1 ⵜⵎⵜⵢ 4:16 - Ǝlinjil ǝn Ɣaysa Ǝlmǝsix

¹⁶ Ǝssǝn daɣ man-nak, tǝssǝna ǝnta da daɣ aratan win tǝsassaɣra, ad wǝr tammazzaya d igi n adi. As tǝtaggaɣ adi, ad tassafsaɣ iman-nak, tassafsa deɣ aytedan win dak-sasamnen.

ⵍⵍ ⵢⵙⴰ ⵍⵎⵙⵈ

¹⁶ ⵙⵏ ⴹⵗ ⵎⵏⴾ ⵜⵙⵏⴰ ⵏ⵿ⵜⴰ ⴹⴰ ⴹⵗ ⵔⵜⵏ ⵓⵏ ⵜⵙⵙⵗⵔⴰ ⴹ ⵓⵔ ⵜⵎⵤⵢⴰ ⴹⴶⵢ ⵏⴹⵢ⵰ ⵙ ⵜⵜⴶⵗ ⴹⵢ ⴹ ⵜⵙⴼⵙⵗ ⵎⵏⴾ ⵜⵙⴼⵙⴰ ⴹⵗ ⵢⵜⴹⵏ ⵓⵏ ⴹⴾⵙⵙⵎⵏⵏ⵰

1 ⵜⵎⵜⵢ 4:16 Iomraidhean Croise

Markus 13:9

«Kawanay amaran ənkədat əd man-nawan. Ad tattarmasam, tətəwəsəbdədam dat saggawaran n əššəriɣa, təwəgginat-awan təwit daɣ nan n əlɣibada ən Kǝl-Ǝlyǝhud. Ad tətəwəsəbdədam dat naxkiman əd mǝnokalan fǝlas kawan-iwar esǝm-in, akf-iwan adi tarrayt n a fall-i taggayyem,

Luqa 21:34

«Ǝnkǝdat fǝl man-nawan! Ad wǝr iɣšǝd igǝt ǝn tattay ǝd tassay n esmad ǝd medranan n ǝddǝnet ǝnnǝyaten-nawan, ag-awan ǝzǝl wǝdi aɣadar,

Igitan 26:22

Tadhǝlt ta di-iga Mǝššina a di-du-tǝšaššawadat ǝzǝl wa n azalada, tebadday ta ǝge da taggaɣ isalan-net y aytedan gǝr win wǝr nǝla almaqam, wala win t-ǝlanen, wǝr d-ǝššotaɣ wala daɣ salan ǝn was ǝmalan ǝnnǝbitan sa hadan d ǝnnǝbi Musa âs a d-asu;

Igitan 6:4

Nakkanay amaran nǝgmǝd s igi ǝn tǝwatriwen d ǝššǝɣǝl wa n amel n awal ǝn Mǝššina ɣas.»

Kǝl-Ǝrrum 11:14

har âs as immǝkkan awen a d-awǝya šismiten s aytedan win tawšet-in afsin daɣ-san wiyyad.

Kǝl-Ǝrrum 16:17

Ya imǝdrayan-in, ǝgmâya daɣ-wan ad tǝnkǝdam y aytedan win du-tawaynen imǝzzǝyan gar-ewwan ǝd tǝsǝnkaf sikarakadnen ǝmosnen ǝllid n ǝsǝssǝɣri wa tǝtawaggam. Nǝmǝggǝgat d aytedan win di

Kǝl-Ǝrrum 2:7

Win ǝganen tǝzaydart za daɣ ǝmazal n awa olaɣan, gammayan s awen ǝtǝwǝsǝɣmǝr ɣur Mǝššina, d ǝdkul, gammayan tǝmǝddurt ta wǝr nǝɣǝrrǝd, win di ad tan-akfu Mǝššina tǝmǝddurt ta tǝɣlalat.

1 ⴾⵍⴾⵔⵏ⵿ⵜ 1:21

Fǝlas Mǝššina a igan ǝs masnat-net as aytedan wǝr ǝfregan a t-ǝssǝnan ǝs masnat ta-nasan iman-nasan, adi a fǝl igraz i Mǝššina ad iɣlǝs aytedan win sǝr-ǝs ǝzzǝgzannen ǝs tarrayt ǝn salan n Ǝlinjil ǝmosnen ǝmmǝskǝl s aytedan win sǝr-ǝs wǝr nǝzzǝgzan.

1 ⴾⵍⴾⵔⵏ⵿ⵜ 9:22

As ǝggazaɣ aytedan win as wǝr issohat ǝzǝgzan-nasan, ad ǝqqǝlaɣ šilat n iyyan daɣ-san fǝl ad ǝzzǝgzǝnan s Ǝlmǝsix; tǝmǝwit tǝdi as ǝqqala arat kul y aytedan kul fǝl a daɣ-san sǝɣɣǝllǝsa wiyyad.

1 ⴾⵍⴾⵔⵏ⵿ⵜ 9:27

Zaɣazzab taɣǝssa-nin wǝllen, ǝgeq-qat taklit-in, fǝl ad wǝr ǝgmǝda tammazaga, aqqama wǝr ǝgrewaɣ alak, nak wa immâlan Ǝlinjil y aytedan.

Kǝl-Efez 4:14

Ǝddi ad zʼibʼas nǝmos bararan madrornen, ǝddagnen sa ǝd sa ǝbbatan-tan ǝzzǝnǝfan ǝn sǝssǝɣritan taggin nǝsbuha ǝn mǝkkǝrras saxraknen aytedan.

ⴾⵍⴾⵍⵙⵢⴰ 4:17

Tannim y Arxifus: ǝkkǝs aššak daɣ ǝɣrud n ǝššǝɣǝl wa tǝggaza y Ǝmǝli.

1 ⴾⵍ⵿ⵜⵙⵍⵏⴾ 2:16

Gaddalan-anaɣ ad nǝtamagrad i tǝmattiwen šin wǝr nǝmos Kǝl-Ǝlyǝhud nǝtagg-asnat isalan n efsan win ihakku Mǝššina. Ǝmmǝk en daɣ as faw sandin ibakkadan-nasan. Mišan illikan âs, ilkâm a fall-asan d-izǝzzǝbbǝt Mǝššina alham-net.

1 ⵜⵎⵜⵢ 1:3

Ɣur iki-nin akal ǝn Masedonǝya, ǝgmâya daɣ-ak ad taqqama daɣ ǝɣrǝm n Efez, fǝl ad tǝzzǝrǝzaɣ isǝssǝɣritan saxraknen, a daɣ-as taggin aytedan wiyyad.

1 ⵜⵎⵜⵢ 4:15

Aratan win dak-ǝmǝla da, ǝdgǝz daɣ-san, fǝl ad ǝnǝyan aytedan kul ǝmǝttǝy wa tǝtagga.

1 ⵜⵎⵜⵢ 4:6

As tǝmmâlaɣ isalan win dak-ǝge da i mǝzzǝgzan, ad tǝqqǝla amaššaɣal olâɣan n Ǝlmǝsix Ɣaysa, iddaran s Ǝlinjil imosan ǝnǝfilal ǝn Mǝššina daɣ Ɣaysa, ǝd tǝssunt tolâɣat tas tǝsle.

2 ⵜⵎⵜⵢ 2:10

Awen da fǝlas ǝddǝlil ǝn win isannafran Mǝššina a fǝl ǝzmara y arat ketnet, fǝl ad ǝgrǝwan ǝntanay da efsan ǝs tarrayt n Ǝlmǝsix Ɣaysa, ǝgrǝwan tanaya tǝɣlalat.

2 ⵜⵎⵜⵢ 3:14

Kay amaran, aknu ǝsǝggǝtǝkki daɣ aratan win tǝssana, tǝkkâsa daɣ-san aššak. Tǝssânaɣ wa dak-tan-issosanan.

2 ⵜⵎⵜⵢ 4:2

Ǝdgǝz daɣ amel n awal ǝn Mǝššina ǝs tǝmǝwit daɣ du-wǝr-tǝtǝqqǝla dǝffǝr-ǝk, gǝr za tǝgrawaɣ edag n igi n awen wala. Ǝqqǝl awedan a d-isarḍin aytedan âs wǝr ǝlen tidǝt, ad tǝraqqama y aytedan tǝtamaraq-qan, iga awen ǝs tǝzaydart tǝkmâlat d ǝsǝssǝɣri iknân.

Titǝs 1:9

Isigatakkat wǝllen daɣ lǝkkum y awal wa ilan ǝlǝsǝl s ǝmmǝk was itawasasaɣra. As iga adi, ad igrǝw fǝrregat n ad itamar aytedan s ǝsǝssǝɣri wa n tidǝt itaggu, ifrǝg deɣ ad isattaddu y aytedan win das-ǝggewalnen as ǝntanay a ǝhanen alxata.

Titǝs 2:15

Arat da da was kay-ilzam a tu-tǝsasaɣra, d anamod was ilzam a sǝr-ǝs tǝtamaraɣ aytedan, tǝsuɣulaɣ-asan-t-idu. Agu y ǝššǝɣǝl wa igi n alǝs ilân batu. A tu-wǝr-imǝl i kay-olkân.

Titǝs 2:7

Kay iman-nak da ilzâm-kay ad tǝtaggaɣ imazalan olaɣnen daɣ ǝkkulluk n anamod fǝl ad tǝqqǝlaɣ almasal y aytedan. Taggu ǝsǝssǝɣri igân s ǝwǝl iyyanda, ilân almaɣna.

Filemona 1:19

Arat wa ǝfus wa-nu nak Bulǝs as t-ǝktaba: nak a dak-z-irzǝman. Kud ira wǝr kay-d-ǝssǝktaɣ as kay tǝmǝddurt-nak iman-net a daɣ-ak ǝle.

ⴾⵍⵗⵀⵔⵢ 12:15

Ǝglǝyat wǝllen, fǝl a tu-wǝr-imǝl awedan issiban fǝl man-net arraxmat ǝn Mǝššina. A daɣ-wan tu-wǝr-imǝl awedan waliyyan a zʼiqqǝlan zun annabat sǝmǝman a du-z-idwǝlan awǝy-du iɣšudan a zʼǝgdǝlnen y aytedan aggotnen tazdak.

ⴾⵍⵗⵀⵔⵢ 13:9

Ad wǝr tarḍim ǝssǝxrǝkan-kawan sǝssǝɣritan wǝr nǝmos win as nǝzzǝgzan. Fǝlas aggadǝm, ofa ad igrǝw assahat ta tǝhakku arraxmat ǝn Mǝššina, wǝrgeɣ ta hakkin mensewan. Ǝššǝriɣa wa iqqalan batu ǝn mensewan, wǝr ikna wala i win das-ǝlkamnen.

Yaqub 5:20

tǝssǝnam as, awedan wa d-issoɣalan anasbakkad, ikkas-t-idu daɣ axarak wa iga, wǝdi iman a d-issǝfsa daɣ tǝmattant, eway-du deɣ tǝsureft ǝn bakkadan aggotnen.