Luke 9:3 - TaiLaing

³ စောင့်ယေရှုကော့် အောင်းမနော် "တောင်းမဆူတောင်း အဟောင်းကော့် ပီအောင်း(ဝ်)ကော် ခေါန့်တောင့်၊ ထုန်(ဝ်)၊ ခေါင်ကျဉ်း၊ ငွန်း၊ ဆေဖအောင်းပိုလေ ပီအောင်း(ဝ်)ကော်။

Luke 9:3 Iomraidhean Croise

Luke 12:22

နောက်လောင်နော့် စောင့်ယေရှုလ အောင်းတပဲ့မွန်းလေ "အောင်းမဆူ ကောခဝါလ အောင်းဘဝမဆူလေကော့် ပီကြာပါဟင်း၊ အောင်းမဆူ စကျဉ်း၊ စနွမ်း၊ စနွန်၊ စမိုင်းလေကော့် ပီကြာပါဟင်း။

Luke 12:28

စောင့်ဖလားန အချီန်အောင်းအိအိအင်ဟော်တနယ့်အူဟော ဝမ်းနယ့်အဆတ်ရောင်းဆီ ဝမ်းမဖု ခနောဝ်ဖိုင်း အောင်းဆောင်(ဝ်)ခေါင့်(ဝ်) အောင်းတနယ့်ခမ် အောင်းစမောက်ရထိန်လေကိုးသကော့် ဟပေါဆန်း ဖန်စန်းမားအွန်န အောင်းမဆူပေါဝါလော့် နောင်နယ့်မကား ဆာဆီတဖန်စန်းဟောင့်(ဝ်)မစော်လေး။ အောင်းမဆူယွန်(မ်)လေန အိုက်ဆေး။

Luke 22:35

နောက်လောင်နော့် စောင့်ယေရှုန အောင်းတပဲ့မွန်းလေ "ကောလ အောင်းမဆူ အိငွန်း၊ အိကွာခရီး‌တောင်း ချက်(မ်)တဉ်းလေကိုးသကော့် မဟာ့အောင်း(ဝ်)ဆီ မေပွယ်ကော်လ မဆူတူးနိမ်မတူးနိမ် အောင်းယပ်ရောင်းမားကောင်(ဝ်)လေး"ဆီ စောင့်ယေရှုလ ထန်(မ်)ကော်ဝိုက်။ တပဲ့လေကော့် "မရောင်းမား"ဆီ ဖြေပေါက်ဟင်းကော်ဝိုက်။

Luke 3:11

ယောဟန်ကော့် “ခနောဝ်မဆူ ကွန်းဆေဆောင်န်ဖွန်ရောင်းန အောင်းကွန်းမရောင်း ဖွန်နိမ်တနယ့်ဟောင့်ဝ်။ ရာမဆူ ခေါင်ကျဉ်းဟောင်ပေါရောင်းကော့် အောင်းကွန်းမရောင်းလေ နောင်နယ့်ကျဉ်းနော့် တနယ့်မိုင်ဟောင့်ဝ်” ဆီ ဝါကော်ဝိုက်။

Luke 5:29

နောက်လောင်နော့် ဟောင့်ကော်ရာဟုန်းလေဝိဆီ အောင်းစစောင့်ယေရှုတောင်းတပဲ့မွန်းလေ ခေါင့်(ဝ်)မားခမ် နီးနီးငမ်းငမ်း မဲဟောင့်(ဝ်)ကော်ဝိုက်။ အောင်းကျန်ကွန်းကျေ(ပ်)ကာလေတောင်း စောင့်ချိုက်လေကော့် ထီန်ဟင်းမားဝိုက်။

Luke 9:4

ရာဟုန်းထောကော့်ခရောင့်(ဝ်) မဆူဟောင်ပေါခေါင့်(ဝ်)ကော်လော့် ဆီမေရာဟောန့် တော်မဆူအောက်ပေါက်မားပွန့် ရာဟုန်းဟောန့် ဆောင်း(ဝ်)ဟင်းကော်။