1 ⵜⵎⵜⵢ 2:1 - Ǝlinjil ǝn Ɣaysa Ǝlmǝsix

¹ Ǝgmâya daɣ-wan daɣ adi ad tǝgammayam daɣ Mǝššina a iknan tumaɣlaten n aytedan, tǝtattaram, tǝtansayam-tu y aytedan kul, tǝtigudǝyam-as awa iga y akk awedan.

ⵍⵍ ⵢⵙⴰ ⵍⵎⵙⵈ

¹ ⴶⵎⵢⴰ ⴹⵗⵓⵏ ⴹⵗ ⴹⵢ ⴹ ⵜⴶⵎⵢⵎ ⴹⵗ ⵎⵛⵏⴰ ⴾⵏⵏ ⵜⵎⵗⵍⵜⵏ ⵏⵢⵜⴹⵏ ⵜⵜⵜⵔⵎ ⵜⵜⵏ⵿ⵙⵢⵎ⵿ⵜⵓ ⵢⵢⵜⴹⵏ ⴾⵍ ⵜⵜⴶⴹⵢⵎⵙ ⵓⴰ ⴶⴰ ⵢⴾ ⵓⴹⵏ⵰

1 ⵜⵎⵜⵢ 2:1 Iomraidhean Croise

Igitan 17:30

Ǝljǝhǝl wa ǝgan aytedan daɣ aratan win di, wǝr fall-asan t-ixseb Mǝššina daɣ elan win tǝljuhǝla, mišan ǝmǝrǝdda omar aytedan kul, edag ǝhan, ǝs tǝtubt,

Kǝl-Ǝrrum 1:8

Daɣ tizarat ǝggodayaɣ i Mǝššina ǝs tarrayt ǝn Ɣaysa Ǝlmǝsix daɣ batu-nawan ketnawan id ǝzǝgzan-nawan itiwasla daɣ ǝddǝnet ketnet.

Kǝl-Ǝrrum 6:17

Mišan tǝmmalen i Mǝššina! Dǝffǝr as kala tǝmosam eklan n abakkad, ǝmǝrǝdda tǝbbǝrdagam daɣ wallan-nawan y ǝššǝrǝdan n ǝsǝssǝɣri wa tǝtawaggam.

1 ⴾⵍⴾⵔⵏ⵿ⵜ 15:3

Fǝlas isalan win ǝgrawa nak iman-in a dawan-ǝgeɣ, amaran isalan win di, eɣaf-nasan as, Ǝlmǝsix, aba-tu fǝl ǝddǝlil ǝn bakkadan-nana, imos as adi da ǝnnan Ǝlkǝttaban.

2 ⴾⵍⴾⵔⵏ⵿ⵜ 8:6

Adi a fǝl nǝdgaz Titǝs, s ǝnta a daɣ-wan d-igan ǝstizarat ad tagim širgiten, a dawan-ilal s ad tassandim ǝššǝɣǝl wa, imosan arraxmat.

Kǝl-Efez 3:13

Daɣ adi ǝgmaya daɣ-wan ad wǝr tǝqqǝlam ǝlǝqqam fǝl ǝddǝlil n alɣazab wa tagga da fǝl ǝddǝlil-nawan. Alɣazab wa ǝnta a kawan-z-akfin tanaya.

Kǝl-Efez 5:20

Tigudǝyat faw arat kul i Mǝššina di n Abba, s esǝm n Ǝmǝli-nana Ɣaysa Ǝlmǝsix.

Kǝl-Efez 6:18

Tattarat faw da ǝs tilalt n Infas wa Zǝddigan, ad tǝtaggim ǝzzǝnǝfan kul ǝn tǝwatriwen, ǝd mansayan ǝn Mǝššina. Ǝglǝyat daɣ awen, a tu-tǝtaggim ǝs zǝmmerat, ad tǝtaggim deɣ šiwatriwen i mǝzzǝgzan di ǝn mizdagan ketnasan;

Kǝl-Filib 1:3

I kawan-d-ǝkteɣ ad ǝggudǝyaɣ y Ǝmǝli-nin Mǝššina.

Kǝl-Filib 4:6

A kawan-wǝr-iššǝwǝš arat waliyyan. Kalar a tǝqqal alxalat ta tǝggazam, ǝgmǝyat daɣ Mǝššina arat was tǝddǝraram, ad tǝtattaram s ǝwǝl iha agoda.

1 ⴾⵍ⵿ⵜⵙⵍⵏⴾ 3:12

Kawanay amaran aget Ǝmǝli ǝšitǝy aggen y ǝnǝmǝra wa tǝgam gar-ewwan, ǝd tara ta tǝgam y ǝkkulluk n aggadǝm, zund ǝmmǝk as nakkanay da nǝg-awan tara wǝr nǝla ǝddukad.

2 ⴾⵍ⵿ⵜⵙⵍⵏⴾ 1:3

Imǝdrayan-nana, iwâr-ana ad nǝtigudǝy i Mǝššina faw daɣ talɣa-nawan. Imos adi arat as inihagga a tu-nagu fǝlas ǝzǝgzan-nawan a itittǝyan wǝllen, itittǝy ǝntada ǝnǝmǝra-nawan.

1 ⵜⵎⵜⵢ 2:4

irân ǝsǝfsi n aytedan kul, awǝdan masnat ǝn tidǝt.

1 ⵜⵎⵜⵢ 5:5

Amaran ta wǝr nǝla i dǝr-ǝs, tǝxsâr ǝd man-net ǝnta ǝddi tǝgat attama-net daɣ Mǝššina, tǝgammay daɣ Mǝššina a iknan tumǝɣlaten-net, tǝtattar ehad ezal.

2 ⵜⵎⵜⵢ 2:24

Akli n Ǝmǝli wǝr ihor ad ikannas, kalar iwâr-tu ad sǝmmid y aytedan kul, imos awedan ifrâgan ǝsǝssǝɣri, tah-ay tazaydart,

Titǝs 2:11

Ǝnta arraxmat ǝn Mǝššina tǝnifalal, tewây-du efsan y aytedan kul.

Titǝs 3:2

Ad wǝr taggin arak batuten s awedan waliyyan, wala ǝqqǝlan inadlaman, ilen aladab, ǝqqǝlan aytedan zamazalnen talmat y ǝkkulluk n awedan.

ⴾⵍⵗⵀⵔⵢ 6:11

Mišan nǝsidaran âs akkiyyan daɣ-wan ad assaknu gǝlleyat tǝdi da har tǝzǝrǝst, fǝl ad tǝgrǝwam igi n attama indân.

Yaqub 5:16

Daɣ adi, tinǝmǝmilat gar-ewwan ibakkadan-nawan, tutabam daɣ-san, ad tǝtinǝmǝggim šiwatriwen fǝl ad tǝzzǝyam. Tǝwatray tǝglâyat n awedan oɣadan tǝh-et tarna tagget ǝd tǝnfa.