Luqa 1:1 - Ǝlinjil ǝn Ɣaysa Ǝlmǝsix

^1-3 Ya Tayofil wa ǝkneɣ saɣmar, aytedan aggotnen a ǝktabnen isalan n awa ɣur-naɣ igan, s ǝmmǝk iman-net was dana-tan-ǝssoɣalan aytedan win tan-ǝggǝyatnen ǝs šittawen-nasan harwa ɣur ǝnǝtti-nasan, ǝqqalan aytedan ǝšɣâlnen daɣ amel n awal ǝn Mǝššina. Awen da fǝl di-d-iggaz nak da, dǝffǝr as ǝššiggaraɣ isalan di kul s ǝlluɣ a d-ibazan ɣur ǝlǝsǝl-nasan, a dak-in-aga y-asan akatab innizzaman,

ⵍⵍ ⵢⵙⴰ ⵍⵎⵙⵈ

^1-3 ⵢⴰ ⵜⵢⴼⵍ ⵓⴰ ⴾⵏⵗ ⵙⵗⵎⵔ ⵢⵜⴹⵏ ⴶⵜⵏⵏ ⴾⵜⵀⵏⵏ ⵙⵍⵏ ⵏⵓⴰ ⵗⵔⵏⵗ ⴶⵏ ⵙⵎⴾ ⵎⵏⵜ ⵓⵙ ⴹⵏⵜⵏⵙⵗⵍⵏ ⵢⵜⴹⵏ ⵓⵏ ⵜⵏⴶⵢⵜⵏⵏ ⵙ ⵛⵜⵓⵏⵙⵏ ⵂⵔⵓⴰ ⵗⵔ ⵏⵜⵏⵙⵏ ⵆⵍⵏ ⵢⵜⴹⵏ ⵛⵗⵍⵏⵏ ⴹⵗ ⵎⵍ ⵏⵓⵍ ⵏⵎⵛⵏⴰ⵰ ⵓⵏ ⴹⴰ ⴼⵍ ⴹⴹⴶⵤ ⵏⴾ ⴹⴰ ⴹⴼⵔ ⵙ ⵛⴶⵔⵗ ⵙⵍⵏ ⴹⵢ ⴾⵍ ⵙⵍⵗ ⴹⵀⵤⵏ ⵗⵔ ⵍⵙⵍⵏⵙⵏ ⴹⴾⵏⴶⴰ ⵢⵙⵏ ⴾⵜⵀ ⵏⵤⵎⵏ

Luqa 1:1 Iomraidhean Croise

Markus 16:20

Ǝntanay amaran, əglan ad əmmalan isalan n Ǝlinjil daɣ adag kul. Illil-asan Ǝməli s əššəɣəl wen, isataddu awa gannin s alɣalamaten ǝmosnen təlmǝɣjujaten šin taggin.

Yaxya 20:31

Eges arat wa t-ihan, itiwaktab fǝl ad tǝzzǝgzǝnam as Ɣaysa ǝnta a imosan Ǝlmǝsix, imos deɣ Barar ǝn Mǝššina, amaran, as sǝr-ǝs tǝzzǝgzanam ad tǝgrǝwam tǝmǝddurt s esǝm-net.

Kǝl-Ǝrrum 14:5

Awedan iyyan iga iduf n as ǝzǝl iyyan ogar ijilan win hadatnen, iyyan iga iduf n as ijilan kul olân ogdân. Awedan kul iwâr-tu ikus n aššak daɣ iduf wa iga.

Kǝl-Ǝrrum 4:21

Isannahal ikus n aššak as Mǝššina ila tarna n ad assandu arat was iga arkawal-net.

ⴾⵍⴾⵍⵙⵢⴰ 2:2

Arat wa ǝgeq-qu fǝl tara n ad tilem kawanay dǝr-san ǝlhimmat, tǝnǝmǝrim gar-ewwan s ǝwǝl iyyanda, fǝl ad tǝsǝnnǝhǝlam gǝlleyat tǝndât ta ihakku ǝgǝrri ikkisawan, tǝssǝnam ǝssir ǝn Mǝššina wa imos Ǝlmǝsix.

ⴾⵍⴾⵍⵙⵢⴰ 4:12

Ebafras wa n iyyan daɣ-wan imosan akli n Ǝlmǝsix Ɣaysa, issislam-in fall-awan ǝnta da. Faw itagg-awan šiwatriwen, igammay daɣ Mǝššina ǝs gǝlleyat a kawan-isǝssuhǝt daɣ tarrayt-nawan, tǝqqǝlam aytedan ǝndânen daɣ ǝzǝgzan, ǝkmâlnen daɣ ǝnnǝyaten-nasan ǝndânen ǝtamazalnen tara ǝn Mǝššina kul ǝs tǝmǝwit tǝkmâlat.

1 ⴾⵍ⵿ⵜⵙⵍⵏⴾ 1:5

Adi da fǝlas isalan n Ǝlinjil win dawan-nǝga, wǝr kawan-in-osen ǝmosan awal ɣas, kalar ǝmosan imazalan ǝn tarna, d ǝsǝggǝtǝkki zǝwwǝran win ihakku Infas wa Zǝddigan. Tǝssânam wǝllen imazalan win nǝga gar-ewwan fǝl agamay ǝn tǝnfa-nawan.

1 ⵜⵎⵜⵢ 3:16

Igmâd aššak as ǝssir wa danaɣ-isannafalal Mǝššina a t-imosan Ǝlmǝsix, i zǝwwǝran: Inafalal imos awedan. Iggǝyyat Infas ǝn Mǝššina as oɣâd. Ǝnâyan-tu angalosan. Tiwaggan salan-net y aytedan win wǝr nǝmos Kǝl-Ǝlyǝhud. Ǝzzigzanan sǝr-ǝs aytedan daɣ ǝddǝnet ketnet. Immǝdkal ǝs jǝnnawan ǝs tanaya.

2 ⵜⵎⵜⵢ 4:17

Ǝmǝli a iwaran aganna-nin, isassahat-i, fǝl ad aslin aytedan kul win wǝr nǝmos Kǝl-Ǝlyǝhud y ǝmazal-net, šišawadaɣ ǝs tǝmǝwit tǝkmâlat, ikkas-i-du daɣ ǝmi n ahar.

ⴾⵍⵗⵀⵔⵢ 10:22

Daɣ adi, zǝnnǝmihǝzatanaɣ iman-nanaɣ ǝd Mǝššina ǝs wallan ǝɣdâlnen, d ǝzǝgzan ikmâlan, fǝlas ǝtǝwǝzǝzdag a ǝgan wallan-nana daɣ igi n id t-illa arak ǝmedran, tǝtawašarad tǝɣǝssa-nana s aman win zaddognen.

ⴾⵍⵗⵀⵔⵢ 6:11

Mišan nǝsidaran âs akkiyyan daɣ-wan ad assaknu gǝlleyat tǝdi da har tǝzǝrǝst, fǝl ad tǝgrǝwam igi n attama indân.