1 ⵀⵜⵔⵙ 1:22 - Ǝlinjil ǝn Ɣaysa Ǝlmǝsix

²² Tǝzzizdagam iman-nawan s ǝbǝrdǝg wa tǝgam i tidǝt fǝl ad tagim ǝnǝmǝra igân s ǝwǝl iyyanda, awa taggin mǝdrayan. Daɣ adi akniwat ǝnǝmǝra ǝs wallan zaddognen.

ⵍⵍ ⵢⵙⴰ ⵍⵎⵙⵈ

²² ⵜⵤⵤⴹⴶⵎ ⵎⵏⵓⵏ ⵙⵀⵔⴹⴶ ⵓⴰ ⵜⴶⵎ ⵢ ⵜⴹⵜ ⴼⵍ ⴹ ⵜⴶⵎ ⵏⵎⵔⴰ ⴶⵏ ⵙⵓⵍ ⵢⵏ⵿ⴹⴰ ⵓⴰ ⵜⴶⵏ ⵎⴹⵔⵢⵏ⵰ ⴹⵗ ⴹⵢ ⴾⵏⵓⵜ ⵏⵎⵔⴰ ⵙ ⵓⵍⵏ ⵤⴹⴶⵏⵏ⵰

1 ⵀⵜⵔⵙ 1:22 Iomraidhean Croise

Yaxya 15:17

Omâraq-qawan s ad tǝnǝmǝrim.

Yaxya 15:3

Zun d adi da, kawanay da eway-du sǝr-wan awal-in tazdak;

Yaxya 17:17

Zǝzdǝg iwallan-nasan s awal-nak imosan tidǝt.

Yaxya 17:19

Amaran ǝkfeq-qay iman-in fǝl ǝddǝlil-nasan fǝl ad akfin win-nasan ǝntanay da ǝs tidǝt.

Igitan 15:9

Wǝr danaɣ-izannamazlay dǝr-san fǝlas Mǝššina a izazdagan iwallan s ǝzǝgzan sǝr-ǝs.

Igitan 6:7

Ad itǝyttǝy ǝtǝwǝsǝɣmar wa itawaggan y awal ǝn Mǝššina. Tǝzzar ǝttǝyan nalkiman ǝn Ɣaysa wǝllen daɣ Yerusalam, fadda ǝhdan-du limaman ǝn Kǝl-Ǝlyǝhud aggotnen ǝs Ɣaysa, ǝzzǝgzanan as Ǝlmǝsix a imos, ǝlkaman y awas omar.

Kǝl-Ǝrrum 1:5

Tarrayt-net as nǝgraw arraxmat ǝn tišit ǝn nǝmmuzal fǝl a du-nawǝy šimattiwen kul šin wǝr nǝmos Kǝl-Ǝlyǝhud s ǝbǝrdǝg wa d-itaway ǝzǝgzan, fǝl saɣmar n esǝm-net.

Kǝl-Ǝrrum 2:8

Amaran win wǝr nǝgǝmmay ar tǝnfa ǝn man-nasan, ǝmosan ǝllid ǝn tidǝt, tamazalan deɣ aratan wǝr noɣed, win di a tan-assaknu Mǝššina aššar n alham-net.

Kǝl-Ǝrrum 8:13

Fǝlas as tǝgam tǝmǝddurt tǝlkâmam y awa ǝran man-nawan, wǝdi a kawan-iba tǝggǝzam Jahannama. Mišan as toyyam imazalan win ǝran man n aggadǝm, tǝlkamam i win ira Infas wa Zǝddigan a kawan-ihân, wǝdi ad tǝddǝram har faw.

2 ⴾⵍⴾⵔⵏ⵿ⵜ 6:6

Nǝsaknu tišit-nana imaššaɣalan ǝn Mǝššina ǝs man zaddognen, ǝd masnat ta nǝgraw, ǝd tǝzaydart ta dana-tǝhat, ǝd man mallolnen. Nǝsakn-et deɣ ǝs tǝdhǝlt ta danaɣ-iga Infas wa Zǝddigan ǝd tara tǝgât s ǝwǝl iyyanda ta dana-tǝhat.

ⴾⵍⴶⵍⵜⵢⴰ 3:1

Xa Kǝl-Galatǝya win aljahilan! Ma išwan tayttay-nawan? Awak wǝrgeɣ dat šittawen-nawan a dawan-tǝbbǝyyan tǝmattant ǝn Ɣaysa Ǝlmǝsix fǝl tǝgǝttawt ta fǝl itawataytay?

ⴾⵍⴶⵍⵜⵢⴰ 5:5

Nakkanay amaran tarrayt n Infas wa Zǝddigan as nǝssǝgad s ikus n aššak i taqqat tas nǝga attama n a danaq-qat-akfu ǝzǝgzan.

ⴾⵍⴶⵍⵜⵢⴰ 5:7

Kawanay itittǝy ǝzǝzgzan-nawan wǝllen! Daɣ adi ma dawan-iqqalan tǝsǝwǝq izzǝbaz-kawan tarrayt wǝr nǝmos ta n tidǝt ta n Ǝlinjil?

Kǝl-Efez 4:3

Ǝdgǝzat faw daɣ agamay ǝn tartǝyt ta ihakku Infas wa Zǝddigan ǝs tassaq n alxer ta tǝllat gar-ewwan.

Kǝl-Filib 1:9

Amaran awa gammaya daɣ tǝwatriwen-in, a daɣ-wan tǝtittǝy tara ta kawan-tǝhat daɣ masnat ta n tidǝt d ǝgǝrri n id t-illa arat.

1 ⴾⵍ⵿ⵜⵙⵍⵏⴾ 3:12

Kawanay amaran aget Ǝmǝli ǝšitǝy aggen y ǝnǝmǝra wa tǝgam gar-ewwan, ǝd tara ta tǝgam y ǝkkulluk n aggadǝm, zund ǝmmǝk as nakkanay da nǝg-awan tara wǝr nǝla ǝddukad.

2 ⴾⵍ⵿ⵜⵙⵍⵏⴾ 1:3

Imǝdrayan-nana, iwâr-ana ad nǝtigudǝy i Mǝššina faw daɣ talɣa-nawan. Imos adi arat as inihagga a tu-nagu fǝlas ǝzǝgzan-nawan a itittǝyan wǝllen, itittǝy ǝntada ǝnǝmǝra-nawan.

2 ⴾⵍ⵿ⵜⵙⵍⵏⴾ 2:13

Nakkanay amaran imǝdrayan-nana ǝn maran n Ǝmǝli, iwâr-anaɣ ad nǝtigudǝy faw i Mǝššina daɣ talɣa-nawan fǝlas kawanay tǝzzar a isannafran Mǝššina y ad tǝgrǝwam efsan s ǝzǝzdǝg wa itaggu Infas ǝn Mǝššina d ǝzǝgzan ǝs tidǝt.

1 ⵜⵎⵜⵢ 1:3

Ɣur iki-nin akal ǝn Masedonǝya, ǝgmâya daɣ-ak ad taqqama daɣ ǝɣrǝm n Efez, fǝl ad tǝzzǝrǝzaɣ isǝssǝɣritan saxraknen, a daɣ-as taggin aytedan wiyyad.

1 ⵜⵎⵜⵢ 1:5

Ǝlmǝxsud n awas kay-omaraɣ ǝddi, a tu-tǝmǝl tara daɣ aytedan s ǝwǝl iyyanda, d ǝnnǝyaten olaɣnen, d ǝzǝgzan wǝr tǝha tǝmǝnufǝqa.

1 ⵜⵎⵜⵢ 4:12

Ad wǝr tayyaɣ awedan waliyyan alkik fǝl as wǝr tawaššera. Kalar ǝqqǝl almasal i mǝzzǝgzan s awa tǝganna d alxal-nak ǝd tara ta kay-tǝhat d ǝzǝgzan-nak ǝd tazdak n ǝwǝl-nak.

1 ⵜⵎⵜⵢ 5:2

Šiɣmaren ag-asnat ǝnnǝsixa wa za taga y anna-nak. Taga deɣ i tǝdoden šin madrornen ǝnnǝsixa wa za tagaɣ i tǝmǝdrayen-nak, iga awen s ǝwǝl zǝddigan.

2 ⵜⵎⵜⵢ 1:14

Taɣlift tǝhossayat ta tǝgrawa ɣur Mǝššina, agǝz-tat ǝs tarna n Infas wa Zǝddigan a danaɣ-ihan.

ⴾⵍⵗⵀⵔⵢ 11:8

Ǝzǝgzan a fǝl ibbǝrdag ǝnnǝbi Ibrahim i Mǝššina s iki wa iga akal was das-itawanna ilkâm ad iggǝz tǝla-net, assaɣa wa t-iɣra Mǝššina. Ifal akal-net, igla da wǝr issen id ikka.

ⴾⵍⵗⵀⵔⵢ 13:1

Ad wǝr tammazzayam d ǝnǝmǝra wa taggin mǝdrayan.

ⴾⵍⵗⵀⵔⵢ 5:9

Ǝmmǝk en da as igraw alkamalat kul, iqqal wa ihakkin ǝlɣillas iɣlâlan i win das-ǝbbǝrdagnen,

ⴾⵍⵗⵀⵔⵢ 6:10

Awalla, Mǝššina Ǝmǝli oɣadan a imos, daɣ adi wǝr din-z-attaw imazalan-nawan, wala tara ta tu-tǝssǝknam daɣ ǝššǝɣǝl wa tǝgam fǝl saɣmar n esǝm-net i mǝzzǝgzan âs harwada tǝtaggim-tu.

ⴾⵍⵗⵀⵔⵢ 9:14

ma dǝr zʼagdu ǝzǝzdǝg wa dana-z-agu ǝzni n Ǝlmǝsix, izzǝzdǝg iwallan-nana daɣ arak mazalan win tawaynen aggadǝm s ǝhluk, fǝl ad nǝɣbǝd Mǝššina di iddarăn, id Ǝlmǝsix a ikfan iman-net i Mǝššina ǝs tarrayt n Infas wa Zǝddigan di iɣlâlan, imos takutay wǝr nǝla a imosan ǝlɣib.

Yaqub 1:21

Daɣ adi, mazzayat ǝd mazalan kul win kawan-samadasnen, ǝd tǝllabǝst kul ta tǝtamazalam, tǝqbǝlam ǝs man lammodnen awal wa itawaggan daɣ wallan-nawan, ifrâgan a kawan-iɣlǝs daɣ Jahannama.

Yaqub 4:8

Zǝnnǝmihǝzat iman-nawan ǝd Mǝššina, a dǝr-wan inǝmihǝz. Xa inasbakkadan, širǝdat ifassan-nawan daɣ igi ǝn bakkadan, tǝzzǝzdǝgam iwallan-nawan, tǝkkǝsam daɣ-san igi n aššak!

1 ⵀⵜⵔⵙ 1:2

di n Abba harwa dat alwaq ǝs masnat-net d ǝnnizam-net. Ig-en aytedan a sǝr-ǝs ǝskâtnen s ǝssǝbab n Infas wa Zǝddigan, fǝl ad abbardagan i Ɣaysa Ǝlmǝsix, tǝwǝzǝzdǝgan deɣ s ǝzni-net. Mǝššina ya tǝzizabbe-du fall-awan arraxmat, d alxer wǝr nǝla ǝddukad.

1 ⵀⵜⵔⵙ 2:17

Sǝɣmǝrat aytedan kul. Iriwat imǝdrayan-nawan kul daɣ ǝzǝgzan. Iksadat Mǝššina, tǝssǝɣmǝram imǝnokalan-nawan.

1 ⵀⵜⵔⵙ 3:1

Kamatay deɣ šidoden, bardagmat i meddan-nakmat. As tǝgamat adi, kud imos as wiyyad daɣ-san wǝr ǝzzǝgzanan s awal ǝn Mǝššina da, as hannayan alxal-nakmat olâɣ zǝddig, hannayan deɣ saɣmar wa dasan-tǝgamat, a sǝr-san d-awǝy awen ǝzǝgzan da wǝr dasan-tǝššewalmat.

1 ⵀⵜⵔⵙ 3:20

Aytedan win ǝntanay as kala ad ǝffǝllagan ǝs Mǝššina daɣ azzaman ǝn Nux. Azzaman di izizaydar Mǝššina iqqâl y ad iɣrǝd Nux akaras n ǝɣlal-net. Ǝttam aytedan ɣas a ǝggaznen aɣlal wen ǝragan-du daɣ akonak wa n Nux.

1 ⵀⵜⵔⵙ 3:8

Xasil iliwat tayttay iyyadda, tilem tafrǝyt i tǝkmawen n aytedan kul. Ǝqqǝlat aytedan a daɣ tǝggǝt tara ta tǝllat gǝr mǝdrayan d ǝlluɣ d iban zazwar ǝn man.

1 ⵀⵜⵔⵙ 4:17

Fǝlas alwaq ewad-du wa daɣ zʼantu ǝššǝriɣa, amaran tamattay ta n Mǝššina as inta. Daɣ adi dad zamas nakkanay as issǝnta ǝššǝriɣa-net, ma dǝr za talu tǝsǝlkamt ǝn win wǝr nǝzzǝgzan s Ǝlinjil-net?

1 ⵀⵜⵔⵙ 4:8

Zuzǝrat y arat kul ǝnǝmǝra aggen gar-ewwan, fǝlas tara, ǝnta a tǝhakkit tǝsureft ǝn bakkadan aggotnen.

2 ⵀⵜⵔⵙ 1:7

tǝssǝrtǝyam tǝksǝda ǝn Mǝššina ǝd tǝmmǝdrǝyya gar-ewwan tǝssǝrtǝyam tǝmmǝdrǝyya ǝd tara.

1 ⵢⵈⵢⴰ 3:11

Tǝkittǝwam isalan win as tǝslam harwa daɣ tizarat ǝmosnen âs: «Nǝmǝratana gar-ena!»

1 ⵢⵈⵢⴰ 3:23

Ǝnta da arat was danaɣ-omar: Ad nǝzzǝgzǝn s esǝm ǝn Barar-net Ɣaysa Ǝlmǝsix nǝnǝmǝru gar-ena s ǝmmǝk was danaɣ-omar.

1 ⵢⵈⵢⴰ 4:12

Mǝššina wǝr kala ad t-inay awedan. Mišan kud nǝnimara gar-ena wǝdi iha iman-nana, tǝnifalal-du daɣ-na tara-net ǝs tǝmǝwit tǝkmâlat.

1 ⵢⵈⵢⴰ 4:20

As inna awedan ǝnta ira Mǝššina amaran ikyad ǝmidi-net, awedan wǝdi anasbahu. Fǝlas wa wǝr nara ǝmidi-net ihannay manǝmmǝk as zʼiru Mǝššina a wǝr ihǝnnǝy?

1 ⵢⵈⵢⴰ 4:7

Imidawan-in ǝn maran-in nǝmǝratana gar-ena fǝlas tara Mǝššina a du-tǝffal. Awedan wa tǝha tara, barar ǝn Mǝššina a imos amaran issân-tu.

Ǝnǝfilal 2:4

Mišan ya ill-ay arat a daɣ-wan ǝššâka, a t-imosan šiyyit ta tǝgam tara ta kawan-tǝhat ǝstizarat.