1 ⵢⵈⵢⴰ 2:13 - Ǝlinjil ǝn Ɣaysa Ǝlmǝsix

^13-14 Bararan, kattabaɣ-awan-in fǝlas tǝssânam Abba. Abbatan ǝkattabaɣ-awan-in fǝlas tǝssânam wa t-imalan harwa daɣ tizarat. Tǝmmǝdrǝyt, ǝkattabaɣ-awan-in arat wa fǝlas assahat a tǝgam daɣ tarrayt ta n Mǝššina tornâm ǝlxǝkum n Iblis.

ⵍⵍ ⵢⵙⴰ ⵍⵎⵙⵈ

^13-14 ⵀⵔⵔⵏ ⴾⵜⵀⵗⵓⵏⵏ ⴼⵍⵙ ⵜⵙⵏⵎ ⵀⴰ⵰ ⵀⵜⵏ ⴾⵜⵀⵗⵓⵏⵏ ⴼⵍⵙ ⵜⵙⵏⵎ ⵓⴰ ⵜⵎⵍⵏ ⵂⵔⵓⴰ ⴹⵗ ⵜⵤⵔⵜ⵰ ⵜⵎⴹⵔⵢⵜ ⴾⵜⵀⵗⵓⵏⵏ ⵔⵜ ⵓⴰ ⴼⵍⵙ ⵙⵂⵜ ⵜⴶⵎ ⴹⵗ ⵜⵔⵢⵜ ⵜⵏ ⵎⵛⵏⴰ ⵜⵔⵏⵎ ⵍⵈⴾⵎ ⵏⵀⵍⵙ⵰

1 ⵢⵈⵢⴰ 2:13 Iomraidhean Croise

Matta 11:27

«Arat kul ig-ay Abba-nin daɣ ǝfus-in, wǝr t-illa i issanan awa ǝmosa ar Abba, wǝr t-illa deɣ i issanan awa imos Abba ar nak an Barar-net d awedan was areɣ a das-tu-sǝnnǝfilǝla.

Matta 13:19

Amasa wa irtakan fǝl tama ǝn tarrayt, ǝlmital a imos n awedan wa islan i salan ǝn Taɣmar ta n Mǝššina wǝr tan-igra, asa-du Iblis ikkǝs awa itawanbalan daɣ ǝwǝl-net.

Matta 13:38

Tawagost, adi ǝddǝnet, amasa wa olaɣan amaran immittal aytedan win ǝbbǝrdagnen i Taɣmar ta n Mǝššina, arak yel immittal aytedan win ǝlkamnen i tarrayt ta n Iblis.

Matta 5:37

Ganniwat ɣas: "Ayew" y awa imosan tidǝt, madeɣ "kala" y awa imosan bahu. Batu a du-tǝššotam fǝl adi kul Aššaytan as du-tǝha.

Luqa 10:22

Arat kul ig-ay Abba-nin daɣ ǝfus-in, wǝr t-illa i issanan awa ǝmosa ar Abba, wǝr t-illa deɣ i issanan awa imos Abba ar nak an Barar-net d awedan was areɣ a das-tu-sǝnnǝfilǝla.»

Yaxya 14:7

Ǝnnar tǝssânam awa mosa, tǝssǝnam awa imos Abba-nin da. Ǝmǝrǝdda tǝssânam awa imos, amaran tǝnayam-tu.»

Yaxya 14:9

Inn-as Ɣaysa: «Filibus, ǝruwaɣ as dǝr-wan ǝddewa, eges harwa da wǝr tǝssenaɣ awa mosa? Wǝr tǝssenaɣ as wa di-inayan inây Abba! Daɣ adi manǝmmǝk as tǝganna: "Susǝn-anaɣ awa imos Abba?"

Yaxya 16:3

Adi a dawan-z-agin aytedan fǝlas wǝrmad a di-ǝzdayan wala ǝssânan Abba.

Yaxya 16:33

Ǝmâlaɣ-awan arat wa fǝl ad tǝgrǝwam alxer daɣ tǝrtǝyt ta dǝr-i tǝgam. Ad tǝnǝyam arkanay daɣ ǝddǝnet, ad wǝr tiksadam wala, fǝlas ǝddǝnet ǝrzêq-qat.»

Yaxya 17:21

Ǝgmâya daɣ-ak a tan-igan ketnasan arat iyyanda s ǝmmǝk was dǝr-ǝk t-ǝmosa; nǝqqǝl-tu dǝr-san nakkanay da fǝl ad tǝzzǝgzǝn ǝddǝnet as kay a di-d-izammazalan.

Yaxya 17:3

Amaran tǝmǝddurt ta tǝɣlalat awa tat-imosan, ad inǝfilǝl y aytedan awa tǝmosa, kay a imosan Mǝššina wa n tidǝt; inǝfilǝl-asan ǝntada as Ɣaysa Ǝlmǝsix a du-tǝzammazala.

Yaxya 8:19

Tǝzzar ǝnnan-as: «Mǝnid illa za Abba-nak?» Inn-asan Ɣaysa: «Wǝrmad di-tǝzdâyam za wǝr tǝzdayam Abba-nin. Ǝnnar di-tǝzdâyam tǝzdǝyam Abba-nin.»

2 ⴾⵍⴾⵔⵏ⵿ⵜ 4:6

Id Mǝššina a innan: «Imǝlǝwlǝwet ǝnnur daɣ šiyyay», ǝnta iman-net a imalawlawan daɣ wallan-nana, ikf-anaɣ ǝnnur, a t-imosan masnat ǝn tanaya ǝn Mǝššina ta tǝmǝlawlawat daɣ udǝm ǝn [Ɣaysa] Ǝlmǝsix.

1 ⵜⵎⵜⵢ 5:1

Ad wǝr tǝtihǝrǝššeɣ iɣmaran. Tagg-asan ǝnnǝsixa šilat ǝn wa za taga y abba-nak; tagaɣ i meddan win madrornen ǝnnǝsixa wa za tagaɣ i mǝdrayan-nak.

Titǝs 2:6

Tamar harwa s ǝmmǝk wen da meddan win madrornen s ad annadin daɣ wallan-nasan.

1 ⵢⵈⵢⴰ 1:1

Nǝkattab-awan-in isalan ǝn wa imosan awal ihakku tǝmǝddurt. Awal wa ill-ay dat ǝnǝtti n ǝddǝnet: nǝsl-as nǝnay-tu ǝs šittawen-nana, nǝzigazd-ay, amaran ǝdâsan-tu fassan-nana.

1 ⵢⵈⵢⴰ 2:1

Bararan-in arat wa ǝkattabaɣ-awan-t-in fǝl ad wǝr tǝtaggim ibakkadan. As iqqal as iga iyyan daɣ-wan abakkad wǝdi nǝla almawakkil ɣur Abba a t-imosan Ɣaysa Ǝlmǝsix s ǝnta a oɣadan,

1 ⵢⵈⵢⴰ 2:12

Bararan ǝkattabaɣ-awan-in as: ibakkadan-nawan ǝtiwasarafan-awan s ǝssǝbab n arat wa iga Ɣaysa Ǝlmǝsix.

1 ⵢⵈⵢⴰ 3:12

Daɣ adi a dana-wǝr-iggǝz i igân awa iga Kayin, ilkaman y Iblis iga iman n amadray-net. Mafel za itagg-en? Iga iman n amadray-net fǝlas alxal-net a wǝr noɣed amaran wa n amadray-net oɣâd.

1 ⵢⵈⵢⴰ 4:4

Kawanay bararan-in, Mǝššina a kawan-ilan amaran tornâm ǝnnǝbitan ǝn bahu win, fǝlas wa dǝr tǝrtayam ogar wa išɣalan y ǝddǝnet.

1 ⵢⵈⵢⴰ 5:18

Nǝssân as bararan ǝn Mǝššina wǝr gǝllin taggin ibakkadan, fǝlas Barar ǝn Mǝššina a tan-ogazan. Adi da fǝlas wǝr daɣ-san ifreg Iblis wala.

1 ⵢⵈⵢⴰ 5:20

Nǝssân as Barar ǝn Mǝššina osâ-du, amaran ǝnta a danaɣ-ikfan ǝgǝrri fǝl ad nǝssǝn Ǝmǝli wa n tidǝt, amaran nǝrtây d Ǝmǝli wa n tidǝt ǝs tarrayt ǝn Barar-net Ɣaysa Ǝlmǝsix. Ǝnta a imosan Ǝmǝli wa n tidǝt ihakkan tǝmǝddurt ta tǝɣlalat.

Ǝnǝfilal 12:11

Mišan ya ornan-tu mǝdrayan-nana win ǝs tarrayt n ǝzni n Ǝjemar ǝd tarrayt ǝn salan n Ǝlinjil win ǝmalan. Ǝqbalan tehakkay ǝn man-nasan, iba-tan daɣ tarrayt ten.

Ǝnǝfilal 2:7

Wa isallin aslet y awa inna Infas wa Zǝddigan y Ǝlkǝnisaten: 'Wa d-ornan, ad t-aššatšaɣ ara n ašǝk wa n tǝmǝddurt, ihân aljannat ǝn Mǝššina.'"»