1 ⵀⵜⵔⵙ 4:11 - Ǝlinjil ǝn Ɣaysa Ǝlmǝsix

¹¹ I daɣ-wan iššewalan, aget awal n as Mǝššina a t-id-izammazalan. I daɣ-wan idahhalan imidawan-net, idhǝlet-tan ǝs fǝrregat ta danaɣ-ihakku Mǝššina fǝl ad itǝwǝsǝɣmǝr Mǝššina daɣ arat kul, ǝs tarrayt ǝn Ɣaysa Ǝlmǝsix. Ǝnta a ilan tarna, ǝd tanaya har faw! Amin!

ⵍⵍ ⵢⵙⴰ ⵍⵎⵙⵈ

¹¹ ⵢ ⴹⵗⵓⵏ ⵛⵓⵍⵏ ⴶⵜ ⵓⵍ ⵏⵙ ⵎⵛⵏⴰ ⵜⴹⵤⵎⵤⵍⵏ⵰ ⵢ ⴹⵗⵓⵏ ⴹⵂⵍⵏ ⵎⴹⵓⵏⵜ ⴹⵂⵍⵜⵏ ⵙ ⴼⵔⴶⵜ ⵜⴰ ⴹⵏⵗⵂⴾⵓ ⵎⵛⵏⴰ ⴼⵍ ⴹ ⵜⵓⵙⵗⵎⵔ ⵎⵛⵏⴰ ⴹⵗ ⵔⵜ ⴾⵍ ⵙ ⵜⵔⵢⵜ ⵏ⵿ⵗⵢⵙⴰ ⵍⵎⵙⵈ⵰ ⵏ⵿ⵜⴰ ⵍⵏ ⵜⵔⵏⴰ ⴹⵜⵏⵢⴰ ⵂⵔ ⴼⵓ⵰ ⵎⵏ⵰

1 ⵀⵜⵔⵙ 4:11 Iomraidhean Croise

Matta 6:13

A dana-wǝr-taga daɣ alɣarar ǝn jarrabatan, kalar agǝz-ana daɣ Iblis, [fǝlas taɣmar, ǝd tarna, ǝd tanaya ši-nak har faw. Amin."»]

Yaxya 13:31

As igmad Yahuza, inna Ɣaysa: «Ǝmǝrǝdda tanaya-nin nak Ag Aggadǝm tǝnîfalal, tǝnifalal daɣ-i deɣ tanaya ǝn Mǝššina.

Igitan 7:38

As tǝddew tamattay n Israyil daɣ taneray ǝn Sinay, ǝnta en da a ibdadan gǝr marawan-nana win den d angalos wa das-iššewalan fǝl ǝdɣaɣ wa n Sinay, tǝzzar ikf-ay Mǝššina awalan hakkinen tǝmǝddurt y a dana-tan-imǝl.

Kǝl-Ǝrrum 11:36

Arat kul ǝnta a d-ifal, ǝnta a d-ewayan as t-imal arat kul, ǝnta deɣ a ilan arat kul. Igrǝwet Mǝššina adkul daɣ azzaman kul har faw! Amin.

Kǝl-Ǝrrum 12:3

Arat da wa ganna y akkiyyan daɣ-wan s ǝssǝbab n arraxmat ta di-iga Mǝššina: Ad wǝr tǝqqǝlam aytedan ǝzzizwarnen iman-nasan, kalar agiwat i man-nawan iduf igân s ǝnnǝyat tolaɣât, ewâl awen s ǝzǝgzan wa ikfa Mǝššina y akkiyyan daɣ-wan.

Kǝl-Ǝrrum 16:27

Mǝššina ǝnta mǝššis ǝn masnat kul! Tanaya kul šin-net. Attamalet har faw, ǝs tarrayt ǝn Ɣaysa Ǝlmǝsix! Amin!

Kǝl-Ǝrrum 3:2

Tǝnfa-net ši agget daɣ anamod kul, amaran ta zǝwwǝrat âs Kǝl-Ǝlyǝhud ǝntanay as d-iga Mǝššina awal-net daɣ fassan-nasan.

1 ⴾⵍⴾⵔⵏ⵿ⵜ 10:31

Daɣ adi, gǝr za tettay a tǝtaggim wala tǝsassim, a iqqal arat wa tǝtaggim, agiwat-tu fǝl ǝdkul ǝn Mǝššina.

1 ⴾⵍⴾⵔⵏ⵿ⵜ 12:4

Amaran šihǝkkuten ǝzzǝnǝfan a ǝmosnat, mišan Infas iyyanda ɣas, a t-imosan Infas wa Zǝddigan ǝn Mǝššina s ǝnta a tanat-ihakkin ketnasnat.

1 ⴾⵍⴾⵔⵏ⵿ⵜ 3:10

Nak, ǝgeɣ s arraxmat ta di-ikfa Mǝššina, ǝššǝɣǝl zun wa itaggu ǝmakras ǝn nan issânan ǝššǝɣǝl-net, ǝssǝɣta tǝsǝkbǝlt ta tǝmosat šiɣurad ǝn taɣazamt, dǝffǝr adi osa-du awedan iyyan a fall-as ikarras; mišan akk awedan inkǝdet d ǝmmǝk was išatu ǝkǝrrus ǝn taɣazamt tǝdi.

1 ⴾⵍⴾⵔⵏ⵿ⵜ 6:20

Fǝlas izinz-iwan-du Mǝššina s ǝlqimat zǝwwǝrat. Daɣ adi, sǝɣmǝrat Mǝššina ǝs tǝɣǝswen-nawan.

2 ⴾⵍⴾⵔⵏ⵿ⵜ 2:17

Nakkanay, wǝr nola d aytedan aggotnen, ǝganen jola daɣ awal ǝn Mǝššina. Kalar daɣ tassaq ta nǝga d Ǝlmǝsix nǝmmâl dat Mǝššina awal-net s ǝwǝl iyyanda, amaran nǝssân as Mǝššina a dana-izammazalan.

2 ⴾⵍⴾⵔⵏ⵿ⵜ 9:13

Širgiten šin di ǝntanatay a d-ewaynen ǝs mizdagan win Yerusalam zazwar ǝn Mǝššina fǝlas tǝssiknam ǝbǝrdǝg wa sǝr-wan d-eway lǝkkum wa tǝgam y Ǝlinjil n Ǝlmǝsix, tǝssiknam-tan deɣ ǝllǝllu ǝntanay d aytedan sahadan.

Kǝl-Efez 1:19

tǝssǝnam deɣ awa dǝr togda tǝzzǝwwǝrt wǝr nǝla ǝddukad ǝn tarna-net sǝr-naɣ nakkanay a ǝzzǝgzannen ǝs mazalan ǝssohatnen ǝn tarna-net.

Kǝl-Efez 4:29

A du-wǝr-tǝgmǝd batu waliyyat labasat imawan-nawan. Kalar ad wǝr tǝtaggim ar batuten hossaynen a za tǝggǝz tǝnfa, as tǝga addararat s awen, ǝqqǝlnat deɣ arraxmat i wa dasnat-islan.

Kǝl-Efez 5:20

Tigudǝyat faw arat kul i Mǝššina di n Abba, s esǝm n Ǝmǝli-nana Ɣaysa Ǝlmǝsix.

Kǝl-Efez 6:10

Xasil, a obazan ɣur ǝmǝrǝdda, ǝgmǝyat daɣ Ǝmǝli ad isǝssuhǝt tartǝyt-nawan d Ǝlmǝsix ǝs tarna-net wǝr nǝla ǝddukad.

Kǝl-Filib 1:11

tǝssǝgǝtam imazalan win oɣadnen as Ɣaysa Ǝlmǝsix a ɣur d-ǝfalan fǝl ad itǝwǝsǝɣmǝr Mǝššina attamal.

Kǝl-Filib 2:11

aggayyat deɣ i t-illan kul as Ɣaysa Ǝlmǝsix a imosan Ǝmǝli. Imos awen arat izzizwaran Mǝššina di n Abba.

ⴾⵍⴾⵍⵙⵢⴰ 4:6

Awal-nawan ihor ad olâɣ imos in ǝlmǝxsud, fǝl ad tǝfrǝgam masnat n aljawab igân daɣ adag-net y ǝkkulluk n awedan.

1 ⴾⵍ⵿ⵜⵙⵍⵏⴾ 2:4

Kalar dad zamas Mǝššina iššǝggar iwallan-nana fǝl a danaɣ-isǝnnǝttǝf d amel n Ǝlinjil-net, daɣ adi wǝr nǝtǝggu awal a daɣ nǝgammay ad nǝgrǝz y aytedan, kalar Mǝššina as nǝra a das-nǝgrǝz s ǝnta a itašaggaran iwallan-nana.

1 ⵜⵎⵜⵢ 1:17

Ya Ǝmǝnokal n Amaɣlol Wǝr nǝtǝmǝttǝy har faw wǝr itǝwǝnǝy Wǝr ila ǝmidi. Saɣmar d ǝdkul kul kay a dǝr-san ihoran har faw. Amin!

1 ⵜⵎⵜⵢ 6:16

Wǝr itǝmǝttǝy har faw Izdâɣ daɣ ǝnnur Wǝr din-itǝwǝhiz Wǝr t-illa awedan as kala ad t-inay Wala ifrag anay-net Ǝnta a ilan saɣmar ǝd tarna har faw. Amin!

Titǝs 2:1

Amaran kay, tamar s aratan win namannaknen ǝd tarrayt ta imal ǝsǝssǝɣri wa n tidǝt.

Titǝs 2:15

Arat da da was kay-ilzam a tu-tǝsasaɣra, d anamod was ilzam a sǝr-ǝs tǝtamaraɣ aytedan, tǝsuɣulaɣ-asan-t-idu. Agu y ǝššǝɣǝl wa igi n alǝs ilân batu. A tu-wǝr-imǝl i kay-olkân.

ⴾⵍⵗⵀⵔⵢ 13:7

Aktiwat imuzaran-nawan win ɣur tǝslam y awal ǝn Mǝššina. Ǝttǝfat awa dawan-d-oyyan, tattalalam ǝzǝgzan-nasan.

ⴾⵍⵗⵀⵔⵢ 5:12

Edag an âs tǝrǝwam as tǝqqalam imǝssǝsǝɣra, kalar har harwada tǝddiraram s ad tǝtawasasaɣrim aratan win tǝsǝntit n awal ǝn Mǝššina. Tǝhâm edag was wǝrgeɣ imensewan win ǝqqurnen as tǝddǝraram, kalar harwada tǝddiraram s ǝx.

Yaqub 1:19

Ya imǝdrayan-in ǝkneɣ tara, sǝsǝmat: ǝgmâya daɣ ǝkkulluk n awedan ad issǝrɣǝs ǝsǝsǝm, ayyu tararada n awal, wala irɣas alham-net.

Yaqub 1:26

Kud ih-iwan awedan a ɣur iga as ittâf ǝddin, ǝnta wǝr innoda daɣ ilǝs-net, wǝdi iman-net a isaxrak. Amaran iduf-net ǝddin wǝr infa wala.

1 ⵀⵜⵔⵙ 2:12

Ad wǝr tammazzayam d alxal wa olaɣan dat aytedan win wǝr nǝksud Mǝššina. Ǝddi as imos as sawaran-kawan bahutan ǝn tišit ǝn nǝsgufa, iman-nasan as zʼǝnǝyan igitan olaɣnen win tǝtaggim daɣ anamod wen, awǝy-du sǝr-san awen saɣmar n Ǝmǝli ǝzǝl wa du-z-asu.

1 ⵀⵜⵔⵙ 2:5

Dad zamas kawanay da tǝmosam zun tǝhun ǝddarnen, itawakras sǝr-wan ahan n ǝlɣibada ǝn Mǝššina ǝs tilalt n Infas wa Zǝddigan, wǝdi tǝqqalam ilimaman zaddognen hakkinen šikutawen šin imal Infas wa Zǝddigan s ǝntanatay a ǝgraznen i Mǝššina ǝs tarrayt ǝn Ɣaysa Ǝlmǝsix.

1 ⵀⵜⵔⵙ 4:10

Akkiyyan daɣ-wan agiwet i win hadatnen tǝnfa ǝs tǝhǝkkut ta tǝgrawam s arraxmat ǝn Mǝššina. Ǝmmǝk di da as za tǝqqǝlam inaɣlifan olaɣnen n arraxmaten aggotnen šin dawan-iga Mǝššina.

1 ⵀⵜⵔⵙ 4:16

Mišan as tǝtaɣazzabam fǝl tišit n ǝlmǝsixitan, a kawan-wǝr-isǝkkǝrukǝd awen, kalar sǝnnǝmǝlat fǝl Mǝššina, fǝl awer wa kawan-iga esǝm n Ǝlmǝsix.

1 ⵀⵜⵔⵙ 5:11

Ǝnta a ilan tarna har faw! Amin!