2 ⴾⵍⴾⵔⵏ⵿ⵜ 3:2 - Ǝlinjil ǝn Ɣaysa Ǝlmǝsix

² Kala kalar kawanay iman-nawan as tǝmosam širawt-nana, tǝktâbat daɣ wallan-nana, issân awedan kul, iɣr-et deɣ awedan kul.

ⵍⵍ ⵢⵙⴰ ⵍⵎⵙⵈ

² ⴾⵍⴰ ⴾⵍⵔ ⴾⵓⵏⵢ ⵎⵏⵓⵏ ⵙ ⵜⵎⵙⵎ ⵛⵔⵓⵜⵏⵏⴰ ⵜⴾⵜⵀⵜ ⴹⵗ ⵓⵍⵏⵏⴰ ⵙⵏ ⵓⴹⵏ ⴾⵍ ⵗⵔⵜ ⴹⵗ ⵓⴹⵏ ⴾⵍ⵰

2 ⴾⵍⴾⵔⵏ⵿ⵜ 3:2 Iomraidhean Croise

Kǝl-Ǝrrum 1:8

Daɣ tizarat ǝggodayaɣ i Mǝššina ǝs tarrayt ǝn Ɣaysa Ǝlmǝsix daɣ batu-nawan ketnawan id ǝzǝgzan-nawan itiwasla daɣ ǝddǝnet ketnet.

1 ⴾⵍⴾⵔⵏ⵿ⵜ 3:10

Nak, ǝgeɣ s arraxmat ta di-ikfa Mǝššina, ǝššǝɣǝl zun wa itaggu ǝmakras ǝn nan issânan ǝššǝɣǝl-net, ǝssǝɣta tǝsǝkbǝlt ta tǝmosat šiɣurad ǝn taɣazamt, dǝffǝr adi osa-du awedan iyyan a fall-as ikarras; mišan akk awedan inkǝdet d ǝmmǝk was išatu ǝkǝrrus ǝn taɣazamt tǝdi.

2 ⴾⵍⴾⵔⵏ⵿ⵜ 11:11

Ma fǝl ǝgeɣ adi? Awak iba ǝn tara-nawan? Mǝššina issân as areq-qawan!

2 ⴾⵍⴾⵔⵏ⵿ⵜ 12:15

Nak za, isidawat-i a fall-awan akfa tǝla-nin kul, akfa harkid man-nin fǝl ǝddǝlil-nawan. Awak da dawan-ǝge tara togdat d awa, ad ifnǝz adi ta di-tǝgam kawanay?

2 ⴾⵍⴾⵔⵏ⵿ⵜ 3:1

Awak emǝlan wiyyad a nǝtaggu iman-nana? Meɣ ak addararat a nǝga ǝs šira a danaɣ-z-akfinen ɣur-wan udǝm, madeɣ nǝddirar s a dana-tanat-tagim, awa taggin aytedan wiyyad?

2 ⴾⵍⴾⵔⵏ⵿ⵜ 7:3

Wǝr ǝnneɣ adi fǝl a kawan-ǝssǝwǝra lahan waliyyan fǝlas ǝmâlaɣ-awan dat adi as nǝsinahal-kawan tara. Tǝmǝddurt wala tamattant wǝr za tǝkkǝs tara tǝdi daɣ wallan-nana.

Kǝl-Filib 1:7

Wǝrgeɣ bannan ifarray ǝwǝl-in y adi daɣ talɣa-nawan ketnawan fǝlas ǝkneq-qawan tara kawanay win dǝr-i ǝdrawnen arraxmat ta di-iga Mǝššina gǝr za ǝmǝrǝdda ad ǝheɣ kasaw wala deɣ daɣ tǝbǝllant ta ǝgeɣ fǝl Ǝlinjil d ǝsǝttǝddi-net.

1 ⴾⵍ⵿ⵜⵙⵍⵏⴾ 1:8

Wǝrgeɣ Masedonǝya d Akayya ɣas a daɣ tawaslan igitan n awal ǝn Mǝššina win ɣur-wan ǝganen, kalar edag kul wizawazan daɣ-as salan n ǝzǝgzan-nawan ǝs Mǝššina har as wǝr nǝddǝrar s ǝsuɣǝl n awen.