ⴾⵍⵗⵀⵔⵢ 4:2 - Ǝlinjil ǝn Ɣaysa Ǝlmǝsix

² Fǝlas igmâd aššak as isalan n Ǝlinjil nǝg-asan agaraw zun wa dasan-ǝgan daɣ taneray. Mišan awal was ǝssǝsaman wǝr dasan-ikna wala fǝlas wǝr ǝgen ǝzǝgzan wa ǝgan aytedan win t-ǝqbalnen.

ⵍⵍ ⵢⵙⴰ ⵍⵎⵙⵈ

² ⴼⵍⵙ ⴶⵎⴹ ⵛⴾ ⵙ ⵙⵍⵏ ⵏⵍⵏ⵿ⵌⵍ ⵏⴶⵙⵏ ⴶⵔⵓ ⵤⵏ ⵓⴰ ⴹⵙⵏⴶⵏ ⴹⵗ ⵜⵏⵔⵢ⵰ ⵎⵛⵏ ⵓⵍ ⵓⵙ ⵙⵙⵎⵏ ⵓⵔ ⴹⵙⵏⴾⵏⴰ ⵓⵍⴰ ⴼⵍⵙ ⵓⵔ ⴶⵏ ⵤⴶⵤⵏ ⵓⴰ ⴶⵏ ⵢⵜⴹⵏ ⵓⵏ ⵜⵆⵀⵍⵏⵏ⵰

ⴾⵍⵗⵀⵔⵢ 4:2 Iomraidhean Croise

Igitan 13:46

Tǝzzar inn-asan Bulǝs ǝd Barnabas wǝr tǝha tasa ǝn wala: «Kawanay a iddǝraran s a dawan-attamal awal ǝn Mǝššina ǝs tizarat, mišan dad zamas tugayam sǝr-ǝs, wǝr tǝssǝharam iman-nawan ǝd tǝmǝddurt ta tǝɣlalat, wǝdi ad nǝmǝlǝllǝy s aytedan win wǝr nǝmos Kǝl-Ǝlyǝhud.

Igitan 3:26

Kawanay as d-isannafalal Mǝššina Akli-net Ɣaysa daɣ tizarat, issok-awan-t-id, fǝl a kawan-akfu albaraka-net ikkǝs akkiyyan daɣ-wan daɣ tarrayt ta n ǝššur.»

Kǝl-Ǝrrum 2:25

Illikan as ǝmǝnkǝd tǝh-ay tǝnfa as imos as tǝbbirdaga y ǝššǝriɣa wa n Ǝttawret, mišan as tǝtamazrayaɣ ǝššǝriɣa wen, wǝdi ǝmǝnkǝd-nak wǝr izlay d iba-net.

Kǝl-Ǝrrum 3:3

Tidǝt as wiyyad daɣ-san ǝmmizrayan Mǝššina. Awak immikkan iba n tǝlɣudǝla-nasan ad tǝsǝmmǝttǝy arat daɣ tǝlɣudǝla ǝn Mǝššina?

1 ⴾⵍⴾⵔⵏ⵿ⵜ 13:3

Kud ǝzuna tǝla-nin kul i tǝlǝqqawen, ǝskataɣ iman-in y ǝlɣibada ǝn Mǝššina har ɣur-i imǝl as ogaraɣ aytedan, da, as di-wǝr-tǝha tara wǝr di-z-anfu adi ǝs wala.

ⴾⵍⴶⵍⵜⵢⴰ 3:2

Ǝsǝstan iyyanda ɣas as areɣ a dawan-t-aga, a t-imosan as: Awak lǝkkum y Ǝššǝriɣa wa n Ǝttawret a kawan-ikfan Infas wa Zǝddigan, meɣ ǝzǝgzan wa tǝgam ǝs salan n Ǝlinjil win as tǝslam?

ⴾⵍⴶⵍⵜⵢⴰ 3:8

Fadda Ǝlkǝttaban ǝnnân harwa dat ǝzǝl: Aytedan win wǝr nǝmos Kǝl-Ǝlyǝhud, ǝssǝbab n ǝzǝgzan-nasan a fǝl zʼiqbǝl Mǝššina taqqat-nasan. Awen daɣ a fǝlas Ǝlkǝttaban ǝmâlan isalan n Ǝlinjil win y Ibrahim a irǝwan as ǝnnan: «Ad ǝgrǝwnat tawšeten kul n ǝddǝnet albaraka s ǝssǝbab-nak.»

ⴾⵍⴶⵍⵜⵢⴰ 4:13

Tǝkittǝwam tarrayt tas dawan-ǝgeɣ isalan n Ǝlinjil ǝs tizarat a tat-imosan tarrayt ǝn tǝwǝrna-nin.

1 ⴾⵍ⵿ⵜⵙⵍⵏⴾ 1:5

Adi da fǝlas isalan n Ǝlinjil win dawan-nǝga, wǝr kawan-in-osen ǝmosan awal ɣas, kalar ǝmosan imazalan ǝn tarna, d ǝsǝggǝtǝkki zǝwwǝran win ihakku Infas wa Zǝddigan. Tǝssânam wǝllen imazalan win nǝga gar-ewwan fǝl agamay ǝn tǝnfa-nawan.

1 ⴾⵍ⵿ⵜⵙⵍⵏⴾ 2:13

Faw da nǝtigudǝy i Mǝššina fǝl ǝddǝlil n as tǝslam y awal-net wa dawan-nǝmal, tǝqbalam-tu, wǝr das-tǝgem iduf n as awal n aytedan, kalar tǝgam-as iduf n awa imos, a t-imosan awal ǝn Mǝššina a išɣalan daɣ wallan-nawan kawanay a sǝr-ǝs ǝzzǝgzannen.

1 ⵜⵎⵜⵢ 4:8

Ǝšinǝn ǝn taɣǝssa wǝr tu-taha tǝnfa tagget, mišan ǝšinǝn n ǝwǝl lǝkkum y awal ǝn Mǝššina, tah-ay tǝnfa daɣ tarrayt kul, fǝlas nǝgarraw sǝr-ǝs ǝmǝrǝdda tǝmǝddurt tas iga Mǝššina arkawal-net, nǝgrǝw-tat deɣ dǝffǝr iba.

ⴾⵍⵗⵀⵔⵢ 11:6

Ǝzǝgzan ǝnta ɣas a ihakkin aytedan ad ǝgrǝwan gǝrrezat i Mǝššina, fǝlas awedan wa iqbalan Mǝššina daɣ ǝwǝl-net, wǝdi kundaba izzǝgzan âs Mǝššina ill-ay, izzǝgzan deɣ âs itaggu arozan i win gammaynen masnat-net.

ⴾⵍⵗⵀⵔⵢ 3:12

Ǝnkǝdat ya imǝdrayan-in! A kawan-wǝr-iggǝz i ilân ǝwǝl aššaran wǝr nǝzzǝgzan har awǝd awen ad ammazray šiyyat Mǝššina di iddaran.

ⴾⵍⵗⵀⵔⵢ 4:6

Daɣ adi, dad zamas ǝgrâwan wiyyad iguz ǝn tǝsanfawt ten, amaran win ǝslanen isalan n alxer ǝstizarat wǝr ǝgrewan iguz n akal ǝn tǝsanfawt wen fǝl tišit-nasan inǝmmǝzray,

Yaqub 1:21

Daɣ adi, mazzayat ǝd mazalan kul win kawan-samadasnen, ǝd tǝllabǝst kul ta tǝtamazalam, tǝqbǝlam ǝs man lammodnen awal wa itawaggan daɣ wallan-nawan, ifrâgan a kawan-iɣlǝs daɣ Jahannama.

1 ⵀⵜⵔⵙ 1:12

Isannafalal Mǝššina y ǝnnǝbitan as isalan win d-ǝgrawan den, wǝrgeɣ ǝntanay a d-ǝkkan, kalar kawanay a d-ǝkkan, iwâr-tan a dawan-tan-agin. Isalan win ǝntanay a dawan-ǝmalan mǝssǝsǝɣra win sasaɣrinen Ǝlinjil ǝs tilalt n Infas wa Zǝddigan. Infas wa, ijǝnnawan a daɣ d-itawasagla. Ǝlinjil, angalosan da sidaranan wǝllen masnat-net.