Luke 5:30 - Thet

³⁰ ဖာရိရှဲရက်အိမ် ကျမ်းတတ်ဆရားရက်နာ ကိုယ်တော်ကတပည့်တော်ရက်အင် "နနိန်ရက်နာ မှအခွန်ကောက်ဟေကလူးရက်၊ အပြစ်ဒုစရိုက်သမား ရက်အိမ် အဇာရိ(လ်)ကားမက်တာ ပုပ်ဆာတုန်းကယား"ငါ့ကို င့ါကက်တုန်းကဟေ။

Luke 5:30 Iomraidhean Croise

Luke 18:11

ဖာရိရှဲနာ ဟူးဝါတည်းစက်ကို "အို ဘုရားရှင်၊ ငါနာ အယောက်လူးရက်ဒေလေ လောဘယေ့အကြီးပါ(လ်)၊ မရိုးမသားယေအလုပ်ပါ(လ်)၊ အိမ်ထောင်ရေးယေ အဖောက်ပြန်ကအပြင် အိမ်မနား အခွန်ကုန်ဟေက လူးဒေလေအရိကအတွက် ဘုရားရှင်ယင် ကျေးဇူတင်နက်ဟေ။

Luke 19:7

မှအခြင်းအရာငင် ပိုဟေကားလူးရက်နာ " ကိုယ်တော်နာ အပြစ်ဒုစရိုက်သမားရက်က ကိန်းငါလင်ဂို့ အမာအိမ်မက်တာ ဆာဂါး ရိနိန်းမက်" ငါးဂို့ ဝေဖန်တုန်းလင်ကဟေ။

Luke 5:17

ယက်တကရပ် ကိုယ်တော်ယေရှုနာ ဟောကြားဆနပ်တုန်းကရပ် ဂါလိလဲပြည်၊ ယုဒပြည်အိမ် ဂျေရုဆလင်မြို့ဝါဘင်း ထိန်ငါဘင်း ဗန်ဟေကား ဗာရိရှဲရက်အိမ် မောရှေကျမ်းတတ်ဆရာရက်ယဲ့ အိမ်မှားနေရာနား တုန်းဂို့ငှားလင်ကဟေ။ ဘုရားရှင်ကတန်ခိုးတော်ယဲ့ လူးရက်က အနာရောဂါရက် ပျောက်ကဇိစ် ကိုယ်တော်ယေရှုထနဲ့ ငါလင်ဟေ။

Luke 5:21

အိမ်မားကအခါ ဖာရိရှဲအိမ်ကျမ်းတတ်ဆရာရက်စာ "မှလူးနာ အပါနာကအပါနာ ဘုရားရှင်ငါ့ကို ထင်တုန်းဟေလဲ။ ဘုရားရှင်ယင်လွဲကို ဟူးဝါယဲ့ အပြစ်ဒုစရိုက်ရက်အင် ခွင့်လွတ်အီကဒေလေ အလုပ်လှုပါ(လ်)"ငါ့ကို စဉ်းစားကိုတုန်းလင်ကဟေ။

Luke 7:34

မှတောင်မှဒင့် လူသားတော်နာ ဆာကိုတုန်းကယဲ့ နနိန်ရက်နာ ယေရူနာ အစားကြူဟေကလူး ဖြိုက်ကို အခွန်ကောက်ကလူးရက်၊ အပြစ်ဒုစရိုက်သမားရက်အိမ် အဖက်တုံကို ဆာအူတုန်းဟေ"ငါ့ကိုယေ့ ငင့်ပီနန်း။

Luke 7:39

အိမ်မကရပ် ကိုယ်တော်ငင် ပင့်ဖိတ်ဟေကား ဖာရိရှဲနာ ပိုကအခါ "မှလူနာ အရိယာသူတော်စင်မှန်နဲ့က(လ်) အမင်ထိတုန်းက တာဆလောင်နာ အဆီတာဆလောင်ယား ငှားဟေကငင်ချေးသင့်ဟေ။ အမှီးကတာဆလောင်ဟူးဝါ ဖြိုက်ဟေကယင့် ချေးသင့်ဟေ"ငါ့ကို စိတ်ထဲယာတွေးတုန်းလင်ဂါဟေ။