Luke 7:16 - Thet

¹⁶ လူးအပေါင်းရက်အ(လ်) အစက်ကလင်ဂို့ "ငါရက်ကမား မြင့်မြတ်ဟေကား အရိယာသူတော်စင် ပေါ်ထွန်းယောဝန်နန်း။ ဘုရားရှင်နာ ငါရက်အင် စောင့်ရှောက်ဟေ"ငါ့ကို ဘုရားရှင်ကဂုဏ်တော်ယင် ချီးမွမ်းလင်ကဟေ။

Luke 7:16 Iomraidhean Croise

Luke 1:65

ကိန်းနားကလူးရက်အိမ် ဆွေမျိုးဆန်းစူရက်နာ မှအဖြစ်အပျက်အင်ပိုဂါးအခါ အစက်ဂို့တုန်လှုပ်လင်ကဟေ။ လူးဆန်းစူရက်နာ အိမ်မှသတင်းငင် ယုဒပြည်တောင်ပေါ်ဒေသယာက နေရာတိုင်းငါ ငှားတုန်းလင်ကဟေ။

Luke 1:68

"အစ္စရေးလူမျိုး ဆန်စူရက်က အရှင်သခင်ဖြစ်တော်မူဟေကား ဘုရားရှင်ဂါး ဂုဏ်ကျေးဇူးတော်ငင် ငါချီးမွမ်းဟေ။ ဘုရားရှင်နာ အမာကလူမျိူးအပေါင်းရက်အင် ကယ်တင်ကဇီစ် ကြွဗန်(ဖ်)ဟေကဖြစ်ဟေ။

Luke 19:44

မှမြို့တစ်မြို့လုံးနာ အဆောက်အဦး စုတ်ရက်အင် ဖျက်စီးကို မြို့ဝါကလူးရက်အင်ယေ့ ကတိုက်ကအချိန် ထုပ်ဗာ(ဖ်)လင်ကဟေ။ အဇာရိကို အငါ့နဲ့က(လ်) နနိန်ရက်နာ ဘုရားရှင်နာ ကယ်တင်ကဇိစ်ကြွဗန်(ဖ်)က အချေးကအတွက်ဖြစ်ဟေ"ငါ့ကို ငါ့လင်ကဟေ။

Luke 2:20

သိုးကျောင်းဆားရက်ယဲ့ အကြိုဆာဟေကား နေရာယာပြန့်လင်ကို ဘုရားရှင်ကဂိုဏ်တော်အပေါင်းရက်အင် ချီးမွမ်းဂို ဟမန်းဒေဝါရက် အမာရက်အင် ပြိစ်ဒက်ဟေကား အံ့ဩဖွယ်ရာ အဖြစ်အပျက်ရက် အမှန်တကယ်ဒင့် ဖြစ်ပျက်ကြောင်းယင် အချင်းချင်း ပြိစ်တုန်းလင်ကဟေ။

Luke 24:19

ကိုယ်တော်နာ "အဆာမီကအူဇာရက်ဖြစ်တက်ကယား"ငါ့ကို ကတာလင်ကရပ် အိမ်မားလူးနာ "နာဇရက်မြို့သား ကိုယ်တော်ယေရူက အဖြစ်ပျက်ရက်မယ်ဖြစ်ဟေ။ အမာနာ အံ့ဩကမီဟေကားအမူရက်အင် လိစ်တက်ကို့ ဝမ်းမြောက်ဖွယ်ရာ မင်္ဂလာသတင်းတူးယင် ဟောဆနပ်တက်ကား အရိယာသူတော်စင် တစ်ပါးဖြစ်ဟေ။ အမာကဟောပြောမူရက်အလ် တန်ခိုးအာနုဘော်ပြောင်ဟေ လူးရက်အ(လ်) အထင်ကြီးဟေ။

Luke 5:26

လူထုပရိသတ်ရက်အ(လ်) အံ့ဩကလင်ဂို "ထူးဆန်းအံ့ဩဖွယ် အူဇာရက်အင် မှရယက်အာမယ် ငါရက်ပေါ်ဒက်နန်း"ငါ့ကို ဘုရားရှင်ကဂုဏ်တော်ယင် ချီးမွမ်းလင် ကဟေ။

Luke 5:8

မှာအဖြစ်အပျက်ရက်အင် ပိုဟေကအခါ ရှိမုန်ပေတရုစာ ကိုယ်တော်ယေရှုဂါ အတာရင်းငင် ဒူးထောက်ဆဗားဂို့ " အရှင်၊ ငါနာ အမိကားအလုပ်ရက်အင်လိစ်ဟေကဒေါင်း ငါထနဲဘင်း ပြုကလင်ဒက်" ငါးဂို့ လျှောက်တင်လင်ကဟေ။

Luke 7:15

အိမ်မားအခါ ဆိန်းတူးကလူးနာ ရိတုန်းကို စတင်ကိုတူးပြိစ်လင်ကဟေ။ ကိုယ်တော်ယဲ့ အမင်ယင် အနူ(ဖ်)ကမား ပြန်ကိုအက်လင်ကဟေ။

Luke 7:39

အိမ်မကရပ် ကိုယ်တော်ငင် ပင့်ဖိတ်ဟေကား ဖာရိရှဲနာ ပိုကအခါ "မှလူနာ အရိယာသူတော်စင်မှန်နဲ့က(လ်) အမင်ထိတုန်းက တာဆလောင်နာ အဆီတာဆလောင်ယား ငှားဟေကငင်ချေးသင့်ဟေ။ အမှီးကတာဆလောင်ဟူးဝါ ဖြိုက်ဟေကယင့် ချေးသင့်ဟေ"ငါ့ကို စိတ်ထဲယာတွေးတုန်းလင်ဂါဟေ။

Luke 8:37

မှအခါ ဂါရစမြို့ဝန်းကျင်ယာ ဗန်(ဖ်)ဟေကလူးရက်စာ တဗျင်းအစကလင်ဂို့ ကိုယ်တော်ယင် အမှာရက်ကမှာဘင်းပြူကလင်ဂါဇီ တောင်းပန်လင်ကအကြောင့် ကိုယ်တော်ယေ့ တပည့်တော်ရက်အိမ်မက်တာ ဟိုးဖုန်ယာချေဂို့ ပြန်လင်ကဟေ။

Luke 9:19

အမှာရက်နာ "တချို့ငင် ကိုယ်တော်ယင် အိန်းမြုပ်မင်္ဂလာဆရာယောဟန် ဒေလေယေငါ့ဟေ။ ဧလိယဒေလေယေ့ ပြိစ်ဟေ။ မလားငါ့ဒက်က အရိယာသူတော်စင်တစ်ပါး အဆက်ပြန်ကိုဆိမ်းဟေငါ့ကိုယေ့ပြိစ်တုန်းဟေ" ငါ့ကို လျှောက်တင်လင်ကဟေ။