Luke 9:48 - Taungyo

⁴⁸ ဆပယ့်တိုရယ်ကွို “စူမဆွိုငေါ့အတွကျွောင့်နောင့် ဟော်လူပယ့်ငါကွို လဂ်ခေါင်ရယ့်ဆူဟော် ငေါ့ကွိုလဂ်ခေါင်ရယ့်ဆူဖှဂ်ရယ်။ ငေါ့ကွို လဂ်ခေါင်ရယ့်ဆူဟော် ငေါ့ကွိုအခွမ့်အော်နော်နောင့်စေခွှဂ်တိုမူရယ့် ဖရောဆန်ကွို လဂ်ခေါင်ရယ့်ဆူပယ်းဖှဂ်ရယ်။ အကျွောင်းမောင်ကော နန်တွို့အောလုန်းကျောမောင် ကွိုယ့်ကွိုကွိုယ် အနိခှော့ဆုန်းဆူလွို့ မတ်ယူရယ့်ဆူဟော် ဖရောဆန်ယယ့်အမျိုမောင်အကျွီးမှဂ်ဆုန်းဆူဖှဂ်ရယ်” လွို့ မိင့်တိုမူလေရယ်။

Luke 9:48 Iomraidhean Croise

Luke 10:16

အယ်းနွေ့ာဂ်မောင် ကွိုယ်တော်ခေါ့ ဆပယ့်တိုရယ်ကွို “ဆပယ့်တိုတွို့၊ နန်တွို့စကောကွို နောထွောင်လဂ်ခေါင်ရယ့်ဆူဟော် ငေါ့စကောကွို နောထွောင်လဂ်ခေါင်ရယ့်ဆူပယ်းဖှဂ်ရယ်။ နန်တွို့ကွို ညမ်းပါရယ့်ဆူမောင်ကော ငေါ့ကွိုညမ်းပါရယ့်ဆူဖှဂ်ရယ်။ ငေါ့ကွို ညမ်းပါရယ့်ဆူဟော် ငေါ့ကွို စေခွှဂ်လောဂ်ရယ့်ဖရောဆန်ကွို ညမ်းပါရယ့်ဆူဖှဂ်ရယ်” လွို့ မိင့်တိုမူလေရယ်။

Luke 14:11

စော်ကျွောင့်လောဟန်ကော ကွိုယ့်ကွိုကွိုယ် ခှီးမွှောဂ်ရယ့်ဆူဟော် နိခှော့ခှင်းကွိုခေါင်ယော့မောင်ဖှဂ်ပွီး ကွိုယ့်ကွိုကွိုယ် နိခှော့ရယ့်ဆူတွို့မောင် ခှီးမွှောဂ်ခှင်းကွိုခေါင်ယော့လောဂ်မောင်ဖှဂ်ရယ်” လွို့မိင့်တိုမူလေရယ်။

Luke 22:26

ဟော်ပေမယ့် နန်တွို့ဟော် အယ်းလူရယ်လွိုမျွိုး မဖှဂ်ဆန့်ကျော့ပေါ်။ အယ်းအစော နန်တွို့ထားခေါ့ အရယ်းအပေါ်ဆုန်းဆူဟော် အရယ်းမပေါ်ရယ့်ဆူလွိုမျွိုး နှိခှော့ပွီး ပှုမူနေထောင်ယော့မောင်ဖှဂ်ရယ်။ ခွေါင်းဆွောင်ဖှဂ်ဆူတောင်းဟော်လယ်း အချောဆူရယ်ကွို အစေခေါင်လွိုမျွိုး နိခှော့ပွီး အလုတ်အကျွယ်းပှုယော့မောင်ဖှဂ်ရယ်။

Luke 22:30

အယ်းနန်လွို့ နန်တွို့ဟော် ငေါ့ယယ့် နိုင်ငေါင်တိုမောင် ငေါ်ယယ့်စောပွားမောင် ငေါ်နောင့်အတူစောဆွောဂ်ယော့ရယ့်အခွမ့်ကွိုယော၊ ပလန်ပိုမောင်ထောင်ပွီး အစ္စရယ်းမျွိုးနွာစုဆဂ်နေစုကွို အုတ်ချုတ်ယော့မယ့်အခွမ့်ကွိုယော ယော့ဆိကျော့မောင်ဖှဂ်ရယ်” လွို့ မိင့်တိုမူရယ်။

Luke 7:28

နန်တွို့ကွို ငေါ်ဟိုးမယ် အမျွိုးဆမီးမျောခေါ့နေ မွီးလော်ရယ့်ဆူရယ်ထားမောင် ယေနဂ်မန်ဂလော်ဆရော်ယောဟန်ထဂ် ကျွီးမှဂ်ရယ့်လူမဆိပေါ်။ ဟော်ပေမယ့် ဖရောဆန်ယယ့် ဆော်ဆနော်တိုထားမောင် အရယ်းမပေါ်ဆုန်းဆူဟော် ယောဟန်ထဂ်ဆော်ပွီး ကျွီးမှဂ်ရယ်” လွို့ မိင့်တိုမူရယ်။