1 ⵀⵜⵔⵙ 2:17 - Ǝlinjil ǝn Ɣaysa Ǝlmǝsix

¹⁷ Sǝɣmǝrat aytedan kul. Iriwat imǝdrayan-nawan kul daɣ ǝzǝgzan. Iksadat Mǝššina, tǝssǝɣmǝram imǝnokalan-nawan.

ⵍⵍ ⵢⵙⴰ ⵍⵎⵙⵈ

¹⁷ ⵙⵗⵎⵔⵜ ⵢⵜⴹⵏ ⴾⵍ⵰ ⵔⵓⵜ ⵎⴹⵔⵢⵏⵓⵏ ⴾⵍ ⴹⵗ ⵤⴶⵤⵏ⵰ ⴾⵙⴹⵜ ⵎⵛⵏⴰ ⵜⵙⵗⵎⵔⵎ ⵎⵏⴾⵍⵏⵓⵏ⵰

1 ⵀⵜⵔⵙ 2:17 Iomraidhean Croise

Matta 22:21

Ǝnnan-as: «In Qaysara.» Tǝzzar inn-asan Ɣaysa: «Ǝnǝyat za, agiwat i Qaysara awa kawan-issǝwar, tagim i Mǝššina awa kawan-issǝwar.»

Yaxya 13:35

As tǝnamaram, ad issusǝn adi aytedan kul as kawanay inǝttulab-in.»

Kǝl-Ǝrrum 12:10

Daɣ batu ta tǝqqalat tara ta gǝr mǝdrayan, akkiyyan daɣ-wan akniwet tara ǝn win hadatnen. Daɣ batu ta tǝqqalat saɣmar, zuzǝrat tǝnfa ta n mǝdrayan-nawan i ta-nawan.

Kǝl-Ǝrrum 13:7

Ǝrzǝmat y awedan kul awa daɣ-wan ila. Ǝrzǝmat amana i wa daɣ-wan t-ilan, tǝrzǝmam takǝs i wa daɣ-wan tat-iran, tiksadam was kawan-tǝwar tǝksǝda-net, tǝssǝɣmǝram was kawan-iwar saɣmar-net.

2 ⴾⵍⴾⵔⵏ⵿ⵜ 7:1

Daɣ adi, imaran-in, dad zamas tawaggan-ana arkawalan win, zǝzdǝgat-ana iman-nana daɣ arat kul wa isamadasan taɣǝssa d ǝnnǝyat. Naget tazdak tǝkmâlat, iga awen ǝs tǝksǝda ǝn Mǝššina.

Kǝl-Efez 5:21

Akkiyyan daɣ-wan abbardaget i win hadatnen, tǝgâm awen daɣ tǝksǝda n Ǝlmǝsix.

Kǝl-Filib 2:3

Ad wǝr tagim arat waliyyan a daɣ wǝr tǝgǝmmǝyam ar tǝnfa ǝn man-nawan ɣas, wala tǝzzǝzwǝram iman-nawan id wǝr infa awen wala. Kalar akkiyyan daɣ-wan isǝmmǝdrǝyet iman-net i win hadatnen, tagim fawda i midawan-nawan iduf n as ogaran-kawan.

1 ⵜⵎⵜⵢ 6:1

Ǝlmǝsixitan kul win ǝmosnen eklan, iwâr-tan saɣmar ǝn mǝssawsan wǝllen fǝl ad wǝr ǝkkesan aytedan tarna i Mǝššina, wala deɣ alkin tǝssunt ta nǝsassaɣru.

ⴾⵍⵗⵀⵔⵢ 13:1

Ad wǝr tammazzayam d ǝnǝmǝra wa taggin mǝdrayan.

1 ⵀⵜⵔⵙ 1:22

Tǝzzizdagam iman-nawan s ǝbǝrdǝg wa tǝgam i tidǝt fǝl ad tagim ǝnǝmǝra igân s ǝwǝl iyyanda, awa taggin mǝdrayan. Daɣ adi akniwat ǝnǝmǝra ǝs wallan zaddognen.

1 ⵀⵜⵔⵙ 2:13

Bardagat i muzaran-nawan kul fǝl udǝm n Ǝmǝli, gǝr ǝmǝnokal s ǝnta a ixkaman fǝl arat kul,

1 ⵀⵜⵔⵙ 5:5

Ǝmmǝk en daɣ as ǝɣreɣ aytedan win ǝmosnen tǝmmǝdrǝyt s ad abbardagan i muzaran n Ǝlkǝnisat. Daɣ tassaq ta tǝgam, ǝqqǝlat aytedan ǝssirasnen iman-nasan, gar-ewwan, fǝlas a ǝnnan Ǝlkǝttaban: «Mǝššina iṛnâz y aytedan win ǝzzǝzwarnen iman-nasan, amaran win ǝssǝrasnen iman-nasan arraxmat-net a tan-ihakku.»