Luke 4:16 - TaiLaing

¹⁶ နောက်လောင်နော့် စောင့်ယေရှုန အောင်းပေးမှိန်းမွန်းလိမ့် ရာမှိန်းနာဇရက် ပေါက်ဟုန်းမားကော်ဝိုက်။ ဝမ်းဥပုလော့် မွန်းန ရာတလားစလပ်လေ နောင်မွန်းကွာ နောင်မေစောင့်ညော့ ကွာဝိုက်။ ရာနေရာဟောန့် မွန်းန ဟပေါနယ့်ဖတ်လိကျမ်း စိန်ကော်ဝိုက်။

Luke 4:16 Iomraidhean Croise

Luke 2:39

နောက်လောင်နော့် မာရိတောင်းယောသပ်ဟော်လ ရာမောရှေပညတ်ကျမ်း နောင်ပြားဝိုက်ညော့ အောင်းခနီးခဟေလေ တော်ပေါကျေ ဟေဟောင့်ဝ်ရောင့်ဝ်ဆီ ရာမှိန်းမနော်အူ ရာမှိန်းဂါလိလဲ ပေါက်ကွာမှိန်းနာဇရက်ဟင်းကော်ဝိုက်။

Luke 2:42

ကောပ့်နယ့်ညော့ စောင့်ယေရှု မေအရွယ်အဆတ်ဆစ်ပ်ဆောင်န်ရောင်းလ မနော်လေန အောင်းစပွဲပသခါ နောင်ကွာကောင့်ဝ်ကွာကောင်ဝ်ညော့ ကွာရာမှိန်းဂျေရုဆလင်ဟင်းကော်ဝိုက်။

Luke 2:51

နောက်လောင်နော့် လအောင်အင်ယေရှုလ တောင်းမာရိ တောင်းယောသပ်ဟော်တောင်း စောင်းမ်ပေါက်မှိန်းနာဇရက်မားကော်ဆီ အောင်းခွမ်းမနော်ကော့် ဆက်ဆီ စောင်းမ်ဟေကော်ဝိုက်။ တော်နယ် မယ်မွန်းန ကာအောင်းပေးမား အောင်းအကြောင်းဟောန့်လေတောင်းလုန် ခနောဝ်စောဝ်မွန်း ဆိဉ်းဝိုက်ဆီ စဉ်းစားကော်ဝိုက်။

Luke 4:15

မွန်းစောင့်ယေရှုန ရာစလပ်ဟောန့်ကွာလောင်(ဝ်)ပြားမောက်ပြားကော်လော့် ကွန်းတောင်းလုန်န ကောပ့်မွန်းလောင်(ဝ်)ပြားဆောန်ပြားညော့ အောင်းမွန်း အိုက်ရောဟင်းကော်ဝိုက်။

Luke 4:17

နောက်လောင်နော့် အောင်းမွန်းစောင့် အောင်းဖွန်လိပရောဖက်ဟေရှာယကျမ်း ဟောင့်(ဝ်)အောင်းမွန်းကော်လော့် မွန်းန အောင်းဖွန်လိကျမ်း ပူဆီဖတ်ကော်ဝိုက်။

Luke 4:21

နောင်နယ့်ရောင့်(ဝ်) "ဝမ်းနယ့် အောင်းမဆူနယ့်ဟဉ်းလေန ပေးအောင်းတဲ့တဲ့မားကော်"ဆီ ဝါကော်ဝိုက်။

Luke 4:23

မွန်းစောင့်ကော့် "အောင်းသေချာလ စောင့်ထိုးရန အောင်းမွန်းတောင်းမွန်း တနယ့်ရားအောင်းတိုင်းဆီ မဆူတဝါဟင်းအောင်းကော။ အောင်းကောဟေမား ရာမှိန်းကပေရနောင်ဟောန့် မဆူနယ့်ဟဉ်းကော်လော့် ရာမန့်ဟောမှိန်းဟောကော့် နောင်နောင့်ဆီ တဟဟေဟင်း။