1 ⵜⵎⵜⵢ 4:13 - Ǝlinjil ǝn Ɣaysa Ǝlmǝsix

¹³ Ǝgmǝd ǝs taɣaray n Awal ǝn Mǝššina i mǝzzǝgzan, d ǝsǝhǝl-nasan d ǝsǝssǝɣri-nasan har din-asa.

ⵍⵍ ⵢⵙⴰ ⵍⵎⵙⵈ

¹³ ⴶⵎⴹ ⵙ ⵜⵗⵔⵢ ⵏⵓⵍ ⵏⵎⵛⵏⴰ ⵢ ⵎⵤⴶⵤⵏ ⴹⵙⵂⵍⵏⵙⵏ ⴹⵙⵙⵗⵔⵏⵙⵏ ⵂⵔ ⴹⵏⵙⴰ⵰

1 ⵜⵎⵜⵢ 4:13 Iomraidhean Croise

Yaxya 5:39

Tǝtaggam y Awal ǝn Mǝššina teɣaray tǝgat s ǝnnǝzǝr fǝlas tǝɣilam a sǝr-ǝs tǝgrǝwam tǝmǝddurt ta tǝɣlalat. Awal wa tǝɣarrim da, ǝnta iman-net as fall-i iggǝyyat,

Igitan 17:11

Ǝssǝknan-tan Kǝl-Ǝlyǝhud win Berawya ǝllǝllu ogaran wa tawasaknan daɣ Tesalonik. Ǝntanay ǝknân ǝlqǝbulat n awal ǝn Mǝššina. Ǝzǝl kul ɣarran Ǝlkǝttaban, tašaggaran kud awa igannu Bulǝs tidǝt a imos wala.

Igitan 6:4

Nakkanay amaran nǝgmǝd s igi ǝn tǝwatriwen d ǝššǝɣǝl wa n amel n awal ǝn Mǝššina ɣas.»

Kǝl-Ǝrrum 12:8

Wa igrawan tišit n awedan italaman y aytedan fǝl man, amazalet s awen. Wa igrawan tišit n awedan tǝha tahakkay, akfet s ǝwǝl iyyanda. Wa igrawan tizart agiwet tizart n ǝlmǝxsud. Wa itassanan daɣ aytedan win maɣatarnen, issǝnet daɣ-san ǝs man filawasnen.

1 ⴾⵍⴾⵔⵏ⵿ⵜ 14:26

Daɣ adi, imǝdrayan-in, mas immǝkkan a tu-tagim? Adi za as tǝmmǝnayam daɣ adag iyyanda, wiyyad daɣ-wan aginet šigaytalen, wiyyad sassaɣrinet aytedan, wiyyad ǝmǝlanet awa dasan-isannafalal Mǝššina, wiyyad ǝššiwǝlanet awalan wǝr nǝtawazday, wiyyad affassaranet-tan. Ǝqqǝlanet aratan win di kul, arat a zʼisǝssuhen ǝzǝgzan-nawan.

1 ⴾⵍⴾⵔⵏ⵿ⵜ 14:3

Mišan awedan wa igrawan emel ǝn salan a fall-as d-izizabbat Mǝššina wǝdi aytedan as išawal, isisuhit ǝzǝgzan-nasan, isasmad iwallan-nasan, italam-asan fǝl man.

1 ⴾⵍⴾⵔⵏ⵿ⵜ 14:6

Amaran ǝmǝrǝdda, imǝdrayan-in, nǝnna masalan oseq-qawan-in ǝššewalaɣ awalan wǝr nǝtawazday, awak mas kawan-z-anfu adi? Mišan as kawan-in-oseɣ ǝmalaɣ-awan arat isinafalal Mǝššina, madeɣ ǝššita masnat ta tǝlam, madeɣ agaɣ-awan batu a fall-i d-izizabbat Mǝššina madeɣ ǝsassaɣraq-qawan tǝssunt a du-tǝgmâdat Ǝlinjil, wǝrgeɣ a kawan-anfu adi?

1 ⵜⵎⵜⵢ 4:16

Ǝssǝn daɣ man-nak, tǝssǝna ǝnta da daɣ aratan win tǝsassaɣra, ad wǝr tammazzaya d igi n adi. As tǝtaggaɣ adi, ad tassafsaɣ iman-nak, tassafsa deɣ aytedan win dak-sasamnen.

1 ⵜⵎⵜⵢ 4:6

As tǝmmâlaɣ isalan win dak-ǝge da i mǝzzǝgzan, ad tǝqqǝla amaššaɣal olâɣan n Ǝlmǝsix Ɣaysa, iddaran s Ǝlinjil imosan ǝnǝfilal ǝn Mǝššina daɣ Ɣaysa, ǝd tǝssunt tolâɣat tas tǝsle.

2 ⵜⵎⵜⵢ 3:15

Harwa da tǝmosa barar as tǝssanaɣ Ǝlkǝttaban win Zaddognen, amaran ǝfrâgan a kay-akfin masnat ta tǝtawayat s agaraw n ǝlɣillas s ǝzǝgzan s Ǝlmǝsix Ɣaysa.

2 ⵜⵎⵜⵢ 4:2

Ǝdgǝz daɣ amel n awal ǝn Mǝššina ǝs tǝmǝwit daɣ du-wǝr-tǝtǝqqǝla dǝffǝr-ǝk, gǝr za tǝgrawaɣ edag n igi n awen wala. Ǝqqǝl awedan a d-isarḍin aytedan âs wǝr ǝlen tidǝt, ad tǝraqqama y aytedan tǝtamaraq-qan, iga awen ǝs tǝzaydart tǝkmâlat d ǝsǝssǝɣri iknân.

Titǝs 2:15

Arat da da was kay-ilzam a tu-tǝsasaɣra, d anamod was ilzam a sǝr-ǝs tǝtamaraɣ aytedan, tǝsuɣulaɣ-asan-t-idu. Agu y ǝššǝɣǝl wa igi n alǝs ilân batu. A tu-wǝr-imǝl i kay-olkân.