2 ⵜⵎⵜⵢ 2:25 - Ǝlinjil ǝn Ɣaysa Ǝlmǝsix

²⁵ iwâr-tu ad itaggu ǝsǝssǝgri lǝmmidan y aytedan win das-tamazaɣnen, daɣ igi n attama n a tan-akfu Mǝššina tǝtubt y ad ǝnǝyan tidǝt.

ⵍⵍ ⵢⵙⴰ ⵍⵎⵙⵈ

²⁵ ⵓⵔ⵿ⵜⵓ ⴹ ⵜⴶⵓ ⵙⵙⴶⵔⵢ ⵍⵎⴹⵏ ⵢⵢⵜⴹⵏ ⵓⵏ ⴹⵙ⵿ⵜⵎⵤⵗⵏⵏ ⴹⵗ ⴶⵢ ⵏⵜⵎⴰ ⵏ⵿ⵜⵏⴾⴼⵓ ⵎⵛⵏⴰ ⵜⵜⵀⵜ ⵢⴹ ⵏⵢⵏ ⵜⴹⵜ⵰

2 ⵜⵎⵜⵢ 2:25 Iomraidhean Croise

Matta 11:29

Bardagat-i tǝlkamam i tara-nin, tabǝzam fall-i masnat, id nak mǝššis ǝn talmat a mosa, ǝwǝl-in deɣ wǝr t-iha zazwar ǝn man. Ǝddi ad za tǝgrǝwam tǝsanfawt i man-nawan,

Matta 21:32

Ǝnneɣ-awan adi fǝlas Yaxya, os-iwan-du, issǝkn-iwan awa kawan-iwaran ǝmǝrǝdda gar-ewwan ǝd Mǝššina, mišan wǝr sǝr-ǝs tǝzzǝgzanam. Amaran inabazan ǝn takǝsen, ǝd tǝkarwaten, ǝzzîgzanan sǝr-ǝs. Kawanay iman-nawan tǝnâyam awen, mišan wǝr sǝr-wan d-eway tǝmagrist waliyyat n arak mazalan-nawan ǝngǝm za tǝzzǝgzǝnam sǝr-ǝs.»

Markus 1:15

Igannu i tamattay: "Təmastant tənda, Taɣmar ta n Məššina təhôz. Utabat, təzzəgzənam s Ǝlinjil."

Yaxya 5:34

Nak wǝr ǝddǝraraɣ ǝs tǝgǝyya n awedan. Arat wa, wǝr tu-gǝnnaɣ ar fǝl ad tǝgrǝwam tǝsureft.

Igitan 11:18

As tǝsla aljamaɣat i salan win, tǝffǝsta, tǝzzar ad tǝmmal Mǝššina tǝgannu: «Daɣ adi aytedan win wǝr nǝmos Kǝl-Ǝlyǝhud, da issǝfrak-kan Mǝššina ad utaban, ǝgrǝwan tǝmǝddurt ta tǝɣlalat.»

Igitan 2:38

Inn-asan Butros: «Utabat. Akkiyyan daɣ-wan itǝwǝsǝlmǝɣet daɣ aman s esǝm ǝn Ɣaysa Ǝlmǝsix fǝl ad tǝgrǝwam tǝsureft ǝn bakkadan-nawan, tǝgrǝwam tǝhǝkkut ǝn Mǝššina tǝmosat Infas wa Zǝddigan,

Igitan 20:21

Wǝr kala ǝmmǝzzaya d agamay daɣ Kǝl-Ǝlyǝhud ǝd win tan-wǝr-nǝmos ad utaban ǝs Mǝššina, ǝzzǝgzǝnan s Ǝmǝli-nana Ɣaysa.

Igitan 5:21

Ǝgan nǝmmuzal awa dasan-itawannan, ǝnzayan s Ahan wa Zǝwwǝran n Ǝlɣibada, a daɣ-as sasaɣrin aytedan. As d-osa Ǝlimam wa Zǝwwǝran ǝnta d aytedan win tǝɣimit-net, sassaɣran-du Asaggawar wa Zǝwwǝran almaɣna iɣmaran kul win ǝmosnen šiggǝtawen ǝn Kǝl-Israyil, amaran ǝssǝgmayan inǝmmuzal ǝs kasaw.

Igitan 5:31

Ǝnta a da, a idkal Mǝššina ig-ay daɣ ǝɣil-net, ig-ay Ǝmuzar d Ǝmaɣlas y ad igrǝw i Kǝl-Israyil tarrayt ǝn tǝtubt, ǝgrǝwan tǝsureft ǝn bakkadan-nasan.

Igitan 8:22

Daɣ adi utab daɣ ǝššur-nak, tansǝya Mǝššina a dak-issurǝf ark ǝnnǝyat ta tǝhat ǝwǝl-nak, kud immikkan adi.

ⴾⵍⴶⵍⵜⵢⴰ 6:1

Imǝdrayan-in, as ewad jarraba awedan iga ark ǝmazal a iqqal, kawanay a ǝlkamnen y Infas wa Zǝddigan, sǝssiɣǝdat-tu ǝs man lammodnen fǝl a d-iqqǝl tarrayt ta tolaɣat. Ǝnkǝdat wǝllen ǝd man-nawan fǝl a kawan-wǝr-awǝd jarraba kawanay da.

1 ⵜⵎⵜⵢ 2:4

irân ǝsǝfsi n aytedan kul, awǝdan masnat ǝn tidǝt.

1 ⵜⵎⵜⵢ 6:11

Amaran kay Timotay, imosan ǝmaray ǝs Mǝššina, darrag y adi ketnet. Ǝgmǝy taqqat, ǝd tǝksǝda ǝn Mǝššina, d ǝzǝgzan, ǝd tara, ǝd zǝmmerat, ǝd talmat.

2 ⵜⵎⵜⵢ 3:7

Faw da ǝgammaynat teɣaray mišan wǝr ǝfregnat masnat ǝn tidǝt.

Titǝs 1:1

Awa nak Bulǝs, imosan akli ǝn Mǝššina, ǝmosa deɣ anammazul ǝn Ɣaysa Ǝlmǝsix. Issiwar-i Mǝššina ǝzuk n a d-awǝyaɣ ǝs tarrayt ta n ǝzǝgzan aytedan win isannafran; ǝssusǝnaq-qan tidǝt ta tan-za-tassaknit anamod was zʼagin tǝmǝddurt tǝnimannakat ǝd tara ǝn Mǝššina.

Titǝs 3:2

Ad wǝr taggin arak batuten s awedan waliyyan, wala ǝqqǝlan inadlaman, ilen aladab, ǝqqǝlan aytedan zamazalnen talmat y ǝkkulluk n awedan.

Yaqub 1:17

Ǝssǝnat as tǝhǝkkut kul ta tolaɣat ǝd ta n tǝfǝrǝnt, Mǝššina di n Abba s ǝnta a imosan ǝmaxlak ǝn tǝfuk ǝd tǝllit d etran a tat-d-izazabben fǝl aytedan. Wǝrmad itamattay, wala deɣ itaggu y edag-net agamad a das-tǝtaggu telay.

1 ⵀⵜⵔⵙ 3:15

Zǝzwǝrat daɣ wallan-nawan Ǝlmǝsix imosan Ǝmǝli, tarḍim as ǝnta a imosan Ǝmizdag. Sǝmmutǝgat faw y ǝsǝssǝgri n awedan kul wa kawan-issǝstanan daɣ batu n attama wa tǝgam.

1 ⵢⵈⵢⴰ 5:16

As inay iyyan daɣ-wan amadray-net daɣ ǝzǝgzan itaggu abakkad a tu-wǝr-nǝššǝtša i tǝmsay, igmǝyet-as daɣ Mǝššina a das-issurǝf. Aytedan as ganna win tagginen ibakkadan win wǝr nǝšǝtšu ǝs tǝmsay. Mišan ill-ay abakkad wa itawayan ǝs tǝmsay, amaran wǝrgeɣ ǝnta as dawan-ǝnneɣ ad tǝttǝram i wa t-igan.