44 "အောင်းကောဝါပြား အောင်းမဆူလေန နီးနီးငမ်းငမ်း ထောင်(မ်)ဟင်း။ အောင်းလူ့သားတော် မနော်တအပ် ခနောဝ်မေးကွန်းမနီးကော့်"ဆီ ဝါကော်ဝိုက်။
အောင်းသတင်းဟိုင့် ကွန်းနယ့်ဟဉ်းလေတောင်းလုန်န “လအောင်ဟိုင့်ဟောင်ပေါရောင်ဝ်မား တပေးမားနောင်နူးကျေ့” ဆီ ဆောင်ဝ်စောဝ်ဆီ ရိန်းစမ့်စမ့် တန့်ဟင်းကော်ဝိုက်။ အစွမ်းစောင့်ဖလားလေကော့် တောင်းလအောင်အင်တောင်း ရောင်းနွေ့ဟင်းဝိုက်။
ရာခွန်တန်းဂျေရုဆလင်ဟိုင့် စောင့်ယေရှုလ အောင်းတပဲ့ဆစ်(ပ်)ဆောင်(န်)ကော့် ဟောင့်ကော်ရောင့်(ဝ်) "အစောင် ဟောလေန ရာခွန်တန်းကွာဂျေရုဆလင်ပေးဝိုက်။ ပရောဖက်လေနာ့် အကြောင်း "လူ့သားတော်"နောင်တင့်(မ်)ဝိုက်ညော့ အောင်းကျန်လေန နောင်နယ့်ဆီ တပေးဝိုက်။
တော်နယ်ကော့်ကော့် မာရိလ အကြောင်းအောင်းပေးမားလေတောင်းလုန် ခနောဝ်စောဝ်မွန်း ယဉ်းဖန်ဆီ အောင်းဟောန့်လေန အဓိပ္ပါယ်နောင်နူးရောင်းဝါလ အကျင်မ်ကျင်မ် စဉ်းစားကော်ဝိုက်။
နောက်လောင်နော့် လအောင်အင်ယေရှုလ တောင်းမာရိ တောင်းယောသပ်ဟော်တောင်း စောင်းမ်ပေါက်မှိန်းနာဇရက်မားကော်ဆီ အောင်းခွမ်းမနော်ကော့် ဆက်ဆီ စောင်းမ်ဟေကော်ဝိုက်။ တော်နယ် မယ်မွန်းန ကာအောင်းပေးမား အောင်းအကြောင်းဟောန့်လေတောင်းလုန် ခနောဝ်စောဝ်မွန်း ဆိဉ်းဝိုက်ဆီ စဉ်းစားကော်ဝိုက်။
နောက်လောင်နော့် စောင့်ယေရှုလ "ပညတ်မောရှေတောင်း ဖွန်လိပရောဖက်လေ၊ ရာကျမ်းဆာလံလေန အကြောင်းကောအောင်းပြားဝိုင့်လေန တပေးမားအောင်းတဲ့တဲ့ကော့်ဆီ အောင်းစမဆူ အကြောင်းအောင်းကောဝါမားလေန ပေးအဖြစ်ပျက်အစောင်လေ"ဆီ ဝါကော်ဝိုက်။
မွန်းစောင့်ကော့် အောင်းတပဲ့မွန်းလေ "ဟိုဘာသာရေးဂျူးလေ၊ ဘာသာရေးဂိုဏ်းချုပ်လုန်လေတောင်း ဆရာကျမ်းစမ်လေန အောင်းလူ့သားတော် တနိစတ်ဟင်းနော့်။ ကွန်းဟောန့်လေန အောင်းစမွန်းစောင့် တအောင်း(ဝ်)သိုင်းဟင်းနော့်။ တော်နယ်ကော့် ဆမ်ဝမ်းပေါထိန့်ကော် မွန်းတခွန်းပေါက်မား"ဆီ ဝါကော်ဝိုက်။