Luke 7:23 - TaiLaing

²³ အောင်းကောဟေလေတောင်းလုန် အောင်းကွန်းမဆန့်ကျင် စောင့်ဖလားန မင်္ဂလာအောင်းနီးလေ တဟောင့်(ဝ်)"ဆီ ဝါကော်ဝိုက်။

Luke 7:23 Iomraidhean Croise

Luke 2:34

နောက်လောင်နော့် ရှုမောင်န အောင်းမာရိတောင်းအောင်းယောသပ်ဟော် ဆုရောန်းဟောင့်ဝ်ဆီ အောင်းမာရိ “စောင့်ဖလားန အောင်းလအောင်မော ရာခနောဝ်ကြားကွန်းအစ္စရေးလေ ကွန်းအောင်းစောင့်ဖလားဟောင့်ဝ်အပြစ်တနယ့်ခမ်လေတောင်း အောင်းကွန်းအောင်းကယ်တနယ့်ခမ်လေ ဟပေါနယ့်ခွဲခြား လိတ်ဝိုက်ရောင့်ဝ်ကော်။ လအောင်ဟိုက်လ ဆီမေစောင့်ဖလား ပေးနိမိတ်လက္ခဏာတူးနိမ်မေကော့် ကွန်းတောင်းလုန်န အောင်းစမွန်း လက်မခမ်ဟင်း။

Luke 7:22

နောက်လောင်နော့် မွန်းစောင့်ကော့် အောင်းတပဲ့ယောဟန်လေ "အောင်းမဆူနယ့်ဟောန်လေတောင်းလုန် အောင်းစယောဟန် ကွာလောင်(ဝ်)ပြားကော်။ ကွန်းဟွေတားမဟောန်လေကော့် ဟောန်မားကော်၊ ကွန်းမေးလေတဉ်းလေမနီးကော့် ပိုင်းပဲ့မားကော်၊ ကွန်းပေးအနာလေကော့် ဟိုင်ဟင်းကော်၊ ကွန်းပဉ်ဟူမနယ့်ဟဉ်းလေကော့် နယ့်ဟဉ်းမားကော်၊ ကွန်းသိုင်းလေကော့် ခွန်းပေါက်ဟင်းမားကော်၊ ကွန်းဖန်လေကော့် သတင်းအောင်းနီး နယ့်ဟဉ်းမားကော်။

Luke 7:24

တပဲ့ယောဟန်လေ ပေါက်ကွာကော်ရောင့်(ဝ်) မွန်းစောင့်လ အောင်းကွန်းဖွန်လေတောင်းလုန် အကြောင်းယောဟန် လောင်(ဝ်)ပြားကော်လ "မဆူလေ ကွာခနောဝ်ထိန်လုန်ဆီ ကွာတွဲအောင်းဖော။ နောင်ဖလုမ်းညော့ အောင်းဟေစောင်း(မ်) အောင်းတိန့်မိုင့်အော့ဆွန်လေလေး။