2 ⵜⵎⵜⵢ 4:18 - Ǝlinjil ǝn Ɣaysa Ǝlmǝsix

¹⁸ A di-agǝz Ǝmǝli daɣ i t-illa ǝššur ǝn maksanan, assafs-i y a di-agu daɣ taɣmar-net ta n jǝnnawan. Ǝnta a ilan tanaya ta tu-tǝllat daɣ ǝɣlul ǝn tǝmeren! Amin.

ⵍⵍ ⵢⵙⴰ ⵍⵎⵙⵈ

¹⁸ ⴹⴶⵤ ⵎⵍⵢ ⴹⵗ ⵢ ⵜⵍⴰ ⵛⵔ ⵏⵎⴾⵙⵏⵏ ⵙⴼⵙⵢ ⵢⴹⴶⵓ ⴹⵗ ⵜⵗⵎⵔⵏⵜ ⵜⵏ ⵌⵏⵓⵏ⵰ ⵏ⵿ⵜⴰ ⵍⵏ ⵜⵏⵢⴰ ⵜⴰ ⵜⵜⵍⵜ ⴹⵗ ⵗⵍⵍ ⵏ⵿ⵜⵎⵔⵏ⵰ ⵎⵏ⵰

2 ⵜⵎⵜⵢ 4:18 Iomraidhean Croise

Matta 13:43

Ǝddi daɣ ad zʼagin aytedan win oɣadnen ǝmǝlǝwlǝw wa n tǝfuk, daɣ Taɣmar ta n Mǝššina di n Abba-nasan. I isallin aslet!»

Matta 25:34

Den daɣ ad zʼanna nak an ǝmǝnokal i win ǝhanen aɣil-in: "Ayewat kawanay win as iga Abba-nin arraxmat, ad tǝgrǝwam taɣmar ta dawan-tǝtawasamatagat harwa ɣur ǝnǝtti n ǝddǝnet.

Matta 6:13

A dana-wǝr-taga daɣ alɣarar ǝn jarrabatan, kalar agǝz-ana daɣ Iblis, [fǝlas taɣmar, ǝd tarna, ǝd tanaya ši-nak har faw. Amin."»]

Luqa 11:4

tǝssurǝfaɣ-anaɣ ibakkadan-nana, zund ǝmmǝk as nakkanay da nǝsuruf i win danaɣ-ǝganen ark mazalan. A dana-wǝr-taga daɣ alɣarar ǝn jarrabatan n Iblis."»

Luqa 12:32

Tǝsǝgǝrt n ayfad-in a kamat-wǝr-tǝggǝz tasa, fǝlas Abba-nakmat igrâz-as wǝllen a kamat-akfu taɣmar-net.

Luqa 22:29

Adi as, tehakkay ta di-iga Abba-nin taɣmar, ǝnta a dawan-z-aga y-as nak ǝmǝrǝdda.

Yaxya 17:15

Wǝr daɣ-ak ǝgmaya a tan-tǝkkǝsa daɣ ǝddǝnet, mišan ǝgmâya daɣ-ak a tan-tagǝza daɣ Iblis.

Kǝl-Ǝrrum 11:36

Arat kul ǝnta a d-ifal, ǝnta a d-ewayan as t-imal arat kul, ǝnta deɣ a ilan arat kul. Igrǝwet Mǝššina adkul daɣ azzaman kul har faw! Amin.

Kǝl-Ǝrrum 16:27

Mǝššina ǝnta mǝššis ǝn masnat kul! Tanaya kul šin-net. Attamalet har faw, ǝs tarrayt ǝn Ɣaysa Ǝlmǝsix! Amin!

1 ⴾⵍⴾⵔⵏ⵿ⵜ 1:21

Fǝlas Mǝššina a igan ǝs masnat-net as aytedan wǝr ǝfregan a t-ǝssǝnan ǝs masnat ta-nasan iman-nasan, adi a fǝl igraz i Mǝššina ad iɣlǝs aytedan win sǝr-ǝs ǝzzǝgzannen ǝs tarrayt ǝn salan n Ǝlinjil ǝmosnen ǝmmǝskǝl s aytedan win sǝr-ǝs wǝr nǝzzǝgzan.

1 ⴾⵍⴾⵔⵏ⵿ⵜ 10:13

Ǝtǝwǝjǝrrab tǝgam kul ǝgân-tu dat-wan aytedan; amaran Mǝššina wǝr d itǝqqǝl daɣ allaman wa kawan-iga, wǝr zʼardu itǝwǝgg-awan ǝtǝwǝjǝrrab as wǝr tǝfregam. Amaran as tǝtawajarrabam, a kawan-akfu fǝrregat ǝn zǝmmerat y-as, ar-awan tarrayt n ǝdǝrrǝg y-as.

1 ⴾⵍⴾⵔⵏ⵿ⵜ 15:50

Imǝdrayan-in, a dawan-gannaɣ, awa igan daɣ ṣan d ǝzni, wǝr zʼilu adagar daɣ Taɣmar ta n Mǝššina, wala deɣ ilu awa iɣaššadan adagar daɣ awa wǝr nǝɣǝššǝd.

2 ⴾⵍⴾⵔⵏ⵿ⵜ 1:10

Ǝnta a dana-d-ikkasan daɣ tazak labasat ǝn tamattant ta nǝggaz den, ǝnta a dana-du-z-ikkǝsan daɣ adag šilat ǝn wen. Nǝgâ deɣ attama n as, i tu-nǝggaz, a dana-d-ikkǝs.

ⴾⵍⴶⵍⵜⵢⴰ 1:5

a ilan tanaya har faw! Amin.

1 ⴾⵍ⵿ⵜⵙⵍⵏⴾ 5:23

Nǝgmay daɣ Mǝššina a ihakkin alxer, a dawan-agu ǝzǝzdǝg ikmâlan ǝnta iman-net, agǝz-kawan ǝmmǝk wa tǝmosam, gǝr iman-nawan wala iwallan-nawan, wala taɣǝssa-nawan, tǝqqǝlam aytedan as tu-wǝr-illa i ifragan a sǝr-san annu ark arat, har d-asu Ǝmǝli Ɣaysa, Ǝlmǝsix!

2 ⴾⵍ⵿ⵜⵙⵍⵏⴾ 3:3

Mišan, Ǝmǝli alɣadil a imos, ǝnta a kawan-z-isǝssuhen agǝz-kawan daɣ Iblis.

1 ⵜⵎⵜⵢ 1:17

Ya Ǝmǝnokal n Amaɣlol Wǝr nǝtǝmǝttǝy har faw wǝr itǝwǝnǝy Wǝr ila ǝmidi. Saɣmar d ǝdkul kul kay a dǝr-san ihoran har faw. Amin!

1 ⵜⵎⵜⵢ 6:16

Wǝr itǝmǝttǝy har faw Izdâɣ daɣ ǝnnur Wǝr din-itǝwǝhiz Wǝr t-illa awedan as kala ad t-inay Wala ifrag anay-net Ǝnta a ilan saɣmar ǝd tarna har faw. Amin!

2 ⵜⵎⵜⵢ 1:12

Amaran ǝddǝlil n aratan win da, a fǝl tawazaɣazzabaɣ ǝmǝrǝdda, mišan wǝr fall-i imos awen tǝkarakit, fǝlas ǝssana was ǝzzǝgzana, ǝkneɣ deɣ ikus n aššak as ifrâg ad agǝz taɣlift ta ɣur-ǝs ǝle har ǝzǝl a ilkaman.

2 ⵜⵎⵜⵢ 4:1

Onsayaq-qay fǝl udǝm ǝn Mǝššina, d Ǝlmǝsix Ɣaysa, s ǝnta a zʼišrǝɣan win ǝddarnen ǝd win aba d udǝm n ǝnǝfilal n Ǝlmǝsix ǝd taɣmar-net as:

ⴾⵍⵗⵀⵔⵢ 11:16

Mišan, akal idkâlan dǝnnǝg wen as ǝgan ǝnnǝyat-net, almaɣna ijǝnnawan. Awen daɣ a fǝlas, Mǝššina wǝr fall-as imos tǝkarakit tišit ta iga Ǝmǝli-nasan, fǝlas isimatag-asan aɣrǝm daɣ jǝnnawan.

ⴾⵍⵗⵀⵔⵢ 12:22

Kala kalar kawanay, tǝhozam-in adɣaɣ wa n Sǝyon, d ǝɣrǝm ǝn Mǝššina di iddaran, a t-imosan Yerusalam ta tǝhat ijǝnnawan, tǝhozam-in deɣ šimǝrwen ǝn giman n angalosan ǝmminaynen ǝknân tǝfalawist.

ⴾⵍⵗⵀⵔⵢ 13:21

ǝgmâya daɣ-as a kawan-issǝfrǝg igi n arat kul wa olaɣan y ad tammazalam tara-net. Agiwet sǝr-na Mǝššina arat kul wa das-igrazan ǝs tarrayt ǝn Ɣaysa Ǝlmǝsix s ǝnta a ilan tanaya har faw! Amin!

Yaqub 2:5

Ya imǝdrayan-in ǝkneɣ tara, sǝsǝmat: Awak wǝrgeɣ aytedan win ǝllǝqqawnen daɣ ǝddǝnet a isannafran Mǝššina fǝl ad ǝqqǝlan imǝggǝrgas fǝl aganna wa iqqalan ǝzǝgzan-nasan, ǝqqǝlan deɣ imǝkkusa ǝn taɣmar tas iga arkawal-net y aytedan win t-ǝranen?

1 ⵀⵜⵔⵙ 1:5

Kawanay a ogaz Mǝššina ǝs tarna-net, fǝlas ǝzǝgzan a tǝgam, fǝl ad tǝgrǝwam efsan. Efsan win isimatak-kan Mǝššina fǝl ad tǝwǝgrǝwan daɣ azzaman win ǝɣrud n ǝddǝnet.

1 ⵀⵜⵔⵙ 5:11

Ǝnta a ilan tarna har faw! Amin!

2 ⵀⵜⵔⵙ 1:11

Ǝmmǝk en daɣ as za tagim agaraw ikmalan y iguz ǝn taɣmar tǝɣlalat n Ǝmǝli-nana, s ǝnta Ǝnǝssefsi-nana, a t-imosan Ɣaysa Ǝlmǝsix.

2 ⵀⵜⵔⵙ 3:18

Kalar are daɣ-wan ad tǝššitim ǝzǝzzǝwi daɣ arraxmat ta tǝgrawam, ǝd masnat ǝn Ɣaysa Ǝlmǝsix, s ǝnta Ǝmǝli-nana n Ǝnǝssefsi-nana. Ǝnta a ilan tanaya ǝmǝrǝdda, il-et deɣ har faw. Amin!

Yuday 1:1

Širawt a din-tǝfalat Yuday, imosan akli ǝn Ɣaysa Ǝlmǝsix, imos deɣ amadray ǝn Yaqub. Ǝhulaɣ-in aytedan win iɣra Mǝššina di n Abba, ir-en, ogâz-tan y ǝzǝl wa du-z-iqqǝl Ɣaysa Ǝlmǝsix.