Luqa 19:38 - Ǝlinjil ǝn Ɣaysa Ǝlmǝsix

³⁸ Gannin: «Iga Mǝššina albaraka y ǝmǝnokal wa d-osan s esǝm n Ǝmǝli. Attadet alxer ǝd tanaya daɣ jǝnnawan win ǝdkalnen!»

ⵍⵍ ⵢⵙⴰ ⵍⵎⵙⵈ

³⁸ ⴶⵏⵏ «ⴶⴰ ⵎⵛⵏⴰ ⵍⵀⵔⴾⴰ ⵢⵎⵏⴾⵍ ⵓⴰ ⴹⵙⵏ ⵙⵙⵎ ⵏⵎⵍⵢ⵰ ⵜⴹⵜ ⵍⵈⵔ ⴹⵜⵏⵢⴰ ⴹⵗ ⵌⵏⵓⵏ ⵓⵏ ⴹⴾⵍⵏⵏ⵰»

Luqa 19:38 Iomraidhean Croise

Matta 2:2

Ǝnnan: «Ma iga ǝmǝnokal ǝn Kǝl-Ǝlyǝhud wa ihǝwan da sǝket? Atri-net a nǝnay daɣ dǝnnǝg, amaran nǝkk-ay-du y a das-nǝssǝjǝd.»

Matta 21:9

Tamattay ta tǝlkamat i Ɣaysa, ǝd ta das-tazzarat, tǝtkâl ǝmǝsli-net tǝgannu: «Ozana! Tǝmmal y ahaya n ǝmǝnokal Dawǝd! Iga Mǝššina albaraka daɣ wa d-osan s esǝm n Ǝmǝli! Ozana! Tǝmmal i Mǝššina daɣ jǝnnawan win ǝdkalnen!»

Matta 25:34

Den daɣ ad zʼanna nak an ǝmǝnokal i win ǝhanen aɣil-in: "Ayewat kawanay win as iga Abba-nin arraxmat, ad tǝgrǝwam taɣmar ta dawan-tǝtawasamatagat harwa ɣur ǝnǝtti n ǝddǝnet.

Matta 25:40

Den daɣ a dasan-z-anna nak an ǝmǝnokal: "Ǝggǝyyeɣ ǝsilakanaɣ-awan as dad zamas tǝgâm aratan win di y iyyanda daɣ mǝdrayan-in win ǝknanen tǝmmǝdrǝyt di, wǝdi nak as tan-tǝgam."»

Luqa 13:35

Ǝnǝyat za, Mǝššina a daɣ-wan idkǝl ifassan-net, iqqǝl ahan-nawan ǝmǝjir. Amaran ǝnneɣ-awan, wǝr di-za-tǝlǝsam anay iket wǝr d-osa ǝzǝl wa daɣ za tannim: "Wa d-osan s esǝm n Ǝmǝli, igrâw arraxmat."»

Kǝl-Ǝrrum 5:1

Daɣ adi as nǝgraw taqqat dat Mǝššina s ǝzǝgzan-nana, wǝdi nǝgrâw alxer gar-enaɣ ǝd Mǝššina ǝs tarrayt n Ǝmǝli-nana Ɣaysa Ǝlmǝsix.

Kǝl-Efez 1:12

Mǝššina ig-ânaɣ awen fǝl ad nagu tǝmǝddurt a daɣ-as nǝtaggu tǝmmalen fǝl tanaya-net, nakkanay win azzarnen igi n attama daɣ Ǝlmǝsix.

Kǝl-Efez 1:6

amaran ig-ay fǝl ad nǝmmâl tanaya-net d arraxmat-net tas danaɣ-isabbalal ǝs tarrayt ǝn Barar-net a ikna tara.

Kǝl-Efez 3:10

Ǝnǝfilal wa tǝga tarrayt ta, ǝnta a du-z-awǝyan ǝmǝrǝdda as taɣmaren ǝd tǝmǝnukǝla šin jǝnnawan, ad ǝzdǝynat assayfaten wǝr nǝla ǝddukad a tǝmos masnat ta n Mǝššina. Arat wen tarrayt n Ǝlkǝnisat as zʼagu.

Kǝl-Efez 3:21

Igrǝwet Mǝššina ǝtǝwǝsǝɣmar daɣ Ǝlkǝnisat igâ awen daɣ tassaq d Ǝlmǝsix daɣ azzaman kul har faw. Amin.

ⴾⵍⴾⵍⵙⵢⴰ 1:20

amaran ikna tolas iman-net ǝd tǝxǝllak kul šin amaḍal ǝd jǝnnawan s ǝddǝlil ǝn Barar-net, izazzabbat-du fall-asnat alxer ǝs tanaɣla n ǝzni ǝn Barar-net ɣur tǝmattant-net fǝl tǝgǝttawt.

1 ⵜⵎⵜⵢ 1:17

Ya Ǝmǝnokal n Amaɣlol Wǝr nǝtǝmǝttǝy har faw wǝr itǝwǝnǝy Wǝr ila ǝmidi. Saɣmar d ǝdkul kul kay a dǝr-san ihoran har faw. Amin!

1 ⵀⵜⵔⵙ 1:12

Isannafalal Mǝššina y ǝnnǝbitan as isalan win d-ǝgrawan den, wǝrgeɣ ǝntanay a d-ǝkkan, kalar kawanay a d-ǝkkan, iwâr-tan a dawan-tan-agin. Isalan win ǝntanay a dawan-ǝmalan mǝssǝsǝɣra win sasaɣrinen Ǝlinjil ǝs tilalt n Infas wa Zǝddigan. Infas wa, ijǝnnawan a daɣ d-itawasagla. Ǝlinjil, angalosan da sidaranan wǝllen masnat-net.