Luke 9:39 - Taungyo

³⁹ ဆူ့ကွို မကွောင်းဆွိုးဝါးဟော် ပူးဝမ်နိစဂ်နေရယ့်အတွ ဆူဟော်အလန့်တကျောအိုဟဂ်ပွီးယန် တကွိုယ်လုန်းတွိင်လုတ်ပွီး ပစောဂ်ထားခေါ့ အမွှုပ်လယ်းထွလော်တတ်ပေါ်ရယ်။ အယ်းမကွောင်းဆွိုးဝါးဟော် ဆူ့ကွို ပမ်ပန်းနော်ကျန်စေပွီး ဆူ့နောင်းခေါ့လယ်း စော်အခေါ်မောင့်ထွဆိုးခှန်းမဆိပေါ်။

Luke 9:39 Iomraidhean Croise

Luke 4:35

အယ်းအခေါ် ကွိုယ်တော်ယေရှုခေါ့ မကွောင်းဆွိုးဝါးကွို “တိတိနေပွီး ဆူ့နောင်းခေါ့နေ ထွဆိုးလောဂ်” လွို့အမိင့်ပေးလောဂ်တော်နောင့်တပျှောင်ထယ်း မကွောင်းဆွိုးဝါးဟော် အယ်းလူကွို လူမျောအလာမောင် မှေပှင်ပိုနောင်းလယ်းခှော့လောဂ်ပွီး မနော်စေဝါးနောင့် ထွဆိုးလေရယ်။

Luke 8:29

အယ်းလွိုရွှောဂ်ထောယော့ခှန်းမောင် ကွိုယ်တော်ခေါ့ မကွောင်းဆွိုးဝါးကွို အယ်းလူနောင်းခေါ့နေ ထွလော်ခယ့်ဖွို့ အမိင့်ပေးလောဂ်ရယ့်အတွကျွောင့် ဖှဂ်ရယ်။ အယ်းလူကွို မကွောင်းဆွိုးဝါးဟော် အကျိင်ကျိင် ဒုက်ခေါ့ပေးရယ်။ အယ်းလူယယ့် ခှေလဂ်ရယ်ကွို ဆောင်ကျွိုးမျောနောင့် ခှယ်နွောင်ဖောင်းထောပွီး စွောင့်ကျောဂ်ထောပေမယ့်လယ်း ဆူဟော်ဆောင်ကျွိုးမျောကွို ဖှဂ်ပွီးယန် လူဆူမဆိ တိဆိရယ့်နေယော်ကွို မကွောင်းဆွိုးဝါးယယ့် ခိုဆွောင်ခှန်းကွို ခေါင်ယော့လေရယ်။

Luke 9:38

အယ်းနွောဂ်မောင် လူထုပရိတ်ဆတ်ထားခေါ့ လူတယွောဂ်ဟော် ကွိုယ်တော်ယေရှုကွို အိုခိုပွီး “ကွိုယ်တော် ငေါ့ယယ့်ဆောကွို ကာတန်ပေးဖွို့ တွောင်းပန်ပေါ်ရယ်။ ဆူဟော် ငေါ့ယယ့် တဦးထယ်းဆောဖှဂ်ပေါ်ရယ်။

Luke 9:40

ငေါ်ဟော် ကွိုယ်တော်ယယ့်ဆပယ့်တိုရယ်နောင်း မကွောင်းဆွိုးဝါးကွို မွောင်းထွိဖွို့တွောင်းပန်ပွီး မွောင်းထွိခေါင်းပေမယ့်လယ်း ဆူတွို့မမွောင်းထွိနောင်ကျော့ဘူး” လွို့ ရွှောဂ်ထောလေရယ်။