Luke 6:12 - TaiLaing

¹² ဝမ်းနိမ်လော့် မွန်းစောင့်ယေရှုလ သကွာရောန်းဆုဆီ ခွန့်ကော်ရာခနေနွဲတီနိမ်ဆီ မွန်းစောင့်ရောန်းဆုကော်ဝိုက်။ မေခမ်ဟောန့်တောင်းခမ်းခမ် ရာဟောန့်ညော့ အချီန်မိုကော်ဝိုက်။

Luke 6:12 Iomraidhean Croise

Luke 5:16

တော်နယ်ကော့် မွန်းစောင့်လ စရောန်းဆု ရာနေရာရိန်းစမ့်စမ့်ဆီ ရာကွန်းလေမထီန်န ကွာဆီ မွန်းစောင့်ကော်နိမ်အင် စမ်အောက်ကွာကျဉ်းဝိုက်။

Luke 6:11

မေနယ့်လော့် ဖာရိရှဲလေတောင်းဆရာကျမ်းလေန ခထားဟင်းဆီ ကော်နိမ်တောင်းကော်နိမ်တွဲရောင့်(ဝ်) "အောင်းယေရှု တနယ့်ဟေနောင်နူးဝါလ အချန်းချန်း တိုင်ပန်ဟင်းကော်ဝိုက်။

Luke 6:17

နောက်လောင်နော့် မွန်းစောင့်လ တောင်းသာဝကအောင်းမွန်းလိတ်ဝိုက်တောင်း ဆီမေခနေနွဲ လုန်းမားတော်နောင်နဉ်းပြန့်ကော်ဝိုက်။ ရာဟောန့် တောင်းတပဲ့မွန်းတောင်း မှိန်းယုဒ၊ မှိန်းဂျေရုဆလင်၊ မှိန်းဇိဒုန် တောင်းမှိန်းတုရု၊ ကွန်းအူရာမှိန်းခန့်ဟဉ်း(မ်)နမ့်လေကော့် ရာဟောန့် ထီန်ဟင်းမားဝိုက်။

Luke 9:18

ဝမ်းနိမ်လော့် မေစောင့်ယေရှုကော်နိမ်အင်ရောန်းဆုလ တပဲ့မွန်းလေ ထီန်မားကော်လော့် မွန်းစောင့်ကော့် အောင်းမနော် "ကွန်းလေဝါအဟောင်း အောင်းအကြောင်းကော"ဆီ ထန်(မ်)ကော်ဝိုက်။

Luke 9:28

နောင်ခနေဟောန့်ဝါညော့ ပက်ဝမ်းဟူကော်လော့် မွန်းစောင့်လ အောင်းပေတရုရယ် အောင်းယောဟန်တောင်း၊ ယာကုပ်ရယ် ဟောင့်ဆီ ဟပေါနယ့်ရောန်းဆု ကြွကော်ခနေနွဲဟင်းကော်ဝိုက်။

Luke 9:29

မေမွန်းစောင့်ရောန်းဆုလ ဟန်မွန်းစောင့် ပြောင်းကော်ဆီ ဆေမွန်းလေန ပေးအောင်းခေါင်(ဝ်)ဆီ အရောင်လိမ်းမားကော်ဝိုက်။