⵎⵛⵏⴰ ⴹⵗ ⵌⵏⵓⵏ ⵍⵈⵔ ⴹⵗ ⴹⵏⵜ ⵢⵢⵜⴹⵏ ⵓⵏ ⵂⵏⵏ ⴶⵏⵏⵜ⵰»

Luqa 2:14 Iomraidhean Croise

Matta 21:9

Tamattay ta tǝlkamat i Ɣaysa, ǝd ta das-tazzarat, tǝtkâl ǝmǝsli-net tǝgannu: «Ozana! Tǝmmal y ahaya n ǝmǝnokal Dawǝd! Iga Mǝššina albaraka daɣ wa d-osan s esǝm n Ǝmǝli! Ozana! Tǝmmal i Mǝššina daɣ jǝnnawan win ǝdkalnen!»

Luqa 1:79

fǝl ad imǝlǝwlǝw ǝnnur-net fǝl aytedan win ǝqqimnen daɣ šiyyay, ǝhân telay ǝn tǝmattant, izǝzzǝlulǝɣ takkolen-nana daɣ tarrayt ta n alxer.»

Luqa 19:38

Gannin: «Iga Mǝššina albaraka y ǝmǝnokal wa d-osan s esǝm n Ǝmǝli. Attadet alxer ǝd tanaya daɣ jǝnnawan win ǝdkalnen!»

Luqa 2:13

Wala a ihogan inafalal-du agan zǝwwǝran n angalosan ɣur wen, ǝmmâlan Mǝššina gannin:

Luqa 2:15

Ǝqqalan angalosan ijǝnnawan ɣas, namannan madanan: «Ǝndawat Betalxam, ad nǝnǝy awa danaɣ-imal Ǝmǝli da.»

Luqa 3:22

izzǝbbat-du fall-as Infas wa Zǝddigan iha šaššelan ǝn tǝdabert, igmad-du ǝmǝsli ijǝnnawan, inna: «Kay a imosan Barar-in ǝkneɣ tara, tǝssinda-du agna-nin.»

Yaxya 14:27

Oyyeɣ-awan-du alxer, ǝkfeq-qawan alxer wa-nin; nak wǝr dawan-t-ǝkfeɣ ǝs tǝmǝwit tas tu-tǝhakku ǝddǝnet; ad wǝr tǝššǝwǝšam wala tǝggǝz-kawan tasa.

Yaxya 17:4

Ǝssikna tanaya-nak fǝl amaḍal s ǝsǝndi wa ǝge ǝššǝɣǝl was di-tǝssǝwaraɣ igi-net.

Yaxya 3:16

Fǝlas, Mǝššina awa iga y ǝddǝnet daɣ tara ikfa Barar-net a n iyyanda fǝl ad iqqǝl as i sǝr-ǝs izzǝgzanan wǝr zʼihlǝk, kalar ad igrǝw tǝmǝddurt ta tǝɣlalat.

Igitan 10:36

Issoka-du Kǝl-Israyil awal-net imosan isalan n Ǝlinjil, ǝmmâlnen isalan n alxer wa ihakku Ɣaysa Ǝlmǝsix, ǝnta wa n Ǝmǝli n awedan kul.

Kǝl-Ǝrrum 5:1

Daɣ adi as nǝgraw taqqat dat Mǝššina s ǝzǝgzan-nana, wǝdi nǝgrâw alxer gar-enaɣ ǝd Mǝššina ǝs tarrayt n Ǝmǝli-nana Ɣaysa Ǝlmǝsix.

Kǝl-Efez 1:6

amaran ig-ay fǝl ad nǝmmâl tanaya-net d arraxmat-net tas danaɣ-isabbalal ǝs tarrayt ǝn Barar-net a ikna tara.

Kǝl-Efez 1:9

Awen ig-ay s ǝsusǝn wa daɣ-na iga ǝssir ǝn tara-net. Ǝssir wen imos ǝšidǝw n aratan kul win ǝhanen ijǝnnawan ǝd win ǝwarnen amaḍal fǝl ad ittǝf Ǝlmǝsix tanat-nasan. Tarrayt ten ig-et-du harwa a irǝwan s ǝssǝbab n Ǝlmǝsix, amaran awen da das-igrazan. Igâ awen fǝl ad assandu tarrayt ten daɣ alwaq wa das-iskat.

Kǝl-Efez 2:4

Mišan tǝhanint ǝn Mǝššina wǝr tǝla ǝddukad. Amaran ǝddǝlil ǝn tara tagget ta danaɣ-iga,

Kǝl-Efez 2:7

Awen ig-ay fǝl ad assaknu daɣ azzaman win d-ǝzaynen igǝt wǝr nǝla ǝddukad a tǝga arraxmat-net ǝs tarrayt n ǝlluɣ-net y-anaɣ fǝl ǝddǝlil ǝn tassaq ta nǝga d Ǝlmǝsix Ɣaysa.

Kǝl-Filib 2:11

aggayyat deɣ i t-illan kul as Ɣaysa Ǝlmǝsix a imosan Ǝmǝli. Imos awen arat izzizwaran Mǝššina di n Abba.

Kǝl-Filib 2:13

Tǝfrâgam igi n adi fǝlas Mǝššina iman-net a išɣâlan daɣ wallan-nawan, ihakk-iwan ǝnnǝyat ǝd fǝrregat n igi n arat kul, ilkâm awen i tara-net.

ⴾⵍⴾⵍⵙⵢⴰ 1:20

amaran ikna tolas iman-net ǝd tǝxǝllak kul šin amaḍal ǝd jǝnnawan s ǝddǝlil ǝn Barar-net, izazzabbat-du fall-asnat alxer ǝs tanaɣla n ǝzni ǝn Barar-net ɣur tǝmattant-net fǝl tǝgǝttawt.

2 ⴾⵍ⵿ⵜⵙⵍⵏⴾ 2:16

Amaran nǝgmây daɣ Mǝššina di n Abba-nana d Ǝmǝli-nana Ɣaysa Ǝlmǝsix iman-net danaɣ-ǝrânen, ǝkfân-ana s arraxmat tǝsasmit tǝɣlâlat d-igi n attama issohen,

Ǝnǝfilal 5:13

Tǝzzar ǝsleɣ daɣ amazay wen da i tǝxǝllak kul daɣ jǝnnawan d amaḍal, ǝd daw amaḍal, ǝd gǝrwan, ganninat: «Tǝmmalen ǝd saɣmar ǝd tanaya ǝd tarna har faw in wa iqqiman fǝl tǝxawit ta n taɣmar d Ǝjemar!»